السلام عليكم ورحمة الله وبركاته,,,,,
اخي محمد المسماري ماذا تقصد هناك تعني " امريكا"..
1- والله شنوا بنقولك كانك مرافق لزم ادير برنامجك مفصول على اختك حتي تحصل على التأشيرة وتمشيى الامور ,,," اي جهز الاوارق ابتعك وارفقهم بورقة من المصرف تبرهن انك عندك مصدر يستطيع ان ينفق عليك طيلة الفترة الدراسية للغة في السنة الاولى ,,لانك بتقدم على انك بتدرس لغة "
2- بالنسبة للضم والله ما نقدر نفتي فيه... بس مش انكون معاك واضح ...في بداية 2010 كان هناك ضم ايامات د.احمد عون للمرافقين سواء ازواج للمرافقات او العكس او اخوه لأخواتهم البنات...بس الأن يوجد كلام بأن هناك قوائم في ليبيا بخصوص الضم بس حسب معلوماتي المتواضعة من الاخوة بأن القوائم موجودة الان في اللجنة الشعبية للتعليم مش يتم صدر فيها قرار او يتم فيه....
فوالله انت اتقول بأنك لازلت تدرس في الجامعة ...وبصراحة مش عارف شنوا بيصر في موضوعك لانك مازال تدرس والضم هو عبارة عن تكملة دراسة " اي الي كمل دراسة في جامعة وعنده شهادة يضموه مش ياخد ماجستير او عنده ماجستير وبيكمل دكتورا....بس زي حالتك والله ما عندي علم ....
بس ما نبي نحبطك او شئ من هدا القبيل ..بس خونا محمد انا انصحك بأن تسأل عن الحاجات هده في ادراة البعثات او الناس في ليبيا من هنا وهناك ....
..........نصيحة لوجه الله ولو ارد المجئ الي امريكا لبد من ان تتأكد على برنامجك وشنوا بيصير معاك بالضبط ...لان هنا في امريكا كل شئ بالفلوس ومن امتي تحط رجلك في امريكا لزم تدفع : اي قصدي زي برنامج اللغة مصاريفها ومصاريف البطاقة الطبية لانك مش موفد فبتظر بانك تدفع والمصاريف غالية والله غالية ....بس كان تأكد من موضوعك وانشاء الله تمشي امورها : اني انقول معليش في البداية تتحمل شوية وبعدين تهون....
وفي النهاية اتمني من الله ان افدك ولو ب 10% واي خدمة في ولاية ميشغن ان انشاء الله انقوم بالواجب
مع تحياتي ,,,,اخوك لله eagle1
