أرجوكم افيدوني .......عااااااااااااااجل

بابا مسجل معي كمرافق في ورقه الدعم المالي لكن عندما جأ لكندا تبين انه ليس مؤمنا

ما السبب ؟
وكيف أقوم بتأمينه مع العلم انه يحتاج لعمليه

ارجوكم ساعدوني اني والله بروحي في كندا

وضعت بين هدا وهدا

ما الأجراء الذي يجب عليا القيام به ؟
وكيف أقوم بطلب تأشيره له لأنه رجع الى ليبيا لحالته الصحية

الله يبارك فيكم ساعدوني والله نكتب في المسج ونبكي مش عارفه شني اندير

والله نسأله يقولي بري للنت بري للنت ما فيش حد يبي يساعد من الليبين اللي هنا علاش هدا كله والله احنا بشر مو وحوش
وانا بنت بروحي

مشكورين

السلام عليكم
ان شاه الله خير وربى معك
والله ماعندى علم فى هذا الموضوع بس لو تحبى مساعدة شخصية ان شاه الله ربى يقدرنى ونقوموا بالواجب

السلام عليكم
اختي الكريم اولا عليك بالصبر والدعاء
ويعدين ليش ما توجهتيش للمكت الشعبي بكندا وحاولت تفهمي السبب والمطلوب فلعل عندهم الخبر الاكيد
اختي الكريمة لاتيأسي فالله معك و توجهي الي الطلبة الليبيين بكندا فان شاء الله تلقي يد العون
لك من الدعوات القلبية بتيسير الحال والفرج
وان شاء الله لابس علي البابا وربي يشفيه

السلام عليكم
اختي الكريمة انا موجود فى كتدا ومستعد للمساعدة و لكن مافهمتش ماهو المطلوب بالضبط فأرجو التوضيح.

السلام عليكم ورحمة الله و بركاته
أختى كساندرا للمر ة الثانية أؤكد لك الاستعداد للمساعدة و حسب المقدرة. بس سؤالى هل والدك فى ليبيا أو كندا. إن كان فى كندا فعليك بالحلول التالية. أولا الإتصال بالمكتب الكندى و سؤألهم عن تأمين والدك الصحى. فلا ارى لماذا ليس له تأمين. فإن لم يكن، فعليه الرجوع إلى ليبيا للعلاج إذا كانت حالته الصحية تسمح بذلك. و ما تفكريش فى موضوع تأشير ة الدخول الأن لأن صحة الوالد أهم من ذلك بكثير. و إن كانت حالته الصحية تعبانة جدا فيجب الذهاب به إلى المستشفى فورأ و إذا كانت الحالة المادية لآتسمح بذلك فأرجو التوضيح و ماتشيلى هم إن شاء الله فأعرف الكثير من أهل الخير من هم مستعدين للمساعدة. بس انت في اى مدينة. أنا موجود في أنتاريو ، منطقة تورونتو .

والله اختى ما عندى معلومة اتفيدك بس اسأل الله انا يسرلك الامور والله عون من لا عون له وجزاك الله خيرا يا خوى حسين

كساندرا كتب:

بابا مسجل معي كمرافق في ورقه الدعم المالي لكن عندما جأ لكندا تبين انه ليس مؤمنا

ما السبب ؟
وكيف أقوم بتأمينه مع العلم انه يحتاج لعمليه

ارجوكم ساعدوني اني والله بروحي في كندا

وضعت بين هدا وهدا

ما الأجراء الذي يجب عليا القيام به ؟
وكيف أقوم بطلب تأشيره له لأنه رجع الى ليبيا لحالته الصحية

الله يبارك فيكم ساعدوني والله نكتب في المسج ونبكي مش عارفه شني اندير

والله نسأله يقولي بري للنت بري للنت ما فيش حد يبي يساعد من الليبين اللي هنا علاش هدا كله والله احنا بشر مو وحوش
وانا بنت بروحي

مشكورين

اختي الكريمة لا املك لك من الامر شيئا الا الدعاء
عسى الله ان يشفي والدك المريض وان يكون بتمام الصحة والعافية وان ييسر امرك وان يسخر لك اهل الخير والاحسان لمساعدتك

واتمنى من كل الاخوة الاخوات في كندا مد يد العون لاختنا كسندرا محتسبا ذلك اجرا عند الله سبحانه وتعالى

السلام عليكم
اختى كاسندرا انا موجودة بكندا في اوتاوا لو كنت في اوتاوا ياريت تكلميني والليبيين هنا عائلة وحدة ومترابطين ولو ماكنتيش في اوتاوا قولي انت وين وعندنا اصدقاء في كل مكان في كندا
ارجو مراسلتي على ايميلي الخاص
*******************

عدل سابقا من قبل مدير المنتدى في الخميس 20 يناير 2011, 9:58 am عدل 1 مرات (السبب : يمنع نشر بيانات الإتصال في الموضوعات, يمكن التواصل عبر الرسائل الخاصة)

حبيبتي كاسندرا والله تأثرت بكل .. يارب يفك كربك..ياريت اصحاب القلوب الرحيمه في كندا تساعدك...ربي يشفي والدك...والله أنا مازلت ما سافرت بسبب مرض الوالد ايضا وخايفه نتعرض لنفس الموقف في الغربه...والله بديت نخاف من السفر..غير الغربه والدراسه والوحده يمرض الوالد ايضا..لكن أكيد أنت قوية والليبين مازالوا بخير...اصمدي حبيبتي وبابا حيشفي ان شاء الله حبيبتي...المؤمن مبتلي...ونحنا كلنا في اختبار....بس ياريت طمنينا حبيبتي قلبي معاك....

اختي كاسندرا ربي يفرج همك ويقويك بس ننبي ننصحك ماتياسيش حتى اني اول ماجيت كنت بروحي مالقيت من اساعدني لكن ربي مايخلي حد والليبيين هني ماني عارفه خيرهم مش زي في بلادنا الا ما رحم ربي شوره الغربه تحجر في القلوب والله المستعان الي هدا روحك روحك .عموما اختي اني في الخدمه لاي مساعده بعد الي شفته قررت اني انساعد بقدر المستطاع لانه لو كل واحد احط روحه في مكان التاني كان الحال مش هكي