السلام عليكم ورحمة الله وبركاته,,,,,
والله حبيت انوضح شوية على بعض الاستفسارات بخصوص هدا الموضع وهو موضع شائك بعض الشيئ:
والله حسب معلوماتي والموجود حالياً من غير اي كلام زائد او مرات او ممكن او اي كلمة من هدا القبيل .....
.......الموضوع من الاخير ........بالنسبة لأمريكا وكندا.........
1- بالنسبة للأخ كمرافق لا توجد ورقة ثتبث بأن ادراة البعثات تدعم المرافق من ناحية الدعم المالي ...غظ النظر عن اسمه موجود في ورقة الدعم....لان بصريح العبارة هنا في امريكا يدققون على كل حرف مكتوب في ورقة الدعم المالي و كما قالت وتفضلت الأخت الكريمة بأنها راسلت الجامعة وتحلت على قبول وبالنسبة لأخوها لم يتحصل ...لان في امربكا يريدون كلام صريح ومكتوب من الاخير بأن الاخ مدفوع علية المصاريف ...وليست كتابة بياناته كملحق في الورقة.....
2- توجد طريقة للحصول الاخ على التأشيرة وعلى قبول من الجامعة بالدراسة في اللغة ودالك عن طريق الدراسة على الحساب الخاص...
وهى يوتي ورقة من البنك وفيه مبلغ مالي يغطي مصاريف دراسته ومعيشته وسكنة وتامينه اي مبلغ في حدود 30000 الف دينار على الاقل..المبلغ المدكور لتضمن من ان تتحصل على قول اللغة وعلى التاشيرة ....
3- بالنسبة للمرحلة التانية وهي بعد الوصول الواقع " ارض امريكا او كندا"...السكن والاكل لا يوجد فيه مشكلة لان الاخ مع اخته ...ولكن توجد هناك مصاريف الدراسة اللغة والتامين الصحي..وهي والله مصاريف غالية جدأ وتعتمد على حسب المكان الموجود فيه لا ن الاسعار تختلف من مركز الى مركز ومن جامعة الي جامعة وحتي التأمين نفس الشيء...
معناه في البداية فيها مصاريف والمشكلة المرافق الاخ عنده الفيزا طالب وهي اف 1 معناه لازم يقرا ما يقدرش يقعد من غير اقرايا مش زي اف 2 ....
4- نجو للموضوع المهم في الحكاية كلها وهو برنامج الضم ....هده برحها زردة من غير خشرة ..... شن المعني من الكلام ....المرافق اول شي لازم ولابد ان يكون عنده شهادة جامعية او ماجستير ...هده حاجة وبعدين حكاية الضم زمان بداية 2009 ايامات د عون صار فيها شويه ضم وبعدين اتصكرت الحكاية وقعدت فيها الواسطة.......وقبل ما يسيب مكانه كانت فيه قوائم بالنسبة للضم بخصوص الناس المرافقة والناس الي تدرس على حسابها الخاص ولكن لم يسمع عنها اي خبر الي يومنا هدا ويقال والله اعلم بأن القائمة موجودة في ليبيا في اللجنة الشعبية ومش معروف عليها اي خبر ...هل الاسماء لازالت نفس الاسماء او لا او تم تغير البعض او لا ....الله اعلم ...
....معنى الكلام من الاخير كل شيئ يبدا من ليبيا اي عندما تاتي الي امريكا لا يوجد اي نوع من انواع الضم وخاصة الان مع الشركة الكندية الجديدة المشرفة على الطلاب لان ليس لديهم اي سلطة او اتخاد القرار ...هم عبارة عن شركة متابعة وتنفيد فقط وليس لديهم السلطة في اتخاد القرار.....
.....نصيحة لوجه الله ربط احبالك من ليبيا قبل ما تأتي الي امريكا او كندا لان عندما تاتي سوف تبدأ بالماريف والمصاريف غالية والله غالية لان احني ليبين ونعرفو الفرق امتي انقول غالية معناها غالية والله ما في بصارة في هاد الموضوع ...وانشاء الله بالتوفيق ومتقولوش بأني نحبط في شخص او لا والله اني حبيت نوضح الصورة من الاخير ونقول على الحاجة الي صايرة وهي في ارض الواقع مش قولت قال او ممكم او على معتقد وفي نفس الوق تكون الصورة واضحة للشخص مش يحلم وبعدين يصطدم بالواقع.....
علي فكرة بالنسبة لموضوع الورقة من البنك مش لازم ان تكون بأسم المرافق حتى بأسم الوالد المرافق ما فيهاش مشكلة اي الدعم من الوالد......
وفي النهاية ارجو الله التوفيق للجميع وانشاء الله اخونا تتيسر الامور وتمشي وتتسهل وانت ما عليك الا تتوكل على الله وتسعى والله مع الجميع
مع تحياتي eagle1
