السلام عليكم ورحمة الله وبركاته...
يا أخت وعد ...
1- اول شيئ طولي بالك " معقولة لايوجد موفد أو موفدة للدكتوراة للساحة الامريكية"
2- ثانياً بالنسبة للدراسة الدكتوارة والمدة المتاحة لذالك " هدا طبعا حسب خبرتي ومعلومتي اني " تعتمد على 4 اشياء:
2-1 مدة اللغة الانجليزية
تعتبر غير كافية نوعاً ما ,,لان معطم الطلاب لا يمتلكون لغة قوية من قبل ما يأتو الي امريكا او كندا او اي دولة...فهى سنة واحدة وهده السنة تكون غير كافية ...
2-2 موعد بداية الدراسة ...
ما معنى ذالك ؟
يعني هنا في امريكا يوجد مواعيد محددة لقبول الاوراق حت يت مراجعتها والبث فيها ...يعني مرات انتي تحصلي على درجة اللغة المطلوبة ولكن في الوقت الغير مناسب يعني انتي تحصلتي على درجة اللغة الانجليزية في شهر 10ا وتريدي ان تبدي دراستك الاكاديمية في بداية السنة ...وهدا لن يحدث لانك تحصلتي على الدرجة في شهر 10 وموعد اخر تسليم القبولات لمعطم الجامعات يكون في خلال هده المدة او قبل شوية.. فأنتي بتظري للأنتظار حتى الفصل الثاني للبداية في دراستك ..."انشاء الله وصلت"
2-3 مدة الكورسات ...
اول شيئ نقدر انقوله على هدا الموضوع ....هو يعتمد على الكورسات المفتوحة في التخصص ابتعك ...قصدي انتي مشرفك مرات يبيك تاخدي بعض الكرسات المهمة والي بتنفعك في الرسالة ابتعك وفيها فائدة وهده الكرسات مرات متكونش مفتوحة تيمى ..فتظرى بأنك تنظرى للفصلل اي فيه هده الكورسات ..هده حاجة ...
والحاجة الثانية ..في بعض الجامعات فيها دراسة وكورسات مفتوحة في الصيف وهدا يعتبر شي اجابي وقويس للشخص الي يدور في كيف يستفيد من المدة وفي بعض الجامعات ما فيهاش هده الميزة فبذالك هاد يعتبر عامل مهم : يأخد في الحسبان .." انشاء الله وصلت"
2-4 توا نجو لاهم موضوع واي هو الرسالة ...
من الاخير هدا الموضوع يتوقف على 3 اشياء مهمة :
1- التوفيق من المولى . لان كل شيئ تساخير من الله عز وجل ..
2- الموضوع في حد داته ..مرات الموضوع تلاقيه ماشيه امورة وتقدري تمشي فيه وتلقيله معلومات عليه وانتي تقدري تمشي ....ومرات الموضوع تلقيه صعب شويه فياخد منك وقت وفي نفس الوقت مرات المعلومات عليه شويه وغير متوفرة وشحيحة وشوفي روحك...
3- الكتور المشرف...
هدا اهم حاجة حسب ما اشبح فيه ...من الاخير الدكتور ابتعك كان هو قويس ومتعلم ويعرف كيف يوصل المعلومة وهي اهمة حاجة ومتعاون معاك ويشتغل ويتابع ويساعد فيك امتي تبي مساعدة ويعطيعك راس الخيط وكان اوقفتي في شيئ ايجي ايساعد وينورك ..هدا يعتبر قويس وعلى قولتنا " اميلح بكل" ...ومرات تلقي دكتور قليل المساعدة وشحيح المعلومات ومتعب جدا ...ومرات فيه دكاترة عباقرة بس المشكلة في الكونيكشن وتوصيل المعلومة " على قولت صاحبي " عبقري للنفسه " يعني مش هتستفيدى منه.....
................و في النهاية انشاء الله انكون جوبتلك الاسئلة والاجابة كانت واضحة نوعا ما ...وطولي بالك....
مع تحياتي eagle1
