عــــــــــاجل جــــدا جـــــدا من رجال الغربه فى امريكا ...

السباعى كتب:

السلام عليكم
والله ماك عادى ياولد ميشغن هكى الصح وضح الامور من الاول حتى يكون الشخص على بينة وبعدين الامور مرات متساهلة اكثر من ليبيا لان الحياة نصيب وانى جربتها فى اسبانيا
----------------------------------
اخونا السائل عليك بترتيب نفسك شد عندك :
1-صلى استخارة لله ةاسعى فى الموضوع.
2-زوجتك سهلت عليك 60% من الامور وكان تبى الجو مليح زوجتك متتكلمش انجليزى هاهاهاها ...... نبصروا
3-من ليبيا نسق امور مع حد تعرفه فى امريكا اذا كنت ماتعرف حد عليك بتحديد المنطقة التى تبى تمشيلها واسئل الاخوة الموفدين عليها سؤال مهم وهو هل الولاية فيها مسجد او مركز اسلامى كان ربى موفقك تلقى فيها وهذى تسهل عليك 20% من الموضوع
قولى كبف:
لان الاخوة فى امريكا طيبين ومتساعدين مش زى الخنس الموجود هنا الا من رحم الله
وصدقنى حيفهموك الجو كله شنى دير وشنى مديرش يعنى يقروك مليح حول الولاية
واحيانا 5% من التقدير تحصل خدمة فى البداية.
قعدنا 15 % وهى ياخونا شد همتك وحسن لوغتك وحاول تحصل تدريب كويس فى احدى السوفتويرات وتحصل شهادة تخدم بيها
وعيش حياتك وانسى ليبيا حين من الدهر نين ربى يصخر الامور وتحس بنفسك قدمت حاجة ليك ولله وربى يوفقك ويسخرلك اولاد الحلال.




طارق

السلام عليكم خير يا عسل والله انك عسل

وربى يوفقك ونشوفك فى امريكا ياغالى ونتلاقو على خير نصيحتى معاش تراجى ومتسمعش كلام حد لانه فى اللى يحب يجرح بنصيحته لك وميتمنالكش الخير

وربى يعاونك ...

السباعى كتب:

على فكرة ياشباب انى مشيت لمكتب حجز تذاكر وقالى حق التذكرة 2700 على الالمانية
و2600 على الانجليزية.
سؤالى ؟
من عنده فكرة على الاسعار يوضحنا نوع شركة الطيران وثمن التذكرة.

طارق

واااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااو معقوله لهدرجه الاسعار واواواواواواواواك مبلغ خيالى


عموما بنسأل ولدى عمره 3 شهور حتى هوا يبى تذكره .؟

السلام عليكم ورحمة الله وبركاته.................ز
خونا البحبوح " السباعي" شن جوك توا انشاء الله امليح وبالنسبة لأسمي نوعك زبيطة كيف ورقتلها النسر ؟؟؟؟ها ها وبما انك زبيطة انشاء الله أهلوي بس....
توا نخشوا على المهم شد عندك يا بحبوح:
1- والله امتي قولتلي بأنك على حسابك والله ربى يعاونك ويسهل عليك لان انت مورق للجو الحكاية كلها فلوس في فلوس بس والله ما تندري عليها ربك في الوجود واني يعجبني الواحد الي يغامر ويحط حاجة قدامها ويتوكل على الله لان والله ما تعرف شنوا بيصير غدوا " اي اليوم التالى"..
2- بالنسبة لحكاية صاحب صاحبي والله انشاء خير ...مع العلم بأن انت سيد العارفين الحكاية من واحد الى واحد مش عارف كيف بس اهم حاجة ايكون صاحبك الي في ليبيا متتدل على صاحبة في امريكا مش حكاية صاحبي قاعد غادي وخلاص ..وانت زابط شن قصدي ..وانشاء الله خير..
3- بالنسبة لحكاية الخدمة الي ات تحصلت عليها توا بعد ما ما شيت امورك في الفيزا...هده من الاخير ارزاق من الله عز وجل ومكتوب ...سبحان الله...والله ما نزيد عليك في كلمة اني امتى كنت في ليبيا كنت نخدم في شركو وبعدين سيبتها وقدمت في شركة ايطالية وقالولي توا اردو عليك ومشت عليها مدة ممكن في جو الشهرين او ثلاثة وامتي جهزنا اروحنا وتوكلنا على الله وجينا الي امريكا ثالث يوم اني في امريكا اتصلو على رقمي الي عاطيه لخوي وقالوله نبو ولد ميشغن يخدم معانا ويبدا من الاسبوع الجاي ...فسبحان الله الحكاية والله ارزاق ونصيبات .....الحمد لله....
4- نجو توا لحكاية علاش ميشغن ...واضحة هدي يا مبحبح اني اخترتها مش انكون في الجهه العليا من امريكا وتكون كولورادو تحيتي بالضبط مش نزبظ بزبظ شنوا ادير ويكون عندي كنترول عليك...." شنو رايك فيها من الاخير ""
نبصر عليك وانت نوعك ما تتحملش البصارة , وحكاية ولد ميشغن شنوا جو الدعابة والصداقة شنوا توا شابحني فاتح معاك البصارة ولا شنوا وحتي تكتب اكتب معليش اني امدير جو البصارة وجو التهدريز مش دعابة وصداقة والله جو عليك يا بحبوح والله نوعها ما فيش من طرف ثاني.....
.................في النهاية والله ما عندكش مشكلة يا السباعي واني والله لاتكنطيت ولا تياولو والله على قلبي زي العسل المر قصدي العسل الصح وانت نعتبرك زي خوي الصغير " اقل مني بسنة"...وتفضل في اي وقت ...وعلى فكرة فكنا من جو الهدان ولا تياولو اتجي زيك زي الفالح وتير قبلها الو وتجيب معاك حاجة ويستحسن بسيسة او زميطة وبعدين تفضل اوكي....نبصرو يا ويو.............
مع تحياتي eagle1

السلام عليكم ورحمة الله وبركاته,,,,
اولا شيء والله حبيت نشكرك على الكلام المكتوب ومشكور جدا وهدا من لطفك .....
واحني ما درنى شيء الى حد توا وهدا كله من فضل ربنا والحمد لله .....
توا نجوا للأسئلة :
1- بالنسبة للتذكرة يا خونا محمد راه تفرق زي ما قتلكك من امريكا اتجي ارخص شويا من ليبيا وهده تعتمد على الوقت ونوعية الطيران هل فيها وقفة او قفتين وعلى حسب نوع الشركة الطيران وهده مجموعة مواقع تقدر اتقلبها وتشبح الاسعار :::
1-1 http://www.tripadvisor.com
http://www.kayak.com1-2
والله شنوا بنقولكك على حسب تاريخ اليوم 15-2-2011 التدكرة الواحدة في حدود 1500 الي 1700 دولار وهدا الي ميشغن....
2- بالنسبة لجو ميشغن والله عندك جوها صافي وامليح وشموسي من شهر 5 وتعال جاي الي شهر 9 وبعد شهر 9 مرات الجو قويس ومرات مصقع وتعالى الي شهر 11 ....
من شهر 11 و12 الي شهر 4 شد روحك الثلج والصقع ....بس والله الواحد امتي جى كان متغزط وصق ومش عارف شنوا والواحد شنوا بيدر ومش عارف شنوا ولكن بعدين الواحد اختي على الجو ومشت الامور ...وعلى فكرة الجو في الشارع مصقع بس في الاماكن الحكومية والجامعات والمحالات جو تكيف على السخون ومتحس بشي وانت في البيت ما عندكش مشكلة اني في الشقة مصيف وامتى انقولك مصيف معناها مصيف جو التيشرت الصيفى ...مش زي جو ليبيا البرا صيف والحوش من داخل ثلج للشلتيت ....
3- بالنسبة للسكن والله على حسب نوع الشقة والمكان الي بسكن فيه من الاخير ..نقدر مبدأيا انقولك في منطقة معقولة وقويسة وفيها امان وشقة تتكون من حجرتين وحماح ومطبخ وبلكونة وفسط الحوش في جو 400 الي 650 $ وهدا يعتمد على ما تشمل من كهرباء او لا تدفئة او لا نت او لا ..الخ...
4- على فكرة الايجار بالعقد من 6 اشهر او سنة ويختلف في السعر كل ما تأجر اكثر السعر اقل شويه فرق 20الى 50 $ في الشهر...
5- بالنيبة للغة يختلف سعرها من مكان الي مكان على حسب الجامعة وبرنامجها ..بس انت انشاء الله معندكش مشكلة وحاول بعد ما تجي اتحصل اماكن رخصية لانك من مجبر بانك تاكد كورسات في البداية ....
6- بالنسبة للمؤهل العلمي اني ننصحك على حسب ما فهمت منك :
حاول تاخد دورات كويسة في البرمجة اي " خود دوات في سي والسي بلس والسي بلس بلس وجو فيجول بيسك والجو هداك وحاول تدكتر منهه تفهمهم لان تلقاهم اهني وخاصة في ليبيا السعر قويس لان هنا غالية للشلتيت وفي المستقبل امتي دور على شغل ليه علاقة ببرنامجك توقعد تلاقاهم زي الرحمة ...
7- بالنسبة لشهاتك والله ما ني عارف بالضبط ولكن مرات تلقي مكان ايقولك باهي ولكن لازم اتكمل معانا شويا كورسات استدراكية مش بعدين تقدر تقرا الماجستير....وهده خالية القدام شويه توا....
8- بالنسبة للشغل والله يختلف من مكان الي امكان وانت امتي اتجي في البداية الي بيخدمك مورقلك محتاج فيعرض عليك عروض قليلة وفيها شوية اسغلال وانت تمشي امورك الى حد ربك يفرجها وتمشي بعدين ...
الاسعار مابين 7$ الي 12$ في البداية ويختلف مرات في محل او مطعم او محطة بنزين والسعر للساعة الواحدة وزي ما قتلك هدا متوسط مرات اكثر ومرات اقل على حسب وانت ونصيبك ....
...........وتوا انشاء الله انكون وضحتلك واعطيتك فكرة .....
وما في مشكلة انشاء الله واحني انشاء الله ما نقصرو ...
مع تحياتي eagle1

السلام عليكم
خوى كل مليح
ولكن من غير حد غادى صعب .
سامحنى فى الكلام شهادة بلهون-لغة ضعيفة -وتشحوير للولد.
معليشى كان بتسافر نسق مع الشباب والاخليك ...........
اسمع الكلام سهل ولكن الفعل صعب.
وانت تتوقع امريكا يعنى تستننا فيك باش تصلح وضعك المادى كدب عليك الخدمة فى ليبيا والله الكلام بجد ليبيا العمل .
وشكر وربى يسهللك الامور

السلام عليكم كلكم
شورى الموقع مافيشى الا انا والزعيم النسر (صدق روح) .
والله يامشغن نوعيتك تخش القلب على فكرة تشبه صاحبى الجيلوا قولى وين السكنة فى ليبيا نوعك فى الدريبى وزبيطة اهلى ولمعلوماتك يازعومة انى كنت نتدرب فى نادى الاهلى فى الاواسط وبعدين سيبتهم ولهيت بالدراسة وتوا تببحبحت امورهم كلهم كانوا معاى نادر كارة والدهمانى والشبلى ...... المهم منفخلكش دماغك المهم شنى امورك فى الدراسة ماشية والاجاية وبعدين قولى انت على حسابك والاعلى حساب الاخرين مليحة بكل ها.
وشنى جوا الامور it's gonna be fine وشنى الدراسة ورينا يابيل غيتس تعربف ياخونا كانك طالع على حساب الاخرين لو انى مكانك لاماستر ولاتياولوا برا لى سيسكو او اوركل طبعا عندهم جامعات وركلك سنتين اضرب فيهم ماستر وروح ياعبقرينوا ولا ماعندك لاش مروح خليك غادى خبرة 8 سنوات ورح لان الماجستر من امريكا صح هى شهادة مهمة ولها سيط ولكن للاسف فى ليبيا سلمتها ام حسن (على فكرة ولجميع الموفدين الذى بيقراء فى امريكا والا لامليزيا ولااستراليا ولا كندا ولا..... من الاخير) فهمت على ياميشغن تعرف مشت معاك.

نشكرك اخوى التركى وربى يوفقك وبرا جرب وماتسمع كلام حد والله الامور الاما تمشى اهم شى النية والتوكل على الله وبعدين مافيش شى يجى بساهل الاحبنى يبنادم هاهاهاهاها, وبعدين الذى يتبط فيك تلقاه ماشى على حساب الاخرين المتملحين فهمت على ويبى كل شى بالساهل
خليك زى السباعى برا ويكفيك شرف المحاولة ووالله لونحكيلك قصتى وشنى قدمت فى مجالى وشنى لقيت مكانه الاماتقولى .....



واخيرا السلام عليكم ورحمة الله وباركاته
ماشى ياميشغن توا نتلاقوا يانسر




طارق

وعليكم السلام يا كلكلم,,,,,,
اما انت يا بحبوح " السباعي" تطلع بطلعات الويوووو....
شت عندك يا مبحبح:
1- لاصدق روحه ولا تياولو...مه قولنالكم قبل العين ما عمرها تعلى عن الحاجب....
2- حكاية تخش القلب ما قلب " اني بنقولك حاجة ره تيمى خوك يلاعب 9 غادي" والحمد لله.
3- بالنسبة للسكنة والله الكل ايقولي في الدريبي بس يابحبوح مش غادي خوك في المدينة بس عندنا اصحابنا في الدريبي وفي كل مكان حتي في جهتكم...
4- والله حكاية الكرة حكايتها حكايه...المشكلة قعدة في الدم ما فيش كيف تنحيها...والأهلاوي في العروق حتي في امريكا..."توا نبعتلك صورة على السريع تشرحك دودة الأهلاوي حتى في امريكا وين ما تمشي تلاقه "..
5- بالنسبة للدراسة ماشية والحمد لله...
6- بالنسبة للدراسة على حساب السباعي" شن رايك فيها والله ما عندك ما تقول فيها".
7- بالنسبة للأمور it's going well والحمد لله...
8- بالنسبة لحكاية السيسكو والأوركل وبرنامجها هتي تبي عكسة ووقت ....بالك نحصلولها وقت امتى اتجينا اهني وامتي نجتمعو بيك قصدي انهدو عليك " على قولتك مسبقاً"...
9- بالنسبة امشت عليك....والله ما عرفناك مرة تقول ولد ميشغن ..ومرة يا ميشغن...ومرة النسر ...عدا أثبت ودريس في امكان واحد...
10- حكاية قصدي ما قصدي ومش عارف شنوا......تي شنوا امداير من الاخير ...تي نوعك قصدك قصة من الأخير يا بحبوح ...
......أكيد بنتلاقو يامبحبح.....واتفضل في اوقت وكان تبي اي حاجة ابتدا من المعلومة الي استقبالك في المطار وترتيب الامور...خوك في الخدمة وأنشاء الله ما أنقصرو معاك وأنقومو بالواجب ....
توا ....وعليكم السلام ورحمة الله وبركاته.....يا كلكم..." بكل انت ".....ما تنساش أتصكر الباب وراك.....
مع تحياتي eagle1

السلام عليكم
شنى يولد ميشغن الامور فى الزقرمينا ليالى عمرك سمعت بيها هذى قتلى العين عمرها ماتعلى على الحاجب !!!!! ومن قالك انى عندى حواجب بجديات ضاربتنى الثعلبة لاشعرولابعرة هاهاهاهاا والجو مليح والحمد لله .
قولى ياخونا الامور مريقلة فى الدراسة ولاصعبة قولنا فهمنا كلمنى كلم كلم كلم كلمنى ..
صار السكنة فى المدينة ياويوووا شكلنا متلاقين وطابخك فى الكورة على خاطر خوك من جمعة خالد اشتيوى وعبدالباسط كامبو .
تعرف ياعموا شكلنا بنديروا ايمات فى امريكا مش عادية على العموم غير نتمكن من اللغة فى دينفر وتوا نديرولك هدى متع شراقى عرفت كيف خشرة وعكسى و... وانت الذى تبزى امناكيف حتى انى ضيف ّ.
خير تعفلقت ياولد ميشغن نبصروا ازح حتى انت بكل جمعت المدينة متتحملوش البصارة.
هى برا دق معاش تكلمنى من اليوم.
شنى رايك فيها مليحة اه والجو برنقالى ولا.
خير تضحك ياويوووا وانت من طلب رأيك رزرز والها فى قرايتك وصكرها البصارة وفكنا من الجوا متع الراشيد.
هى ماشى خونا نتلاقوا لانى انى توا نتغداء نتلاقوا على الياهو ونهدرزوا يزعمة وسلمنا على المشاغنة واحد واحد ماشى.

*******************************
طارق






عدل سابقا من قبل مدير المنتدى في الجمعة 18 فبراير 2011, 9:49 pm عدل 1 مرات (السبب : يمنع نشر بيانات الإتصال في الموضوعات, يمكن التواصل عبر الرسائل الخاصة)