السلام عليكم ورحمة الله وبركاته..........
والله يا أختنا بالنسبة للمرافق قصده قصه .......
1- بالنسبة للعمر هم يقولو بان لازم مايتعداش ال35 في العمر للكل سواء اخ او اي واحد ...بس اعتقد عادي ما فيش مشكله فيه هدا الموضوع " انقول مشت اموره في هادي"
2- حكاية المؤهل العلمي :
حسب معلوماتي المتواضعة امتي بيقرا في اللغة وبعدين ابيبدأ في الدراسة الاكاديمية هدا يعتمد على الجامعة مرات فيه جامعات ما تقبلش في شهادة المعاهد وتقولك هدا لازم يبدأ من الصفر اي يبدا معانا في البكالوريس ... ومرات تلقي جامعات ايقوللك باهي وعادي ....ومراتي تلقي جامعات ايقوللك باهي ولكن لازم نعطوه مواد استدراكية اي : يقرا معاهم بعض المواد ولو اجتاز هده المواد يبدأ بعدين معاهم في الماجستير " وهده المواد على حسب اللجنة الي في الجامعة " اي تشبح الشهادة وشنوا اخدي خوك وبعدين يشبحو شنوا يبي يقرا في الماجسيتر ويبدو يهندسولها ويشوفو شنوا المفروض يكون واخد من المواد وشنوا الي ناقصة عليها مش ايكون مستوفي الشروط....وعلى فكرة هدا معناها في استوفاء للشروط ومنه بجنس ....
3- توا حكاية الضم وهي اهم حاجة في الموضوع كله ....
حسب ما اشبح فيه اني توا المرافقين اين كانوا عندهم شهادات جامعيه وامتى حصلو الضم لانهم عندهم شهادت جامعية مش من معهد.....وفي منهم عندهم شهادات جامعية ومحصلوش الضم ....ولكن ما نبيش انصكرهالك مرا في ناس عندهم شهادة معهد وحصلو ممكن اني مسمعدش عليهم الله اعلم ...
بس المهم في الموضوع اتأكدى من الموضوع واهم شي تحصول الضم من الاول قبل ما اتجي الي امريكا او اي امكان في العالم لان بعدين تقعدو تصرفو على حسابكم الخاص والحكاية هني في امريكا والله نار نارنار من حيث التأمين والقراية واله ما يتفاهم في الفلوس ..فحاولي تربطي امورك من الاول وحصلو برنامج الضم وبعدين ما في مشكلة انشاء الله ,,,,,,,,,,
وأنشاء الله بالتوفيق لكم ولي كل واحد عنده نفس الحالة...وأنشاء الله اني أنساعدكم لو نعرفى اي معلومة اتفيدكم او اتساعدكم وأنشاء الله ما نقصر معاكم في معلومة او اي خدمة من ولاية ميشغن ....
مع تحياتي eagle1
