قرار مكتب الإتصال وقرار المؤسسه

أخي الكريم طارق من فتره في شهر 2 تحديداً نذكر حد من الأعضاء ذكر معلومة إن قرار المؤسسه توقع وذكر حتى عدد الموفدين به ،،،لكن مدام إنت مشيت لإدارة البعثات وكذبوا الخبر معناها ممكن ايكون أُلغي بحكم إنه من المؤسسه!! لكن الغريب إن الأخت أم طه ذكرت وجود أسماء موفدين من مكتب الاتصال موجوده أسماءهم بإدارة البعثات لما راجعت غادي!!!
يعني هل من المعقول يتم إلغاء قرار المؤسسه وقرار مكتب الاتصال لأ!
وتقريباً وحسب معلوماتي واللي ناخذ فيها كلها من منتدى الموفد قرار مكتب الاتصال هوا القرار رقم 70 أخي الكريم والله أعلم
بس للأسف بالمعلومات اللي إنت جبتها اليوم أنا فقدت الأمل معناها في قرار المؤسسه واللي كنت نرجى فيه ليا كام سنه بحكم نحنا أوائل اترشحت أسماءنا من القيادات الشعبيه على أساس حيطلع بحقنا قرار من المؤسسه
لكن إن شاء الله ربنا ايعوض صبرنا خير
واللي عنده أي معلومه عن الموضوع ياريت ايزيد ايأكدلنا

السلام عليكم يااخى خلي عندك يقين بالله انه صاير منه بادن الله ممكن توا بس اوضاع مش مزبوطه فى البعتاث وبادن الله خير واحنى سعينا وعندنا نيه نكملوا قرايا والله كريم

اخوتى الاعزاء والله انا مش دمرت الامل لانا انا واحد منكم من 2007 والملف ملوح فى المؤسسة ومافيش جديد مع العلم انى ناجح بتقدير . وكان عندى امل وعارفيين خرافة المؤسسة لما ترفعك وتجيبك وطلع القرار واسمائنا انسوهم او خلى انقولو تناسوهم لانا ماعندناش باور او واسطات . لاكن والله اليوم زى ماقلت انى انصدمت صدمة قوية لما قالى متع البعتات انة اصلا وين القرار القرار لم يصدر بش نلغوة ولا حاجة وقالى راة مفيش منها الدوة هدة نهائيا لانا تو بنسقدو ايلى عندهم ايفاد واتى ..المهم يا خوتى متع المؤسسة ايلى حاطيين اوراقهم فى المؤسسة وتستنو من سنيين علاش منديروش حاجة نرفعو ورقة لمدير البعتات ورقة تظلم ونطالبوهم ان يعاملونا زى اى قرار عادى ..وهدا من حقنا اصلا او اى واحد زى ما تقولو عندة القرار يطلعة ويربح اجرنا او يعطيينا رقمة انا قالولى انة قرار رقم 70 متع الاتنين المؤسسة والاتصال وتو غدوة انشالله بنمشى ونسال تانى وتو انرد عليكم ..لاكم هدا الواقع ايلى صاير انا مش حنكدب على حد ولا نطمع حد لانى والله فعلنا عييت وملييت من خرافة ام بسيسى هدة ......وربى يدير الخير للكل

السلام عليكم
بصراحة قرارت مكتب الانفصال والجمعية الخاربة المفروض يلعوهم
لان كل من فيهم مع القذافي

اخت كريمة احمد اسمك ف قرار 60 الف مبروك يااستاذه والامارة اللقب الجهمي

salem111 كتب:

السلام عليكم
بصراحة قرارت مكتب الانفصال والجمعية الخاربة المفروض يلعوهم
لان كل من فيهم مع القذافي

لا يا اخي ليسوا مع القذافي ، بل الظروف فرضت عليهم انه من يريد الايفاد عليه ان يضع ملفه في احد هاتين الجهتين ـ يعني اي شخص طموح يريد الحصول على ايفاذ ليس له اختيار اخر الا التقديم في اي جهة مهما كانت هذه الجهة ، وليس حبا في الطاغية او احد ابناءه بل للحصول على الايفاد لا اكثر

الله اكبر الله اكبر الله اكبر
مبارك على الشعب الليبي النصر و ان شاء الله انتهى عهد الضلم والاستبداد في ليبيا.
اخواني كيف اصل الى قرار المؤسسة
وشكرا

فيه ثلاثة تكتلات ساهمت فى دعم الفرقة بين الليبيين فى عهد الطاغية
1- الرفاق وابناء الرفاق
حتى الجيش يدربو فيهم فى معسكرات خمس نجوم هما ابناء النفاق
2- مكتب الاتصال ومنتسبوه من اللجان الثورية
3- مؤسسة القذافي

ويا خوتي الليبي الحر يقعد حر
ويعرف وين يمشي ومن يتبع

القرار رقمه 72 وفيه 276 موفد وصدر بتاريخ 24-3-2011
والنسخة كاملة موجودة وللعلم سوف يتم تنفيذ القرار لاحقا

القرار 72 ا يتبع ا اى جهة

ممكن تنزيل نسخة فى الموقع

السلام عليكم ياجماعه متقعدوش تدوا وخلاص حاطوا نسخه مش ناس تتاكد وربى يوافق الجميع يارب

السلام عليكم
اللي يبي يشوف اسمه في قرار 72 مكتب الانفصال عن اللجان الثوريه
يقول ويبعت اسمه والدرجه الموفد لها والتخصص
تحياتي

اخى برايت لو تفضلت وشفت اسامه محمد ابراهيم ,طب بشرى ,الدرجه التخصصيه

خوي برايت لو سمحت اتشوفني انيس موسى دومه بكاريوس هندسة ميكانيكية

برايت كتب:

السلام عليكم
اللي يبي يشوف اسمه في قرار 72 مكتب الانفصال عن اللجان الثوريه
يقول ويبعت اسمه والدرجه الموفد لها والتخصص
تحياتي

بعتلك اسمى على خاص ياريت ترد عليا شكراااا

حاضر توا نشوفلك اسمك شوي صبر غدوة انشاء الله

ألأخ /برايت
ارجو التأكد من اسم /سعيد محمد علي ماجستير قانون مبعوث لدراسة الدكتوراه

شن يصير فى قرار موسسه الى متى بنقعدوا نستنوا العمر يمشى الى امتى شن الحل اريدا حلا ياناس

للعلم هناك عدد من الشباب بقرار مكتب الاتصال كانو ضمن ثوار الجبل الغربي والزاويه وصبراته نعرفهم بالاسم
وبعد تحرير سرت قالو على حميع الصادر فى حقهم قرار ايفاد نلتقو بعد تشكيل الحكومة الجديدة بمكتب وزير التعليم بطرابلس

القرار تم صحيح عن طريق مكتب الاتصال لكن ماعلاقة الطلاب الموجودين بهذا القرار بمكتب الاتصال أكد لكم ان معظمهم بحث عن واسطة حتى تمكن من وضع ملفه عن طريق المكتب لان التعين في الجامعات محدود جداً ومقتصر على فلان وعلان ومكان أخر مافيش فالراغب في الدراسة يسمع بالمؤسسة تقبل في ملفات يجري ويحط عندها ملف وفيه اللي ليه 5 سنوات وملفه في المؤسسة، يسمع جمعية عائشة نفس القصة سمع مكتب الاتصال فرح وعدى يجري لماذا كل هذا
اليس فيه نوعاً من الاصرار على العلم فحرم في النظام السابق ولم يتحصل على ايفاد ون
اتي نحن ونعاقبه لأنه بحث عن إيفاد ويظلم مرتين نرجوا من القائمين على ذلك مراجعة أنفسهم عند اتخاذهم لمثل هذا القرار و
اخيراً نقول أن الدولة الليبية والليبين موش زي زمان والله اكبر ولله الحمد والمنه.

صح لسانك

salem111 كتب:

فيه ثلاثة تكتلات ساهمت فى دعم الفرقة بين الليبيين فى عهد الطاغية
1- الرفاق وابناء الرفاق
حتى الجيش يدربو فيهم فى معسكرات خمس نجوم هما ابناء النفاق
2- مكتب الاتصال ومنتسبوه من اللجان الثورية
3- مؤسسة القذافي

ويا خوتي الليبي الحر يقعد حر
ويعرف وين يمشي ومن يتبع

يا أخي مش كلنا مشينا لهذه الاماكن بالنسبة ليا كنت من اوائل الطلبة في الاكاديمية والمؤسسة خذت اسمي على اساس ايفاد لتحضير الدكتوراه ومن خمس سنين ولم نرى شيئا

الناس اللي كان النظام يعزهم ويعزوه كملوا دراستهم من زمان ... اللي نزلن اساميهم في القرارات الاخيرة بما فيها قراري المؤسسة ومكتب الاتصال قبل سقوط النظام اغلبهم من عامة الشعب وعلى قولة مورو ( الشعب المسحوق ) والقرارات نزلن حتى يحاولوا تهدئة هذه الطبقة دون جدوى ... عندما علمت ان اسمي في القرار وعلمت بذلك من شخص مؤيد وكأنه يلومني على معارضتي للنظام قلت له ان الدراسة ستكون على حساب ثروة ليبيا وليس من جيب معمر القذافي وولائنا لليبيا وليس للطاغية وسينفذ القرار وستصدر قرارات اخرى جديدة ان شاء الله في عصر ليبيا للجميع وبالجميع .... ومهما سيحصل لا يهم فسنأخذ فرصتنا في بلادنا الحرة وليس كما همشنا في الماضي والمستقبل للشباب الليبي ان شاء الله