مالذي تغير بعد ثورة 17فبراير

اريد ان استفسر ما الذي تغير بعد ثورة 17 فبراير من ناحية الطلبة الدارسين على حسابهم الخاص اما في الساحة الكندية او غيرها, فمنذ ايام ليست ببعيدة اتصلت انا بشخص يشتغل في البعثات في ليبيا واذا بالأمر كما كان عليه سابقا, حيث لازالت لائحة عدم ضم الطلبة الليبين بدرجة البكالوريس سارية.....


لماذا الطالب الليبي الذي يدرس درجة البكالوريس حرام عليه ان ينضم على حساب الدولة الليبية, بينما حلال على طلبة الماجستير و الدكتوراء؟؟؟؟

قبل أن تتغير اللوائح والقوانين بعد 17 فبراير
علينا ان نتغير نحن من الداخل والخارج
وبعد ان تتنظم الامور .. تو تكون الدنيا من حسن لأحسن
تفاءلوا خيرا تجدوه

ان شاء الله خير وخلاص

تبي الحق اني ما نعرفش شن تغير بالضبط لكن الي متأكد منه ان ادارة البعثات مازالت متخلفه زي قبل.. اديروا في اخطاء لما تشوفها تقول هذي ادارة بعثات والا روضه. وحده من الخرطات.. كاتبين في رسالة الدعم المالي بأن العبد لله موفد للدكتوره الي على الاقل تحتاج 3 سنوات لتحضيرها و في نفس الرساله كاتبين ان هذا الايفاد سيغطي رسوم دراسة سنه واحده ,, يعني لو قدمت على السفاره رفض طول ... لما راجعت بدوا يرموا في اللوم على بعض....ولما كلمت الدكتور طاهر على الاخطاء البسيطه التي لا تغفر تكنطى و قالي شن تبيني نقرا كل الرسائل الي بنوقعها.... الغالبيه العظمى من الموظفين يبوا اعادة تأهيل و الا استبادلهم بمن هم أهل لهذه المناصب... و الواسطه مازات منتشره بكثره, يعني جو من عندك في ادارة البعثات مازال نحتاجوه . و الفوضى لا توصف.. معقوله لما راجعت على رسالة الدعم المالي عطوني ستيفة رسائل دعم مالي و قالوا دور رسالتك ,,,, و المشكله كان فيه واحد ما لقاش رسالته.... الله غالب..........

هو غير يولد و ايسموه..

يولد و يسموه؟؟ علاش الاداره فتحت امس و الا اليوم؟؟ ماهو ليها عشرات السنين.. بعدين الاخطاء التي نوهت عليها اني مفروض ما ترتكبش حتى في الادارة الي مازالت في مرحلة التأسيس,, يعني صعبه اديروا اجتماع و يكتبوا فيه رسائل دعم مالي بصيغه جديده و صحيحه؟؟؟ قداش بياخذ وقت؟ يوم؟ يومين؟ بعدين علاش ما يعاملوش الليبين زي بعض؟ علاش مصرين على مساعدة البعض على حساب البعض الاخر؟؟ معاملتي خذت حوالي 3 اسابيع بينما ناس ثانيه سقدوها في نفس اليوم............

صار نبو ثورة على ادارة البعثات

كل ما نحتاجه هو وضع الشخص المناسب في المكان المناسب و تأهيل كل العاملين بالاداره حتى يتسنى لهم القيام بمهامهم بالشكل المطلوب

والله مافي حاجة تغيرة هو صحيح التخلص من شرشبيل اجمل تغير في ليبيا بس نفس الروتين لا شافافية قمع تعتيم فوضة تخلف طغاة كل شي مزال لان الطبع يغل التطبع

اقسم بالله العظيم مثلما مادكرت ونأسف لو كان في اي نوع من الاحباط ولاكن هدا الشي ملموس ومحسوس ويقولك اسأل المجرب ولا تسأل الطبيب ...أسأل الله العلي القدير ان يخدل ويكسر ظهر اي معتوه يريد السوء الي ليبيا قولو امين

انا وضحت هذا الشي حتى للموظفين ,, و تكلمت معاهم بكل شفافيه و صراحه... و كانوا متفهمين الموقف... عيب البعثات في اصحاب القرار فيها..هم سبب البلاء.. يجب على الدكتور طاهر ايجاد هيكليه جديده و احداث تغيرات جوهريه و ملموسه. يكفينا محاباه و نفاق.. نحن في وقت يجب ان نسمي الامور بمسمياتها.. يجب ان نقول للمخطي انت مخطي و للمهمل انت مهمل و المقصر انت مقصر..............