أخر أخبار الإيفاد و بالأخص القرار 502

شكرا اسامة معليش شكلك كريم واحنا نستاهل اي حاجة جديدة تصير كلمنا

ارجوكم قولولنا ماذا حصل بهذا القرار وامتى يبدأ في تنفيذ القرار نحنا في طبرق ماجايبين عاالدنيا علم وماذا سوف يحل بنا

في الانتظااار....

سامحونى انا والله قاعد برا البلاد , انشاء الله نرجع قريب ونسألكم

شباب الكلام هذا كلة ساير و نحن ما عندنا شي شن الاخبار في قرار 502 ... ان شاءالله ترد بسلامة ..... فى طبرق ما فى اخبار أبداً عن القرار المذكور

طبرق اخر من يعلم اذا في طرابلس ما عالمين بشئ فما بالك بطبرق ارجوكم افيدونا بشأن اخر اخبار الايفاد

اذا كان في طرابلس ماجيبين علم فما بالك بطبرق والله طبرق ديما مهمشة وسوف تضل مهمشة لكن فايضين ايش ورانا توا انديرو ثورة عشان يفتحولنا فرع من ادارة بعثات في طبرق وحتى الموقع مفروض يكون على تواصل مع اخر التحديثات في الادارة ويساعدنا وانشاءلله هو الخير جاي لكن شكله مطول

ان شاءالله خير

وسعوا بالكم والله نروح و بادن الله تعرفوا كل شىء صاير فى البعتات طبرا يا اهل طبرق والله مستعد نمشى للبعتات يوميا على خاطركم الصبر بس

السلام عليكم ورحمة الله وبركاته
سمعنا بان هناك نماذج جديدة صدرت من قبل ادارة البعثات
وايضا هل لديك اي اخبار عن التفويض المالى خصة لمن لديه تاشيرة
هل بامكانكم عرضها في المنتدى

السلام عليكم
انا احد طلبه القرار رقم 502 واريد ان احصل علي الاجراءات وعقد الكفاله الجديده مش امتاعات العهد البايد ... نبي لجدد امتاعات المجلس الانتقالي

السلام عليكم

في أخبار على قرار رقم 54 و لي هو يشمل الطلبة الموجودين في بريطانيا على حسابهم الخاص و يبو ينضمو للبعتة

السلام عليكم أخوتي الكرام أناموفدة في القرار(502) من جامعة الجبل الغربي سمعت زيكم من ألاخبار في المنتدى أن هدا القرار تم تفعيله فقلت خلي نتأكد بنفسي فمشيت لغاية طرابلس للبعثاث قلت نكمل أورقي بنفسي من غير تشحوير المندوبين فلما سألت على الساحة قالولي الموظفين ان الساحات كلها مفتوحة وأن القرار تفعل أكيد فنزلت أخدت نمادج ورقة الدعم المالي وورقة الدعم متاع التاشيرة فلما مشيت نبي نعطيهم النمودج قالولي .."ضروررررررررري الورقة تجي عن طريق المندوب وهده سياسة جديدة لان قبل عادي تمشي بروحك اتديرها قلت باهي كويس الباين بدت الحكاية منظمة " وأنا طالعة تلاقيت مع مندوبنا وقالي نفس الكلام تعالي غدوة للمكتب متاع الجامعة وجيبي معاك صورة من جواز السفر الانجليزية وفعلا مشيت وأعطيته الاوراق وقالي راجعي بعد اسبو ع والكلام هدا كان في 10/12/2011.ولما رجعت قال أيغيرو في الشعار لأوراق الجديدة المهم فوتت أسبعين ثلاثة ومشيت لقيت الورقة جاهزة من يوم 25/12/2011 وشعار المجلس ألانتقالي عليها والخطوة التانية قالي جيبي قبول لغة علشان نبدو في أجرآآت متاع ورقة اللدعم متاع التاشير ة وهدا ماصار معاي بلضبط يعني الاخوة اللي في الشرق يلقطو أوراقهم وينقننقو على المندوب متاعهم يرفعهم لطرابلس ملاحظة الورقة موقعة من د الطاهر ومكتوب فيها بللانجليزي بأني طالبة موفدة لدراسة اللغة وأن التامين الصحي والدراسة الاكاديمية تخلصها الدولة وهدا للأمانة للي ماعنده علم وربي يوفقكم

السلام عليكم ورحمة الله وبركاتة
بارك الله فيك اخي اسامة بس نبي نسال انا من اوائل 2008/2009 الترتيب الاول في قسم لغة الانجليزية /جامعة اجدابيا بس اسمي مش في القرار شن الحل لمشكلة هذه؟

islam noor كتب:

السلام عليكم ورحمة الله وبركاتة
بارك الله فيك اخي اسامة بس نبي نسال انا من اوائل 2008/2009 الترتيب الاول في قسم لغة الانجليزية /جامعة اجدابيا بس اسمي مش في القرار شن الحل لمشكلة هذه؟

هل جامعه اجدابيا فرع من بنغازي او لا ممكن في واحد طالع الاول قبلك فى فرع الاخر .. ممكن تتأكد من مكتب الدرسات فى الجامعه...،،

انا نفس المشكله انا الاول علي دفعه واسمي موش في قرار مع علم ان القرار يضم طلبه من سنوات السابقه