الدراسة في اروبا

السلام عليكم اولا اسمي اكرم وعمري 24
فى الحقيقة قصتي حزينة نوعاً ما
بأختصار انا شاب متحصل على شهادة دبلوم متوسط في مجال الحاسوب
الله غالب ماحصلتش حد في وقتها ينصنحي .....ونادم جدا .
انا اريد الهجرة لغرض التعلم وليس المال قررت الهجرة الى 1 من البلدان ا "السويد. او المانيا.كندا " انا شاب طموح جدا ارغب في الدرسة والعمل فى احدى هده الدول لا اعرف اي شي ابدا ...ومتلخبط ومش عارف حتي شنو نسأل .وبلعلم انا نحب اللغة الانجليزية وكان نلقي ندرسة ونحصل شهادة وندير بيها مستقبل
1-هل يمكن لي بتاكملة دراستي في احدي الدول ؟
2-ادا لم يعترف بدبلوم المتوسط مادا افعل ؟
3-هل بأمكاني الدراسة والعمل في نفس الوقت ؟
4-ماهي الدول تنصحوني بيها للعمل والدراسة ؟
ياريت تساعدوني لاني والله متلخبط
انا كان نلقي كندا لكن اعتقد من الصعب الحصول على تأشيرة لكندا وادا يوجد طريقة قولولي
والسلام عليكم وشكركم

عدل سابقا من قبل libyarebels في الخميس 05 يناير 2012, 8:50 pm عدل 1 مرات (السبب : .............)

اولا اخى احيى فيك همتك العالية.
ولكن اخى اليس هناك خير من هذا الطموح؟
ان الدول الغربية لا تبني المستقبل كما يعتقد الغير ولكن المستقبل تبنيه ارادة الشخص وامكانيته. اسمع نصيحة من هو اكبر منك سنا وعلى قولة المثل (اسمع الكلام اللى يبكيك مش اللى يضحكك) انت شاب صغير وعنفوان الشباب فيك لم يهدأ والدول الغربية هي لفسادك اقرب من اصلاحك. اخى الفاضل سخر شبابك وطموحك في حفظ القرءان وصدقني ستفوز فى الدارين "الدنيا والاخرة"
تحياتي

السلام عليكم . خويا اكرم مشاء الله عليك وعلي تفكيرك الصح . شوف اكرم ان انشجعك علي الخطوات اللي اتفكر فيهن. اسمع حتي انا عندي دبلوم عالي حاسوب . وقاعد توا نبي انكمل الدراسات وقاعد انواجه في صعوبات القبول لان الدبلوم اصبح صعب القبول بالنسبه للدراسات العليا. عموما خويا اكرم مااتخليش اي شي يقعد عائق في طريقك. حاول انك اتكمل دراستك وماتوقفش . اذا كان عندك امكانيات حاول انك تطلع اتكمل دراستك. واذا كان مافيش امكانيه حاول انك اتكمل هنا . اسمع كمل قرايتك وفكك من الدبلوم . حاول انك تمشي مشوارك وتوكل علي الله. ان شالله ربي يفتح علينا ونحفظو القران ونفوزو بالدارين . بس حتي طلب العلم اجره كبير. السلام عليكم