سؤال عن مدة القبول في جامعة RMIT

السلام عليكم....
في حد قدم على قبول دكتوراة تخصص حاسوب في جامعة RMIT و حصل؟؟؟؟
و كم كانت المدة لين ردوا عليك؟؟؟

وعليكم السلام ورحمة الله وبركاته:
بالنسبة لدكتوراه في الحاسوب فيه في RMIT لكن حالياً مانضنش فيه طالب ليبي دكتوراه تخصص حاسوب في الجامعة كلهم ماستر ... بس تقدري تستفسري من الدكتور عبدالسلام النويصري لانه واخد دكتوراه في الحاسوب من نفس الجامعة ولو تبي استفسار عن قبول الدكتوراه بشكل عام كم ياخد نقدر نسألك طلبة الدكتوراة في التخصصات الأخرى.
ولو تبي تديري Apply online بروحك يمكن تخشي ع الرابط ادناه:

http://www.rmit.edu.au/browse;ID=kdt7gbqdov7x1

يا خوي بارك الله فيك.... و الله ليه شهر انراجي حد يرد عليه,,,وياريت تسألي التخصصات الأخري... و أني إنشاء الله بنقدم عن طريق الدكتور النويصري بس مشكلة التأشيرة خلتنا حايرين في أمرنا نقدموا و الإ نشوفوا دولة تانية!!!!

بالنسبة للأشخاص اللي سألتهم قالولي يعتمد ع التخصص والسوبرفايزر وعن ما إذا كان فيه زحمة طلبة جدد يسجلوا وبشكل عام الاوفر مايتأخرش خصوصاً اوفر اللغة لو بتدرسي لغة واللي ياخد شوية وقت المراسلات بين السفارة والجامعة عشان يعطوك ال COE لكن حالياً المشكلة في التأشيرة لو أنحلت تقدري تكملي أجراءاتك قبل شهر 7 ان شاء الله ومجيئك يعتمد على فترة اللغة اللي بتاخديها لأنه الدراسة الاكاديمية تبدأ نهاية 2 و 7 حتى لطلبة الدكتوراة فحاولي أنك تقيسي فترة اللغة ومدى توافقها مع الأكاديمي ولو لعند نهاية شهر 3 مافتحوش في التأشيرة ننصحك أنك تشوفي ساحة تانية .... وتقدري حالياً تاخدي قبول من أستراليا وتدوري قبول من ساحة تانية عشان ماتضيعيش الوقت وبعدين المكان اللي كاتبه ليك الله بتمشيله وانشالله تنحل الامور سريعاً ... بالتوفيق.

شكراً جزيلاً على كل المعلومات إلي قدمتها ليا و جعله الله في ميزان حسناتك....
و إنشاء الله ربي يوفقنا جميعاً...