تغيير الساحة

السلام عليكم
ماهو الاجراء لتغير الساحة في البعثات مع العلم انا تفويضي تام وحتى برقية بداية الصرف طالعة بس ما سافرتش ؟

عليك ان تتقدم بطلبى كتابى موجه لادارة البعتات وتشرح فيه الساحة اللى كنت فيها والساحة الجديدة اللى تبى تغيرلها والاحسن تقول سبب التغيير وبعد ما يوافقلك عليه تاخد ورقتين الدعم من اجل القبول والفيزا جديدتين للساحة الجديدة وبعدين بعد ما تحصل القبول وتقدم على الفيزا وتاخدها باذن الله تمشى لمشرف ساحتك السابقة ويديرلك تفويض نقل وهو حيكون اسهل من التفويض الاول ارجو ان نكون افدتك
بالتوفيق ان شاء الله وتغير قبل ماتمشى احسن من يضيع الوقت فى مكان ما يناسبكش

شكرا و جزاك الله خيرا .......يعني مش حانمشي لمشرف الساحة السابقة الا بعد حصولي على التاشيرة من الساحة الجديدة

بعد ما يوافق مديرة البعتات على طلبك تمشى بيه لمشرف الساحة السابقة وهو من سيكمل لك اجراءات اوراق الدعم للقبول وللتاشيرة وبعد ما تاخد التاشيرة ترفعهاله باش يديرلك اجراءات تفويض النقل بعدها تبدا مع مشرف الساحة الجديدة

شكرا اخي وبارك الله فيك ورحم الله والديك

وفيك بارك الله تفضل اخى اى شى انى فى الخدمة