ساعدوا بعضكم ايساعدكم الله

والله الكلام هذا موجه للناس الذين يسكنو قريب من الاداره

لكن لو استمر وضع البلاد على هذا الوضع لاتستغربو بعد كم شهر

اهالي مناطق الشرقيه يطالبو بالانفصال او الاستقلال او مايسمي ولايه برقه
نحنو ضد هذا الشي لكن الواقع يجر الي هذا
والدليل انا من طبرق قدمت على دعم مالي من اجل قبول من 24/11/2011 الى هذا اليوم تاريخ 28/1/2012 لم يأتي وللعلم هو جاهز لكن لازال فى الطريق يقولوووووووووووووووووووووووووووووووو
..،،

الله اكبر الله اكبر

أولا السلام عليكم

يا إستاد ختروشة و يا إستاد محمد المسماري أنا نسكن في طرابلس واسمي موجود في القرار 502 الخاص بالأوائل وأي خدمة اتفضلوا والله مستعد نمشي يوميا للبعثات على خاطركم وعلى خاطر إي شخص يحتاج مساعدة من داخل أو خارج طرابلس وهدا من غير جميل وتقدروا مراسلتي على الخاص كان تبي رقم النقال بس للعلم أنا حاليا خارج ليبيا وإنشاء الله خلال 10 أيام القادمة أنكون في طرابلس

يا إستاد محمد المسماري والله كلامك عيب, والله مقدر المعانات ليتعرض لها كل الليبيين لغرض قضاء حاجاتهم وبدأت عندما تكون تحتاج للسفر لمدينة طرابلس أو إي مدينة أخرى, أنت شخص موفد للخارج ويفترض ببك أتكون شخص واعي لما يحدث حولك, بالله جاوبني على أسئلتي هل الخدمات الإدارية في طبرق أو طرابلس أو أي مدينة أخرى ممتازة و في متناول الجميع ؟؟؟ هل تقصد بأن ورقة الدعم المالي لم تصلك نظرا لي أمور قبلية أو جهوية ؟؟؟ والله يا أستادي والله المعاناة ورقة الدعم المالي حتى أنا عانيتها مثلك وربما اكتر والبعثات تبعد عليا فقط 15 دقيقة بالسيارة. بالله عليك ما علاقة الانفصال أو الاستقلال بهدا الموضوع أليست ليبيا بأكملها تعانى من سوء و فساد الإدارة, فلدالك أرجوك عدم خلط الأمور واستغلال المشاكل لتحقيق أهداف جهوية أو قبلية, اقسم بالله لا يوجد ليبي واعي و أصيل يرضا بالخراب و الفساد ألإداري في بلادنا.

مشكلة رداءة الخدمات من اسؤ المشاكل التى نعانى منها فى طرابلس ومنها ادارة البعثات وتاكدوا اخوانى ان الفساد الادارى وباء انتشر فى كل اداراتنا ومازالت الثورة تحاول جاهدا تطهير هذا الفساد واصلاحه وهذا له وقته وعن نفسى لم ولن ابخل باية معلومة اتاكد من صحتها فى ادارة البعثات واحب ان اقول لكم ان ادارة البعثات تعمل على تشتيت جهودنا باجابتنا عن تساؤلاتنا بالرجوع الى المندوب .. كان المندوب ريموند كنترول او فانوس علاء الدين السحرى ... الخلاصة العلة فى ادارة البعثات لا تريد ات تقدم خدمات تليق بمسؤولياتها المناطة بها فلا تلوموا المنتدى واعضائه فهو المتضرر ولوموا ادارة البعثات هى الداء والدواء..

بارك الله فيك أخ osama-19852010كفيت ووفيت وكان ردك عين الحكمة ويحمل روح الوطنية التي نرجوها من شباب ليبيا الحرة وفقك الله

في البداية نحترم كل شخص عبر عن مافي خاطره بس الموضوع مش جهوي الموضوع مش ( برقة _ طرابلس _ فزان ) الموضوع يبي روح الوطنية روح اني انحب انساعد الليبي والليبية . الموضوع اني انفضل مصلحة ولد ابلادي عن اي مصلحة لاي شخص مهما كان نوع العلاقة اللي بينا . ناخذوا مثل المصري . تلقاه حمال ويقولك مصر ام الدنيا او مصر او مصر او مصر ............الخ ؟ هذا مثل بس . نحن ضروري نزرعوا في روسنا فكرة ان نحن نبوا نرفعوا علم ليبيا في المستقبل نحن الشباب نبوا قاعده للاجيال اللي بعدنا ونكونوا مثل الهم في كل شي وانسوا تفكير الشفشوفه اللي كان كل حلمه ان يزرع فينا روح القبلية والجهوية . وفي النهاية راهي ليبيا لنا وبس .