مركز ضمان الجودة .ياشباب توضيح..،&

السلام عليكم



انا من طبرق نريد نستفسر على مركز ضمان الجوده

انا ترجمت شهادة البكالوريوس والكشف من مترجم قانوني اريد ان اصدق من مركز ضمان الجوده لدي بعض الاسئله من اهل الخبره

1. ماهي الاختام التي يطلبه المركز (مثلا انا اريد ان ارسل لهم الشهائد مترجمه من مترجم قانوني فقط)
2. لدي ثلاث نسخ من الشهاده والكشف (الشهاده ورقه والكشف درجات ورقتين يعني كلها ثلاث ورقات ) وعندي ثلاث نسخ كم يطلب المركز على كل ورقه او شهادة ممكن توضيح بالتفصيل لاني اريد ان ارسلهم الي المركز قريبا..
3. اين مكان الخارجيه فى طرابلس وكم يطلب ختم الخارجيه وكم تستغرق من وقت جميعها..
4. ومعي شهادة الثانويه هل نفس الاجراءات شهادة البكالوريوس ..
5. هل المركز يطلب فى الاصل بالعربي

نطلبو من اهل الخبره الشرح بالتفصيل ..،،

سؤال في وقته خوي محمد

بالنسبة لاعتماد الشهائد من مركز ضمان الجودة أنا اليوم ذهبت لمكتب المركز عندنا في منطقتنا وسألته قالي المهم إنك اتجيب الافادة وكشف الدرجات مافيش فرق في قصة الترجمة عادي المهم اتجيب الافادة العربية وكشف الدرجات طبعا معتمدة من جامعتك وهم يعتمدوها من طرفهم ( الافادة ب 5 دينار + الكشف كامل ب 5 دينار ) وكذلك الامر بالنسبة للترجمة اذا أردت اعتمادها

بس اظن إن اعتماد الشهادة العربية تكفي (( مش متأكد )) وأي حد يعرف تعطينا معلومة .

طبعا بالنسبة للوقت كالعادة اذا انت قدمت فيها من طرابلس ممكن تكملها بسرعة يعني تاخد يومين تقريبا
وكذلك الامر بالنسبة للشهادة الثانوية أيضا يقوموا باعتمادها وبنفس السعر

المطلوب الافادة الاصلية وصورة منها بيش يحتفظو بيها عندهم ويعتمدولك عالاصلية

ان ساء نكون اعطيتك المفيد

مشكور جدا على الرد السريع
لكن ياريت تقولي هل له فروع اخري غير طرابلس

بالنسبه لقولك

إنك اتجيب الافادة وكشف الدرجات مافيش فرق في قصة الترجمة عادي المهم اتجيب الافادة العربية وكشف الدرجات طبعا معتمدة من جامعتك وهم يعتمدوها من طرفهم ( الافادة ب 5 دينار + الكشف كامل ب 5 دينار ) وكذلك الامر بالنسبة للترجمة اذا أردت اعتمادها

ان عندي الشهاده والكشف االعربيه والاصليه من الجامعه وترجمته فقط
ممكن توضح النقطه هذي شوي
ماذا قصدك بمعتمده من الجامعه..،

إسأل .... أكيد فيه فرع في المنطقة الشرقية ممكن يكون في بنغازي ممكن .

بالنسبة للاعتماد قصدي به ختم مسجل العام للجامعة وبالنسبة لهم يعتمدوا لك أي ورقة تريدها لكن انت إذا كنت مترجمها يجب انك ترفق الاصلية معاها وهم حيعتمدوها كلها

موفق إن شاء الله .......

انا اليوم اتصلت بمركز ضمان الجودة وقالولي لانعتمد فى المترجمه
المترجمه عند مترجم قانوني وبعده مركز الخبرة القضائيه والخارجيه
وهم لايختمو فيها ..،،

قالي نحنا نعتمدو فى العربيه فقط..، انا العربيه عندي الاصليه عليش نعتمد فيها اخري
وهل هي ضروري تعتمدها اصلا ..،
ممكن توضيح وشرح والله اول خطوة مزلنا نعانو فيها..،،

العربية يعتمدوا فيها اعتماد من الخلف ( اعتماد الجودة يختلف عن اعتماد الجامعة )
المهم انت ارفعها للمركز وهم يعرفوا برنامجهم ....

السلام عليكم
بالنسبة لمركز ضمان الجودة موجود في منطقة بن عاشور قرب مصحة المختار بطرابلس
الاوراق التي تريد اعتمتادها سواء كانت وتائق نجاح الخاصة بالمرحلة الثانوية او كشف درجات المرحلة الجامعية وافادة التخرج وافادة الماجستير كلها يجب ان تكون الاصلية وليست صور عنها ومختومة طبعا من الجهة التي منحتها (باللغة العربية) اذا كانت من دولة عربية
تسلم الى شباك استلام المستندات بمكتب ضمان الجودة ومرفق معها صورة عن كل مستند بعد تعبئة النموذج الخاص ( تلقاه على الشباك التسليم في مكتب ضمان الجودة )
تمر على الشباك الاخر وتدفع على كل افادة 5 دينار
يتم تسليمكم واصل الدفع وتبليغكم بموعد الحضور لاستلام المستندات وعلى ظهرها ختم الجودة
تستطيع الذهاب الى مترجم قانوني لترجمة المستندات ( صورة عنها )

بعد ماأستلمت المستندات من الجودة ترفقها بالنسخة المترجمة وتمشي بيها الى مكتب الخبرة القضائية في منطقة الظهرة ( سيدي عيسى )
لو رفعتها بكري ممكن جدا تاخدها نفس اليوم بعد ساعة او ساعتين بالكثير
اصبح عندك الان المستند الاصلي ومرفق به النسخة المترجمة مختومة من الخبرة القضائية
تاخدهم وتمشي بيهم الى الخارجية في منطقة النوفليين شارع سوق النوفليين الاستثماري
طابور صغير ان شاء الله ويوصل فيك الدور تدفع على كل مستند 5 دينار ويختموه ويحطو عليه طابع وهكي تكون اولى مراحل تنفيذ الايفاد وعلى العموم رغم هذه الدورة ا لا انها اسهل الخطوات والله الموفق

ياخوي محمد ما تخلط الامور اسمع واقرء كويس:-
1-ادا كنت ترجمت للمراسلة والحصول ع قبول اعتمدها من مسجل عام جامعتكم "البكالوريوس+كشف درجات" وتوكل ع الله لبنغازي في منطقة وسط البلاد بجانب مصرف ليبيا المركزي واسال ع الخارجية وبعشرة دينار يختمولك وابعتهن للتحصل ع قبول
2-بالنسبة لختم الجودة فهو للموفد فقط واعتقد انك مرافق لاختك فادا كانت اختك تريد ختم الشهادات "ادا كانت موفدة لتحضير الماجستير فتختم البكالوريوس وكشف الدرجات
ودا كانت موفدة للدكتوراة فتختم الماجستير وكشف الدرجات
واقرب مكان هو بنغازي "جمعية الدعوة الاسلامية الدور الخامس

بصراحه مزلت ملخبط شوي..!

انا الان عندي شهادة والكشف الاصليات من الجامعه ..!!
وترجمتهن عند مترجم قانوني ..! ماهي الخطوات التاليه

اختي ذاهبه الى دول غربيه ماهو المطلوب مني بعد المترجم القانوني
لاني بصراحه اخوي ماشي لطرابلس اريد ان ارسهلن معه .. ارجوكم
اشرحولي شرح مفصل ..!!
اصلا اليوم كلمت مركز ضمان الجوده فى طرابلس
وقالي لانختم فى شهادة مترجمه قالي العربيه فقط التي نختمها

السؤال هنا .. الشهادة العربيه لماذا نختم فيها وانا متحصل عليها من جامعه عمر المختار طبرق والاصليه وعليها جميع الاختام ..
واصلا الشهادة العربيه لاتنفعني فى الخارج لماذا مركز ضمان الجوده يصدق عليها ..

اريد شرح كما يفعل كل موفد يريد الذهاب للخارج

حلوة منك ( كر وفر )

محمد المسماري كتب:

بصراحه مزلت ملخبط شوي..!

يا خوي محمد ركز وما تتلخبط والا تلقى روحك في حلقة مفرغة والامر بسيط فوق ما تتوقع

محمد المسماري كتب:

انا الان عندي شهادة والكشف الاصليات من الجامعه ..!!
وترجمتهن عند مترجم قانوني ..! ماهي الخطوات التاليه

تمام .. الأن ابعث الافادة والكشف إلى مركز الجودة للإعتماد وهذا الاعتماد يختلف عن ختم الجامعة .. هذا الختم يستخدم منعا للتزوير ( على ما اظن ) طبعا الاسعار كما قالوا لك الاخوة قبلي وبعد ماتحصل الافادة والكشف معتمدات ترفقهن بالنسخ المترجمة وتمشي للخبرة القضائية وتصدق الترجمة ثم تذهب للخارجية وتعتمدها من هناك والاجراء بسيط ..... وهكي تكون تحصلت على الافادة والكشف كاملة مش ناقصها شي .

محمد المسماري كتب:

السؤال هنا .. الشهادة العربيه لماذا نختم فيها وانا متحصل عليها من جامعه عمر المختار طبرق والاصليه وعليها جميع الاختام ..
واصلا الشهادة العربيه لاتنفعني فى الخارج لماذا مركز ضمان الجوده يصدق عليها ..

كما قلت لك وقال إخواني قبلي أن ختم المركز يختلف عن ختم الجامعة كلاهما ليس له علاقة بالاخر فهذا المركز شامل تقريبا لجميع المؤسسات التعليمية منعا للتزوير ( على ما اظن )

إن شاء نكون وضحتلك كويس .... موفق في رحلة الكر والفر

يا محمد ما اتدوخش روحك و تسأل اختام جامعة عمر المختار و غيرها
1/ اعتماد الافادة و كشف الدرجات من مركز ضمان جودة و اعتماد المؤسسات التعليمية و هذا منعا لتزوير الافادات اللي حاصل في اغلب جامعاتنا للاسف و 5 دينار للافادة و 5 لكشف الدرجات
2/ نرجمة عند مترجم قانوني و ترفعهم بعدين الى مركز الخبرة القضائية و البحوث بيش يعتمدوا ترجمة المكتب اللي ترجمة عنده لو انه امسجل عندهم يعتمدوه .
3/بعدين ترفعهم للخارجية ادارة الشؤؤون القنصلية قسم التصديقات و اللي في النوفليين في طرابلس و خمس دينار على كل مستند اي كشف الدرجات 5 و الافادة 5 ,, و انت اسأل لو فيه فروع للجهات هذه في بنغازي افضل و نتمنى لو فيه حد من المنطقة الشرقية عارف ايفهم الراجل بيش ايقصر عليه التعب والسلام

يا محمد للمرة الاخيرة ركز بالله عليك ضمان الجودة للموفد بس يعني موش شورك انت

بالنسبة لاختك الموفدة تختمهن في بنغازي الدعوة الاسلامية الدور الخامس

اما للحصول ع قبول فترجم واختم عند الخارجية ف بنغازي بجنب مصرف ليبيا المركزي انت واختك الموفدة

أوكي شبه اني فهمت ..،

لكن ضروري نسئل بصراحه ..،،

1- لماذا نعتمد فى الشهادة والكشف الدرجات العربيه ..

من الذي يطلب مني هذا الاعتماد.
هل الخارجيه لاتصدق على الشهادة مترجمه الا تكون معتمده من مركز ضمان الجودة

2- شهادة العربيه هل تستخدم فى الخارج .. يعني يجب ان أخذه معي

وشكراا واسف على كثره الاسئله لان بصراحة كل يوم نكتشف حاجه جديدة ..

من الاخير ..،
انا مثلا ترجمت عند مترجم قانوني وذهبت للخبره القضائيه وللخارجيه ماذا يحصل
بدون مانمشي لمركز ضمان الجودة لان الكثير يقولي غير ضروري



عدل سابقا من قبل محمد المسماري في الإثنين 30 يناير 2012, 7:51 pm عدل 1 مرات

يا محمد للمرة الاخيرة ركز بالله عليك ضمان الجودة للموفد بس يعني موش شورك انت

بالنسبة لاختك الموفدة تختمهن في بنغازي الدعوة الاسلامية الدور الخامس

اما للحصول ع قبول فترجم واختم عند الخارجية ف بنغازي بجنب مصرف ليبيا المركزي انت واختك الموفدة

يا اخ حسن انا نحكي على اختي وليس عن نفسي
انا شهادتي ثانويه ... ومزلت طالب سنه ثالثه جامعة..،

؟؟؟؟؟؟؟؟؟؟؟؟؟؟؟؟؟؟؟

هل مركز الضمان الجوده الذي نختم عنده الشهادة العربيه

مطلوب فقط للأجراءات التفويض ليس للخارج يعني

اوكي ي محمد بالنسبة لاختك
1-للتفويض المالي تقدم شهاداتها للجودة فقط بالعربية ودون ترجمه او ختم من الخارجية فقط ختم الجودة واقربلك بنغازي
2عند المراسلة وللحصول ع قبول ترجم شهادتها واختمهن عند المحكمة والخارجية وبرضوا اقربلك بنغازي
انشالله بسطتلك الموضوع خدمة ي محمد

منور ياالحسن والله ماقصرت
لكن حالتي انا خطرت على مقوله القذافي عندما قال ان الجهل سينتهي عندما يبين كل شي على حقيقته


انا كنت مفكر ان ختم الجودة هذا ضروري للشهادة المترجمه ...

لكن الان فهمت ان ختم الجودة هذا يخص ليبيا يعني اجراء داخلي

باهي هل البعثات تعطيني الشهادة الاصليه ام لا بعدين ..،

لالا يا محمد ليس العيب ان تسال لتفهم بل العيب ان تدعي الفهم وانت لا تفهم؟واي خدمة ي محمد واي من اخوتي الاعضاء

منور يالحسن وبارك الله فيكم جميعا

واخيرا سمعت ان فى خارجيه فى البيضاء

سوف اترجم عن مترجم قانوني وعند الخبرة القضائيه وندزهن للبيضاء

اما الشهادة العربيه الخاصه بمركز ضمان الجودة هذا بعد ما يجي وقتها ساهل

اي بعد ما نريد نقدم عالتفويض توى نشقا بيها

انا مش عارف انت ليش ملخبط روحك بالترجمة
انسى انسى انسى الترجمة
انا توا نوضحلك
انت موش تحصلت على شهادة وتبي تقرا بيها برا ؟؟؟ اكيد اجابتك نعم .........اوكي
اي مكان تبي تقرا فية حيقولك نحن سمعنا انه في ليبيا فيه شهادات مزورة ......تمام؟؟
ارجو منك ان تختم على شهادتك بختم ضمان الجودة يعني يتاكدوا ان شهادتك غير مزورة .
حلو لغاية تواااااااااا؟؟؟
انت تقول لهم حاااااااضر وتختم الشهادة امتاعك اللي انت واخذها من الجامعة وتبقى شهادتك معتمدة دوليا ...توا فيه سؤال مهم انت وين تبي تقرا ؟؟
اذا كان في دولة عربية لن تحتاج الى ترجمة
اما اذا كان في دولة اجنبية شهادتك ماتنفعهم بشيء حتى كان عليها 60 ختم لانها باللغة العربية اذا لازم تترجم الشهادة من العربية ال اللغة الاجنبية وياسيدي الترجمة تتم للشهادة وايضا لجميع الاختام التي على الشهادة ..يعني اذا كان عندك ختم ضمان الجود ه على الشهادة فسوف تتم ترجمته
هذا يعني ان الترجمة اللي عندك توا للشهادة ماتصلحش بيك لازم تترجم الشهادة المختوووووووووووومة من الجودة عشان الجامعات الغربية تتاكد ان شهادتك صحيحة
وطبعا هما يشوفوا الترجمة بس لانهم مايقروش عربي
ملاحظة ...
مركز ضمان الجودة ليس له علاقة بالاوراق المترجمة ولا يختمها
فقط يختم الشهادات وكشوف الدرجات
والمترجم القانوني هو اللي يوضح في ترجمة الشهادة ان شهادتك مختومة من مركز ضمان الجودة.............................
واذا كان مازلت مافهمتش لغاية الان

والله دوختونا زيادة

كيف الترجمه يلي عندي الان لاتصلح

فهموناااا

هل انتا متأكد ان الشهاده التى معاي لاتصلح حتى لو ختمتها عند الخارجيه

عندي تعقيب بسيط للغاية

وهو أننا في جامعتنا نقوم باستخراج الإفادة وكشف الدرجات بالانجليزي يعني بورق رسمي من الجامعة وموقعين عليها الجماعة كلها فهل يتم تصديقها من المركز ؟؟؟

السلام عليكم ورحمة الله وبركاته
بالنسبة لموضوع الجودة على الاخوة الاعضاء اخذ العلم بانها انتقلت من مقرها السابق ببن عاشور الى جنزور وتحديدا في منطقة سيدي عبد الجليل يعني بعد اكاديمية الدراسات العليا وانت متجه نحو الزاوية على الطريق الساحلي وبعد كوبريالمعاقين على اليمين .

جماعة قاريونس سابقا تعطي شهادة مترجمة بالانجليزي مع كشف الدرجات وبختم مصدق

ولا تحتاج لمكتب الجودة او غيره .

الامر الثاني والله شهدت ما هو اسوء وتم قبولهم في بريطانيا وفي جامعات معتمده .

الا اذا كان هناك اتفاق مع السفارة البريطانية في ليبيا بخصوص هذه الامر ففي هذه الحالة

ممكن .