عشان خاطر كل ام كل شهيد ومفقود . عشان خاطر كل ثائر حقيقي خرج من اجل رفع علم الاستقلال واستشهد . عشان نعرفوا العالم شن معني كلمة مواطن ليبي حر . عشان نعرفوا العالم من هم احفاد (المختار . السويحلي . والباروني ...... ) . عشان نبنوا ليبيا الغد الحقيقية الي قدمت من اجلها ارواح . عشان خاطر دمعة كل ام وكل اب فقد ابنه . عشان يعرف العالم ان ليبيا فيها رجال قادرين ويسعوا للرقي بليبيا الحبية الي القمة . عشان خاطر ناخذوا حق كل ليبية اغتصبت ونتهك عرضها . عشان وطني الغالي ليبيا ....
باشبــــــــــــــــــــــاب ....
واللهي الانسان المغترب كيف اليتيم والانسان اللي يجهز في موضوع سفره كيف الاعمي . بالله عليكم لم اي شخص ايقدم معلومة ضروري ايقدمها بصدق وكل امانه . راهي المعلومة مها كانت قيمتها راهي تأكد ان في شخص حيستند عليها . ارجوكم انا شخصياً اخذت معلومة بتاريخ حديث ولما حاولت انفذ موضوعي عليها تبين انها غلط . عليش وليش وشن الهدف من ان يعطي شخص معلومة غلط . نحن لازم انقدموا شي للبلاد . لازم ننسوا افكار الطاغية الكافر . ننسوا الجهوية والقبلية والعنصرية والمناطقية ارجوكم لازم انحاربوا كل هذه الافكار واي شخص شاعر ان اي من هذه الافكار عنده لازم ايحاول ان ايحاربها , شباب حاربوا نظام طاغي مش قادر اتحارب افكارك كلا الموت واللهي مانك ميت .
وعاشت ليبيا حره ............ والمجد للشهداء .............. والله اكبر .