استفسار ياشباب

ياشباب ...... عبيت الابلاكيشن علي موقع المعهد els اوعندي فيزا كارت من ليبيا . لما بعثت او نهيت رد علي المعهد برسالة قال فيها ان الفيزا هذي ماصر من الخصم عن طريقها . اودزلي رساله فيها رقم الحساب واسم المصرف . حاولت نرسل عن طريق وسترن يونيون مصار شي قالوا ان الوسترن في ليبيا مانحطش لفلوس في الحساب ضروري يستلمهن حد ........... معش عرفت كيف اندير تربحوا اللي عنده معلومة ايفيدني بيها .

ياصديقي انت ابعت الاوراق وضروري اتحصل قبول وبعده اتعالي الي ماليزي وادفع

في البداية لازم ندفع 100 دولار عشان استكمال اجراءات التسجل والاقامة . هذي توا المشكلة يعني طريقة الدفع في الحساب

ياخوي لو كان انت قريب اتجي انا ممكن انساعدك ...تبعتلي الاوراق وانسجلك وبعدين نبعتلك القبول في الايميل واتجي الي ماليزيا واتخلص وتبدا تقر

صباح الخير ياخوي .
شكرا وربي ايوفقك .........
اول حاجة نبي نسألك .. صح امس واليوم عطلة المولد عندكم ... ثاني شي مدة الاجراءات تقريبا 3 أسابيع .. والمعهد اللي اخترته في العاصمة بعثتله الاوراق وتوا نبي انشوف طريقة انحول فيها قيمة التسجيل للحساب .

صباح الخير
والله خوي علي الانترنت ممكن ايعظل التسجيل لكن لو اتسجيل من المعهد يعني اتجي واتسجيل في يومين يظلع القبول ع فكره لم يظلعلك الفبول ضروري تستنه اسبوعين باش يبعتولك انا اسمك في الجوزات ويبعتولك ورقه تقدر اتخش بيه الي ماليزيا ....
انا صايرلي امعاهم مشاكل هلبا في الفيزا لان عندي اصحابي هلبا سجل وصارت امعاهم مشاكل ....لكن بادن الله امورك تتيسر ان شالله
انا نصيح مني لو تقدر اتجي اهني واتسجل وتدفع الرسوم كامله باش الاجراءات تمشي اكويس لانهم هماى ماديه اشويه يعني تدفع تمشي الاجراءات امتاعك....

باهي يعني انجي انسجل وندفع ونعاود ولله كيف ... لانهم في المطار يعطوا في اسبوعين

انت حاول اتحصل قبول وكان حصلت قبول رد بالك في المظار اظلع او اتقولهم عندي قبول لان بيقولولك وين ورقة امتع الجوازات والورقه هدا بعد ماتدفع التكاليف كله ويبدا المعهد في الاجراءات في خلال شهر يعظوك الورقه هدا ف هيا هيا ...لكن الفرق وين لم انت اتحصل قبول وبعد القبول 2 اسبوعين اتجي الي ماليزيا تبد امورك سهل يعني اتخلص المعهد واسمك يبد في الاجراءات
ممكن تبعتلي الاوراق وانحصلك قبول والشهر الجاي اتجي تدفع وتقر هما خلاص يبدا غدوا المعهد يعني في نهايه شهر 2 اتجي تبدا امورك مئة مئة تدفع وتقرا واتسلم الجواز ع ظول
وانت ع راحتك تبي اتجي ودير اجراءاتك ...قصدي انت السمستر هدا ضاع يعني علاش اتجي دير اجراءاتك من غادي وفي نهاية الشهر اتعالي ...وقبل مااتجي ديري التدكره دهاب وعوده قبل اسبوعين ومرات ايشحظوك اشويه في المظار لكن بعدين تمشي الامور ولله خوك عنده خبره في الجوزات والفيزا قداش امشحظيني

ياخوي .... في البداية ابجد انت مشكور وربي يحفظك .. اذا ماكانش فيها احراج لك ممكن تبعتلي رقم تلفونك علي الايميل بيش نفهم منك بالضبط
jawal4u( عفوا, يمنع نشر البريد الإلكتروني, استعمل الرسائل الخاصة )com

انا ابعتلك رقمي في رسال ع الخاص