استفسار عن الدراسة في ماليزيا

انا خريج معهد عالي حاسوب وارغب في دراسة الماجستير على حسابي في ماليزيا او اندونيسيا اريد الاستفسار عن القبول والمعادلة والتكلفة والمدة ..........افيدوني بارك الله فيكم

ارجو افادتي في هذا الاستفسار ايها الاخوة الكرام

الحاسي قورينا كتب:

ارجو افادتي في هذا الاستفسار ايها الاخوة الكرام

راسلني على ايميلي في الياهو وان شاء الله نساعدك

بالنسبة لدراسة في ماليزيا في جامعة معتمده ضروري تاخذ كرس لغة . بلنسبة للحاسوب ماعنديش عليه معلومات . انا كان سخر ربي بعثت الاوراق في معهد اي ال اس اي معلومة عليه تفضل .. بالنسبة للسكن ماعنديش عليه معلومة اكيده . بس معقول يعني الشقة في العاصمة من 250 الي 400 دولار في الشهر يعني سكن طالب شوف شن طلبك والشباب ماحد حيقصر امعاك ..

موفق أخي الكريم بس لو حصلت معلومة أكيدة على الدراسات العليا بالنسبة للدبلوم العالي ياريت تفيدنا لأن زوجي نفس وضعك وياريت نعرفوا الشروط المطلوبة لحملة الدبلوم العالي ؟؟

ع حسب علمي انا الجامعات الحكوميه معقدين في الحاجه هدا لانهم ايفضلو بكالوريس وتوا انزيد نتاكد من الموضوع وانردولكم الخبر اليقين

مشكور أخي الكريم بما انك موجود في ماليزيا ياريت تفيدنا في قصة الاقامة لو دخلت بفيزا اسبوعين وانا مرتبة اموري مع معهد اللغة واقامتي تكون جاهزة ان شاء الله في مشكلة في الامر هذا ؟؟

انشالله الله مافيش مشكله لكن لم اتجي ضروري اتكون عندك تدكره دهاب وعودت قبل اسبوعين ولم يسئلوك قولي سياحه
وتاني يوم تمشي الي المهعد وتتفاهمي انتي وهما ع كل شي

بالنسبة للدبلوم العالي صعب جدا في الجامعات الحكومية في العاصمة لأنهم يطلبوا في degree لكن بالنسبة للجامعات خارج العاصمة ممكن لو ترفق معامهم شهادة خبرة على أساس إنك ممارس للمهنة في موضوع تخصصك و إحدى هذه الجامعات في قدح و إسمها نسيته عندي زميل دبلوم عالي تخرج منها.

مشكور اخي الكريم إن شاء الله ربي يسر الأمور للجميع وانا بصراحة نسقت اموري على الحل هذا ومانبي خلطة بالسفارة في مصر لأنهم عقدولي القصة

كيف عقدولك الامور ... يعني شن قال بالضبط ... اتصلت بيهم من كم يوم القيتم متفاهمين ...

اولا قالولي الليبيين حاليا مانعطوش فيهم تاشيرات وبعدين قالولي قدمي وتاخذ وقت

اول حاجة السفاره شن علاقتها ليبي ولا تشادي ... مش شورها .... ثاني شي واللهي العظيم من ساعة اعلم بشاب نعرفة من المنطقة سافر لماليزيا يوم الجمعة اللي فاتت ... وقالي خوه انه تم موضوعة من غادي او بكره بنتصل بيه ونقولك كيف دار ... واخر ي سافر علي القطرية واخذ تكت سنه قيمته 2251 د.ل ...................

ان شاء الله اخي الكريم وبالنسبة للتذاكر من مصر ارخص بواجد أظن 850 دولار وان شاء الله انتأكد من المعلومة

خوي الصديق .... الحمد لله رب العالمين ... اليوم صاحبي نهالي موضوع التسجيل في المعهد ......دفع رسوم التسجيل 100 دولار ... بارك الله فيك وفي اختي بنت درنه وكل شخص حاول ايساعدني مشكورين واجد وربي ايوفق كل واحد

لو تبي قبول جامعي انا في الخدمه خوي

اريد معلومات مفصلة عن الجامعات التي تقبل دبلوم عالي في ماليزيا .وهل يوجد طلبة ليبيين يدرسون في جامعة الترا في قدح UUM.......وشكر الله من يساعدنا

الحاسي قورينا كتب:

اريد معلومات مفصلة عن الجامعات التي تقبل دبلوم عالي في ماليزيا .وهل يوجد طلبة ليبيين يدرسون في جامعة الترا في قدح UUM.......وشكر الله من يساعدنا

اخي الجامعات الي تقبل الدبلوم العالي في ماليزيا قليله جدا مثل ماقال احد الاعضاء ممكن جامعه اكرم
اما جامعه اوتارا فما اعرف اذا ممكن يقبلو الدبلوم العالي

ترفع الشهاده الي السفارة يختماها ع اساس بكالوريس واتقدم في اي جامعة

asadik كتب:

ترفع الشهاده الي السفارة يختماها ع اساس بكالوريس واتقدم في اي جامعة

الله يبارك فيك ...
اي شخص يريد تقديم ممكن جدا يتواصل معي
بالتوفيق ان شاء الله للجميع....

السلام عليكم ورحمة الله وبركاته.
اخوتي الله يرحم والديكم انا ذاهب لماليزيا يوم 29؟5 للتقديم في الجامعه مع العلم ان موضوع اللغه مافيش مشكله بالنسبة لي ولله الحمد. لكن هل اذهب عالفاضي ام ان هناك قبولات هذه الايام. وللعلم تخصصي بكالريوس محاسبة فارجوكم رجاء خاص ان تفيدوني على مواعيد القبول في الجامعات. ولا اريد القبول في معاهد اللغه. لاني طرحت موضوعي مرات كثيرة ولم اجد الاجابة وهي متى مواعيد القبول في الجامعات.

السلام عليكم ..

اود الاستفسار على كيفية الحصول على قبول من جامعة معتمدة فى ماليزيا , بامتحان اللغة ايلس 5 , ارجو مساعدتكم
وشكرا

السلام عليكم.
اريد موعد القبول بالجامعات؟ لكي اسافر لماليزيا.الله يبارك فيكم.