السلام عليكم خوي
بالنسبة للنموذج الأول IMM1294E الموفد فقط يعبيه ومش صعب هلبة بس أول ما تبدأ تضغط في الهامش فوق أقصى اليمين على كلمة Highlight Fields
باش تعرف شن اللي لازم تعبيه وشن اللي مش لازم طبعا الأسئلة مش صعبة وبمد ما تبدأ تلقى الموضوع يولي أسهل بس لما تكمل ال 4 صفحات بشكل صحيح تلقى في اخر صفحة مربع لونه ازرق مكتوب فيه كلمة Validate
وهذي الكلمة لو انت معبي صح بطلعلك صفحة خامسة فيها الباركود ولو مش معبي صح بتقولك الاخطاء وين وانت تصلحهم وتضغط عليها تاني لحد ما تصلح كل خطأ
ملاحظاتي على النموذج:
1- لازم يكون عندك اكروباتريدر 8 وما فوق واحسن ون 9
2-التواريخ زي تاريخ الميلاد وغيره ما تكتبها بروحك اختار من رمز السهم اللي يطلع على يمين مكان التاريخ ولو الارقام كانو شكلهم عربي قديم عندك غيرهم لان بيعطيك خطأ
3-كون صادق في إجابتك لأنهم بيراجعو كل شي
4- الاسماء لازم تعبيهم بالانجليزي زي ما في جواز السفر
بالنسة للنموذج التاني IMM5645E يعبيه الموفد وكل اللي ماشيين معاه وحتى هو ساهل جدا .
ملاحظاتي على النموذج:
1- الاسماء لازم تعبيهم بالانجليزي زي ما في جواز السفر بالاضافة ل اسم تكتب تحته بالعربي كيف ما في الجواز ايضا زي اسمك واسمك زوجتك وبوكوامك وحتى المكان للي مولود فيه ومكان الاقامة كله لازم يكون عربي وانجليزي وبالتأكيد تعبيه على الكمبيوتر مش تسحب الورق وتعبي بخطك
2-لو عندك خوت هلبه والنموذج ما يكي اسحب نسخة تانية من الورقة اللي فيها اسماء الخوت وعبيها ببقية خوتك ودبسها مع النموذج السابق حتى اني درت هكي والحمدلله انا توا في كندا.
النموذج الاخير IMM5257B يعبيه الموفد وكل المرافقين وهو ابسط واحد فيهم بس لازم تكون صادق بس ما في تكتب انك كنت في الجيش او خدمت خدمة عسكرية هكي احسن لانهم مرات يرفضوك
واذا عبيت وفي فقرة مش واضحة تفضل بس راعي الفارق في التوقيت
ممكن شرح تعبئة النموذج التاشيرة
