لاأحد يبكي على هذه القصه ..،!لانه كر وفر قتله وجرحي

انا محمد من مدينه طبرق مرافق لأختي بأذن الله

القصه من البدايه حتي تشوفو ان عرب طبرق والله ماعايشين ومهمشين

بدايه صدور القرار 502 فى نهايه 2010قدمت على دعم مالي من اجل قبول الي امريكا
وبعده قامت الثوره نسينا كل شي .. وبعد نجاح ثورتنا والحمدالله
قالو يجب ان تقدمو من جديد على الدعم وقدمت على دعم مالي من اجل القبول فى28/11/2011
ركزو على التاريخ
وبعده اصبحت اتردد على المندوب وقالي الدعم فى البيضاء فى 20/12/2010 ومن ثما اخذت رقم المندوب الاخر فى البيضاء واتصلت به فى 6/1/2012 وقالي قريب تصلني الورقه ...
وبعده فى شهر 2 اتصلت مره اخره وقالي وصلتني الورقه وطلع فيها خطأ... يعني اعلق انداترو وخر الي لورررراااااااا من جديد
واخير فى يوم 20/2/2012 وصلت الورقه والحمدالله ووصلتني من البيضاء الي طبرق فى ضرف
يوم 29/2/2012 وفتحت الورقه فرحان على اساس نريد نجري على قبول ونجهز روحي ونقرأ الاسم نجد مكتوب اسم اختي كما وارد بالجواز مشاءالله عليه الاسم رباعي كامل لكن فى الاخير ضايفين اسم الخماسي مكتوب حسن هذا كيف زرق مش عارف والله اسم العائله بالكامل الي عشره اسماء مافي اسم حسن كيف كتبوه والله ماني عارف ..،
يعني ثلاث شهور فى هذه الورقه والله طبرق تحررت فى نص ساعه اول مدينه تحررت ..،
ومنطقه شرقيه فى شهر تحررت وليبيا فى 6 شهور .. والله حراااااااااام
هذا كله فى ورقه دعم مالي فمابالك دعم لتأشيره ..، الحصيل فى هذه الحاله الواحد ايش يدير ينتحر
والله الواحد فرحان بالثوره وقلنا سوف تصلح احوال البلاد ..،
ورغم كل ذلك نحنو ضد مايسمي بالفيدراليه ..وخرجنا مضاهرات ضدها فى طبرق ...
لان مش نحنا يلى نقسمو البلاد عشان خاطر اوراق ومركزيه ...

المهم هذي قصتي والله على مااقول شهيد ..،
خطرها الشهيد .. والله صاعبين علي الشهداء يلى ذهبو فى شحمه طير..،


المهم لدي استفسارات .شكلها نريد نمشيها استفسارات وخلاص..،
يوجد طلب تقدمه الموفده لمدير البعثات حتي يرافقها اخوها هل الطلب يتقدم على طريق المندوب ام ضروري شخصيا .. وهل الدول الغربيه مثل امريكا يوافقو على الاخ كمرافق حتي لو اسمو مكتوب فى دعم التأشير..،
نريد واحد يشرحلى على هذه القصه حتي واحد من طرابلس يسئلي البعثات ..،
المشكله نقدر نمشي لطرابلس عادي تكلفني لكن الادارة تقولك لانقبل الا من المندوب..، والله المندوب هذا كسرنا..،

عدل سابقا من قبل محمد المسماري في السبت 10 مارس 2012, 10:47 pm عدل 2 مرات

ربي يساعدك ويساعدنا..،

هذه المشاكل بسبب المندوب و كذلك موظفي ادارة البعثات الي مش فاهمين شي, فيه منهم ما عنداش حتى شهادة. متخرج من الثانوي... ,, و المسؤول الرئيسي هو بن طاهر الي قاعد يشوف المشاكل هدي تصير كل يوم و مش قادر اديرلها حل.. بالله قداش بتاخذ لو فتحوا مكتب في المنطقه الشرقيه و داروا فيه 5 موظفين يتعاملوا مع المندوبين مباشره,, فمثلا بدل ما يتعامل المندوب مع ادارة البعثات الي في طرابلس, يكون تعامله مع المكتب هذا الي ممكن يكون في بنغازي.. و يكون فيه مراسلة اسبوعيه بين المكتب هذا و ادارة البعثات. يعني الطالب يستلم اوراقه اسبوعين من يوم التقديم.. اشياء ساهله و تحل مشاكل كثيره لكن : قد اسمعت اذا ناديت حيا ولكن لا حياة لمن تنادي

عسى الله يفرج عليك اخي الكريم .. اكيد الكثير من رواد هذا المنتدى يسكنوا في طرابلس ,, ديرا اتصلاتك معاهم و بعون الله تمشي امورك.. بخصوص التمديدات.. ممكن خلال المده القادمه حيكون فيه قرار تمديد مده و كذلك من درجه الى درجه و ان شاء الله يحطوا الاسماء على موقع وزارة التعليم العالي....

المشكله ان المعيدين والموفدين ساكتين على حقوقهم
لوكنت اعيش فى طرابلس اول شي اقول لطاهر بن طاهر ارحل ارحل ارحل