المستندات المطلوبة من الطلبة الليبيين للحصول علي التأشيرة الأسترالية لغرض الدراسة AUSTRALIAN VISA REQUIREMENTS FOR LIBYAN STUDENTS

السلام عليكم انا عندي سؤال وهو اني لا املك شهادة خبرة واريد التقديم في التاشيرة هل التقديم بدونها يأخر في سرعة استخراج التأشيرة ارجو الرد سريعا
جزاكم الله الف خير

الله يبارك فيك يا استاذ ومشكور ما قصرت.

شكرا ع هده المعلومات يااختى الكريمة

ولي عنده وثيقة سفر هل تمشي بدل الجواز ام لا

بالله كم تاخد وقت التأشيرة حتى تطلع ؟؟؟؟؟؟؟؟؟؟؟؟

السلام عليكم
من خبرتى زميلاتى و زملائى اصحاب قرار 613 628
خذت من شهرين الى ثلاثه شهور ولاحسن انك تمشى لمصر وحدك اضمن او ادزيها من اخوكى او حد من عيله ربى يوفقك

صورة من جواز السفر
شهادة ميلاد من السجل المدني تترجم للنجليزية وتصدق من الخبرة القضائية (سبها في مركز شرطة قعيد الدور التاني) والخارجية في طرابلس ( في النوفلين قرب سوق النوفلين) الخارجية تدفع 5 دينار اما الخارجية في سبها فهيا في المجمع لاداري الدور التاني قرب السجل المدني
شهادة التخرج كان مش مترجمة تترجم ونفس الخطوات السابقة اضيف عليها تصديق مكتب ضمان الجودة بن عاشور قرب مصحة المختار الشارع الي فيه المصحه اول فتحه علي اليمين تلقها في نهاية الشارع 5 دينار علي الايفاده
كشف الدرجات كان مش مترجمة تترجم ونفس الخطوات السابقة اضيف عليها تصديق مكتب ضمان الجودة بن عاشور قرب مصحة المختار الشارع الي فيه المصحه اول فتحه علي اليمين تلقها في نهاية الشارع 5 دينار علي الكشف
شهادة خبرة من العمل السابق تترجم للنجليزية وتصدق من الخبرة القضائية والخارجية ( في النوفلين قرب سوق النوفلين) الخارجية تدفع 5 دينار
شهادة خبرة من العمل الحالي تترجم للنجليزية وتصدق من الخبرة القضائية والخارجية ( في النوفلين قرب سوق النوفلين) الخارجية تدفع 5 دينار
السيرة الداتية سي في بالانجليزية
رسالة القبول من الجامعة
رسالة الدعم المالي للتاشيرة
الكشف الطبي بس يقولو لغوه تاكد منهم
شهادة الحالة الجنائية تترجم للنجليزية وتصدق من الخبرة القضائية والخارجية ( في النوفلين قرب سوق النوفلين) الخارجية تدفع 5 دينار موقع استخرجها صلاح الدين تقريبا الجوزات
رسالة السي او اي كان فيه احسن
عموما يتم تجهز الملف من صورة واصل يعني تصور كل الاوراق وتمشي للقنصلية في برج الفاتح وتصدق علي الصور وترفع معاك جواز السفر بعد تختم وتصدق علي الاوراق تقدر تمشي الي مصر او تبعت عن طريق مكتب كيف تبي انت وتدفع مبلغ بعد تقدم في التاشير وهو 405 دولار امريكي او مايعادلها وتكون بالليبي 510 تقريبا
كان انت مشيت لمصر السفارة تفتح يوم واحد للتاشرات الطلبة وهو الاحد الساعة 12 طهر كان ما تغير التوقيت بالاضافة الي الاوراق السابقه في نمودج تعبيه وهو اسمه اي 157
a157 it is in www.immi.gov.au
ممكن تلقاه علي الموقع هدا
وانشاء الله انا مانكون نسيت شي ومستعد لاي استفسار نقدر عليه وجزاك الله الف خير
بالنسبة للزوجة و الزوج
نفس الاوراق والخطوات السابقة
زيد عليها عقد القران ويترجم تترجم للنجليزية وتصدق من الخبرة القضائية والخارجية ( في النوفلين قرب سوق النوفلين) الخارجية تدفع 5 دينار
والكشف يكون لكل افراد الاسرة

السلام عليكم
عندى بعض الاستفسارات حول موضوع الزواج .............
كيف تتم عملية استكمال الاجراءات اذا مثلا تزوجت بعد سنة من اللتحقى بالدراسة (هل الاجراءات سهلة لارسل الزوجة وكم تاخد من وقت وهل من الممكن لى العودة لاخدها اى الزوجة وهل الزمن الرجوع والعودة لاستكمال الاجراءت كافى

الشريدى كتب:

السلام عليكم
عندى بعض الاستفسارات حول موضوع الزواج .............
كيف تتم عملية استكمال الاجراءات اذا مثلا تزوجت بعد سنة من اللتحقى بالدراسة (هل الاجراءات سهلة لارسل الزوجة وكم تاخد من وقت وهل من الممكن لى العودة لاخدها اى الزوجة وهل الزمن الرجوع والعودة لاستكمال الاجراءت كافى

الاخ الفاضل /// الموضوع سهل ومش سهل

اى بمعنى انك تبي رساله دعم مالى جديدة فيها اسم الزوجه لكي اتقدم بيها للتاشيرة بالاضافه الى عقد القران مترجم ومصدق عليه من الخارجيه ومن المحكمه الابتدائيه ومستندات التاشيرة والتى بالتاكيد انتا تعرفها وتقدم على التاشيرة للزوجه فى القنصليه وياريت لو اتكون حافظ رقم ملفك الخاص بالتاشيرة لكي ايضيفوا الزوجه اليه ويلحقوا مستنداها الى ملفك عندهم فى السفارة وتصدرلها تاشيرة ومن ثم تذكرة سفر

والموضوع بالتاكيد ياخد وقت لاكن من وجهة نظري انه من الانسب ان الواحد ايخلي اهله هنا يعقدوله على بنت الناس ( يقراء فاتحه ) ويستخرج عقد الزواج من المحكمه ويدير توكيل الى اخيه او والدة على حسب .....لكي يستكمل الاجراءات بالنيابه عنه حيث يمكنه المجيء ويجد كل الامور تمام وياخد زوجته ويسافر على طول باذن الله

اسئل الله لك التوفيق والسداد والف مبروك مسبقا

تحياتي

جزاك الله خيراً يا أخت إعتدال
وبارك الله فيك على هذا المجهود

مشكوووووووووووووووووووووووووووووووووووووووووووووور

157 A النموذج