لاصحاب الخبرة باي ساحة تنصحني

تخصص هندسة كهربائية دبلوم عالي ...... بصراحه انا محتار بين ايرلندا ........... ماليزيا ......... بريطانيا

ارجو من هو موجود في الساحات اللي دكرتها يعطيني بعض المعلومات ولكم جزيل الشكر

وين اصحاب التخصص هندسة كهربائية ولاحد يقدمنه نصيحه

السلام عليكم
انا مش موفدة لاحدى الساحات اللي ذكرتهن ولا تخصصي هندسة كهربائية بس نقولك كموفدة ما تضيعش وقتك في الاختيار واي اللي احسن لان الجامعات فيهم ال3 كويسة والحياة طالما واحد بيعرف كيف يقرا و كيف يعيش ان شاء الله بتكون كويسة واهم شي استخير الله وتوكل عليه لان ما يضرك ولا يخيبك ويعطيك الاحسن بس ما تضيع الوقت اللي فروض تكون تقرا فيه انا ضيعت اكثر من سنة وانا نختار وسنة ضاعت في الثورة يعني كنت نكون قيرب نكمل كن قدر ما شاء وما شاء فعل هذا والله أعلم

كل الساحات فيها جامعات كويسه.. في بريطانيا مثلا بحكم اني نقرا فيها.. فيه جامعات كويسه تستفيد منها و فيه جامعات نسموا فيهم هني "ديار ابو سفيان " من دخلهم فهو أمن.. القبول في حالتك مش حيكون سهل بحكم انك تحمل دبلوم عالي مش بكالوريس.. مع هذا حاول و ان شاء الله ربنا اوفقك ..

شكرا اخت حنان ....... واشكر موصول للاخ محمد
ياخوي محمد ممكن تستفسري عالقبول لخريجي الدبلوم العالي في بريطانيا

تقدر تحصل بسهوله بعون الله

السلام عليكم
من خلال دراستي في بريطانيا انصح ببريطانيا حيت انه كان لي اصدقاء يحملون شهادة دبلوم عالي درسوا سنة لغة ومن تم درسوا الماستر ونجحوا فيها والبعض الاخر درس سنة لغة وسنة ماستر تمهيدي لمدة سنة ثم درسوا سنة ماجستير وبصفة عامة بريطانيا رغم انها بلد غربي الا انها بلد سهل العيش بها وهي عندي افظل الخيارات المطروحة والحصول علي القبول يتفاوت من جامعة الي اخري.
ان حققت مساهمتي عندكم الرضا ؟ فلا تنسونا من خالص الدعاء

بارك الله فيك اخ فاهم ..........بس ممكن اتفهمني بلظبط عن القبول هل يكون القبول والمواد التي تدرس في الماستر نفس خريجوا الباكالوريوس وان كان عندك علم عن عدد المواد ارجو التوضيح........جزاك الله كل خير

مشكور اخي الاصيبعي

باهي مافيش حد عنده فكرة على ايرلندا الشماليه وهل هي تكون فيها مميزات وعللا حسب علمي في خريجي دبلوم عالي يدرسوا في ايرلندا الشماليه وهي ايضا باللغهة الانجليزيه طبعا وعن ظروف العيش فيها ...........لو بالامكان مقارنه بينها وبين بريطانيا

السلام عليكم
بالنسبة لمن عنده شهادة دبلوم عالي في حالة قبوله لدراسة الماجستير مباشرتا يعامل كمن عنده شهادة بكالوريوس وما فيش فرق وتقريبا عدد المواد 8 تقريبا مع الرسالة