[[size=18]شروط الحصول علي التاشيرة البريطانية مع عائلة[/size]

السلام عليكم اود من اخوتي اللي يعرف معلومات اكيدة عن شروط الحصول عن التاشيرة يفيدني وهل مازال شارطين ايليتس وهل معدل 4 يكفي وهل السفارة البريطانية في طرابلس باشرت العمل يعني نقدر اندير امتحان الايليتس في طرابلس والا معناها نشوف مصر لاني من طبرق واقرب سفارة مصر علما باني معي عائلة الرجاء الرد جزاكم الله انا قراري قريب ينقرض

تحتاجي 4 و نص في الايلتس اختي باش تقدري تقدمي على الفيزه بنظام التاير 4.. لو ما عندكش الدرجه هدي .. قدمي على تأشيرة طالب زائر ليك و تأشيرة زائر للمرافقين .. السفاره البريطانيه في طرابلس قاعده مسكره و مادامك من طبرف فلو تمشي لمصر يكون افضل...

بالنسبه للشروط,, انت حددي اما فيزة تبي تقدمي عليها و بعدها نفيدوك بعون الله

شكرا أخ محمد الاصيبعى على مجهودك فى الرد على الاسئلة .
لوسمحت بالنسبة للقبول الأكاديمى هل يمكن عن طريقه الحصول على تأشيرة تاير 4 ، وماذا عن القبول الأكاديمى المشروط باللغة .

حصولك على قبول اكاديمي غير مشروط في اغلب الحالات يعتمد على حصولك على درجة 6 الى 6 و نص في الايلتس و هذا يعني انك تقدر تقدم على التأشيرة بنظام التاير فور.. بعض الجامعات ليهم نظامهم الخاصه في تقييم اللغه و عادة ما يكون فيه امتحان في معهد اللغه الخاص بالجامعه اذا اجتزته تعطى قبول غير مشروط و هذا يسمحلك بالتقديم على التاير 4.
حتى لو عندك قبول اكاديمي مشروط,, ضروري يكون عندك 4 و نص في الايلتس باش تقدر تقدم على التأشيره بنظام التاير فور

وصلت المعلومة أخ محمد، بارك الله فيك ويرحم والديك .

يعني لو قدمت على تاشيرة سياحة للعائلة تطلع بسرعة والله انا نخاف اندير امتحان الايلس ومانجيبش الدرجة المطلوبة لان مستواي ضعيف ويفوت الوقت علي وخاصة اني انا الموفدة مانقدرش نسيب زوجي وولدي

بارك الله فيك اخي محمد ويرحم والديك انا قاعدة نرجي في قبول مشروط لكن حسب ردك علي هادي2011 انه ضروري ايليتس 4.5 حتي في وجود قبول اكاديمي لذلك في امتحان للايليتس يوم 31 مارس الجاري حسب الاعلان في موقع http://www.ielts.org/
في السفارة البريطانية في مصر وفي ليبيا الشئ اللي نحب انك تفيدني فيه فيزا الزائر للعائلة كم مدتها وكذلك فيزا الطالب سمعت انها لازم نرجع بعد 11 شهر لليبيا وبعين نقدم من جديد علي فيزا فياريت اذا عندك او اي حد من الاخوان توضيح ايفيدني بارك الله فيكم وان شاالله ربي يسهل عالجميع

بالله عليكم حد يرد عليا بسرعة لأن معش عندي وقت خلاص كورس الأنجليزي متعي بيبدأ و معنديش تأشيرة (
أنا نبي نقدم على الstudent visitor visa لكن لما نبي ندير apply online ملقيتش حاجه اسمها student visitor !!!
يا اما TIER4 ولا حاجه اسمها student dependant أو prospective student dependant معرفتش شني الفرق بينهم ؟

السلام عليكم ورحمة الله وبركاته اختى الاميرة:
بامكانك ايجادها تحت اسم special visitor
اذا كنتى تودين تعبئة الابليكشن يوم الاثنين فهناك اعلان مفاده انه مابين الساعة 7:30 و 9:30 بتوقيت غرينتش اعمال صيانة فارجوا ان تراعى ذلك التوقيت
Visas4uk will be unavailable on Monday 26/3/12 between 07:30 - 09:30 GMT for essential maintenance Apologies for any inconvenience
وفقك الله وسهل امورك وامورنا اجمعين

بالنسبة لامتحان الايلس اللي يوم 31 في مصر قالو لازم تسجلي قبله ب5 اسابيع انك بتشتركي فالامتحان والله اعلم

السلام انا وضعى قريب من ضعك وكانت فى مصر لعمل التاشيره
بالنسبه للعائله يجب ان يكون لدك 4ونصف ايلست او تاخذى تاشيره طالب زائر وهى تبداء من شهر الى 11 شهر ولكن انتبهى الى ان تذكرى المده التى ارسلها لك المعهد اللغه واغلب الاحوال تكون 6 اشهر لا تزيدى عليهن بالنسبه الى امتحان ايلست يمكنك زياره موقع المركز الثقافى البريطانى فى مصر سوفه تجدى كيفيه التقديم على الامتحان ايلست ربى يوفك

Ohhh Thank you thank you بارك الله فيك

ربي يفتح عليك و ييسرلك أمورك

اختي جميله.. للاسف الشديد, عند التقديم على فيزة الطالب الزائر.. لازم تطلعي من بريطانيا لما تبي تحولي على نظام التاير 4... ما اعتقدش فيها مشكله.. يعني مثلا بعد 6 شهور من السفر اكيد تبي ترجعي و تزوري الاهل و بالمره جددي التأشيرة....


الاخت ساره

لما تبدي في تعبئة الابليكشن يطلب منك
'Type of Visa
اختاري
VISIT'
و بيطلب منك
Purpose of Application
حطي
specail visitor
و بيطلب
'Type of Application
اختاري '
( specail) student visitor to study english language

بعدها كل شي يبدا ساهل.. استمري بالزحف لين اتمي الابليكشن

اخي محمد الاصيبعي بارك الله فيك وجزاك الف خير عموما انا مازال نرجي ي القبول بعد مانبدا في التاشيرة اكيدة توا نحتاج مساعدتك وصحيت

الاخت الفاضلة هناك من طبرق من تحصل على التاشيرة من مصر وأستلمت جواز سفره وقعد شهر كامل بدون الجواز بعدها تحصل على التأشيرة لكن وحدة بدون العائلة، وهنالك من اصدقائي عدو للسفارة البريطانية بتونس وتحصلوا على التاشيرة بعد أسبوع، ونا ننصحك أن تذهبي لتونس أفضل.

اخوتي الاعزاء اود الإستفسار عن الفيزا حيث أني متحصل على دورة تدريبية تقنية خاصه بالنفط هل يشترط الأيلتس او يكتفى بالدورات التي تحصلت عليها باللغة ولكم الشكر

ضروري درجة الايلس .. لاجل ان تحضر معك مرافقين الى بريطانيا
اما اذا كانت ليس لديك درجة في الايلس فأنه اما ان تاتي الى بريطانيا بفيزا سياحة ومدتها 6 شهور لك ولجميع العائلة او فيزا طالب زائر 11 شهر و لكن بدون مرافقين

بارك الله فيك ...الدورة المخصصة 9 اشهر ولم اتحصل على ايلس هل ممكن ان اتحصل على الفيزا لي...ثم نعمل فيزا سياحية لعائلتي لمدة6 اشهر ويرجعوا للبلاد وشكرا جزيلا

نعم يعطوك التأشيرة على مدة الدورة ان شاء الله و بأذن الله
وعائلتك يعطوهم فيزا سياحة لمدة 6 اشهر فقط

اهم شئ ايكون عندك ورقة من المركز الذي سيعطيك الدورة لتقدم بها على الفيزا

بارك الله فيك وربي إطمنك لان ليا 3شهور متلخبط شكرا جزيلا