ما هى الاوراق المطلوبة للجامعات الكندية

السلام عليكم
نامل من احد الطلاب الليبين فى الساحة الكندية ان يفيدنا .........................
انا الان ماشى فى اجراءات التاشيرة تمام واريد ان اسال ما هى الاوراق التى يحتاجها الموفد ليحملها معه ...اى مثلا اى اوراق خاصة بالقبول الاكاديمى اللى بتطلبها الجامعات.او اى مكان اخر......علما بانى سوف ادرس ماجيستير فى الصيدلة
يعنى من الاخر اى ورقة ممكن احتاجها اثناء تواجدى فى كندا قولولى عليها لكى اتمكن من احضارها معى ...............مع الشكر المسبق لكل من يجيب على السؤال... وبارك الله فيكم

السلام عليكم أختي
انا مازلت نقرا في اللغة بس صديقنا في كندا قبل ما نجو قاللنا جيبو معاكم نسخة من شهادة الثانوية وكذلك افادة وكشف درجات اصلية للجامعة ولو تكون اكثر من نسخة يكون أحسن كذلك رسائل تزكية من 2 او 3 دكاترة درسوك بالجامعة وأيضا رسالة من جامعتك تفيد بأنك درستي باللغة الانجليزية وكذلك شهادة خلو من السوابق أو الحالة الجنائية او زي ما يسمو فيها في ليبيا شهادة براءة من السوابق وتقدري تاخذيها من أي مجلس عسكري قريب ليك تقريبا هذا أهم شي واذا تفكرت شي نقولك ان شاء الله
موفقة

وعليكم السلام اخي الفاضل
ايضا لازم تأخذ معاك شهادة الميلاد والوضع العائلي وشهادة الاقامة من السجل المدني النسخة العربي والانجليزي

كل جامعة و طلباتها و لكن الطلبات ليس اكثر من افادة وكشف درجات اصلية من الجامعة و عدد 2 رسائل تزكية من دكاترة درسوك بالجامعة وأيضا رسالة من جامعتك تفيد بأنك درستي باللغة الانجليزية فقـــــــــــــــــــــــــــــــــــــــــــــــــــــــــــــــط

اضافة لما ذكره الاخوة-ات ...احضري معاك علي الاقل 7 كشوف درجات وحطي كل في كل ضرف اصل وصورة واكتبي اسم وعنوان الجامعة علي لضرف...وكل ضرف ايكون امسكر ومختوم عليه من الجامعة ...اذا كان مفتوح مش حيقبلوه منك ...رسايل التوصية ضروري اتكون في رسايل منفصلة وامصكرة واموقع علي الضرف بعد التسكير ...تبي 3 دكاترة في المتوسط ..ايميل..تلفون ..واسمه

شكرا لكل شخص اجاب على السؤال
(.احضري معاك علي الاقل 7 كشوف درجات وحطي كل في كل ضرف اصل وصورة واكتبي اسم وعنوان الجامعة علي لضرف.)
لمادا 7 كشوف وهل من الازم ان تكون اصلية كلها لانه من الصعب الحصول عليها اصلية ام انك قصدت بها الترجمة مختم من قبل الجامعة فهدا لايوجد لان المطلوب ختم الخارجية والخبرة القضائية نامل التوضيح وشكرا

تبي علي الاقل تراسل 3 او 4 جامعات ... باش تضمن قبول في1 او 2 ..بالاضافة الي انك تبي كشوف درجات احتياط ...خير من وصي خوك ومصاريف بريد وغيرها... بالنسبة ليا اني لا امشيت لخارجية ولا مترجم قانوني ...لاكن تقدرتعملهن للاحتياط ...
اهم حاجة ايكونن في ضرف امسكر ومختوم ام موقع عليه

Ben Ali Ahmed كتب:

تبي علي الاقل تراسل 3 او 4 جامعات ... باش تضمن قبول في1 او 2 ..بالاضافة الي انك تبي كشوف درجات احتياط ...خير من وصي خوك ومصاريف بريد وغيرها... بالنسبة ليا اني لا امشيت لخارجية ولا مترجم قانوني ...لاكن تقدرتعملهن للاحتياط ...
اهم حاجة ايكونن في ضرف امسكر ومختوم ام موقع عليه

هل المطلوب في مصر نفسه في كندا؟

علاش 7 افادات وكشف درجات مش لازم كل هالعدد حتى 3 يكفو وتكون في ظرف مقفل وانا نذكر قدمت على جامعة قبل وحصلت القبول بس التغي بعد الثورة وكان في الظرف بس افادة وكشف درجات اصلية ومختوم ع الظرف وخلاص ونفس الشي لرسائل التزكية تكون مختومة من برا لو عند الدكتور ختم وموقعة وشهادة انك قريت بالانجليزي وهذا توفر عليك لان في جامعات تقبل فيها بدل درجة التوفل
وربي يوفقك

اختي حنان كيف يعني مختوم علي الضرف من بره يعني من اللي يختم علي الضرف وهل الختم في من الجامعه او من مفروض يختم عليها؟؟؟؟وبعدين نحط كل ايفاده وكشف درجات في ضرف بروحه او كلهن مع بعضهن في نفس الضرف؟؟؟وهل رسائل التزكيه تكون في ضرف بروحهن ولا مع كشف الدرجات والايفاده؟؟؟وهل لازم اندير اكثر من صوره سكنر للشهادات التزكيه؟؟؟اخر سؤال الورقه المطلوبه بخصوص دراستي بلانجليزي من مفروض يوقعها ويصدق عليها؟؟؟؟

اختي انا غيرت من استراليا الي كندا وحابه نستفيد منك....وشكرا مقدما

اختي لوزا
بالنسبة للافادات وكشف الدرجات لو عندك مثلا 3 كل وحدة بروحها تحطيها فى ظرف ويختملك عليه مسجل الكلية اما بالنسبة لرسائل التزكية لازم تكون عندك اكثر من نسخة ونفس القصة كل وحدة فى ظرف ويوقع عليها الدكتور الي كاتبها ولو عنده ختم يكون افضل
اما بالنسبة للافادة انك دارسة بالانجليزي تأخديها من مسجل الكلية ويختم ويوقع عليها
بالتوفيق