شن قصته World Education Services?!

هل فعلا هذا الموقع يوفر الوقت و الجهد من حيث معادلة السجل الدراسي( Transcript) بدلاً من ارسال ظروفاً مغلق ومختوم من قبل الجامعة كل مرة لمراسلة الجامعات اللي بتقدم عليها؟؟

انا اللي فهمته انه الموقع يقدم الخدمات التالية؟
1- تقيم جميع المستندات ( شهادة التخرج ، السجل الدراسي )
2- اعتمادها من قبلهم وكذلك الاحتفاظ بملف خاص بك لديهم في حالة رغبتك بأرسال سجلك الدراسي
لاي جهة تود التقدم لها يطلب منك الاتصال بهم او التواصل معهم عند طريق الموقع الخاص بهم
3- فتح حساب خاص لك في الموقع بأسمك وتوفير رقم سري يمكنك تتطلع على جميع مستنداتك ومراسلتهم
في حالة طلب الارسال لجهة معنية او لبريدك الخاص.
4- يفيدك هذا التقيم لتقدم لدراسة او الرخص العملية للاطباء وغيرهم اصحاب التخصصات التي تحتاج رخص دولية
العمل او التطبيق في بعض الجهات الخاصة في كندا.

هذا هو الموقع :

World Education Services - International Education Intelligence


فهل هناك اي مجرب؟؟ او لديه معلومة اكيدة بخصوصه؟

و ارجو انت تعم الفائدة للجميع

السلام عليكم

أخي لوكنت ناوي تدرس ماستر أو دكتورا في أمريكا ننصحك انك ترسل اوراقك وإنت قاعد في ليبيا لهذه الشركة لأن 90% من الجامعات تشترط على الطالب الأجنبي انه ىايعادل كشق درجاته عندها هدا من ناحية ومن ناحية اخرى هيا صحيح غاليه شوية بس فعلا توفر عليك الوقت والمجهود هلبا لأنها بكبسة زر (وفلوس طبعا !) تقرير المعادله مع ظرف مختوم يحتوي على كشف درجاتك مصدق من عندهم ايكونو في مكتب القبول بالجامعة وفي الوثت اللي تبيه انت. بالمقارنة بالطريقة العادية الجامعات حتطلب منك ان جامعتك ترسل الاوراق من ليبيا وهذا في حالة انك تبي اتقدم لأكقر من جامعة حياخد منك وثت طويل ومكلف هلبا لأن بالدي اتش إل من ليبيا الظرف ايكلف 115 دينار وياخد اسبوع مع العلم انك مازال تحتاج لإرسال تقرير المعادلة في حالة اخترت شركة تانية وهدا حتى هوا ايكلف وقت وتقريبا منن 10 -20دولار بالإظافة الى أنه كل من كشف الدرجات والتقرير حيوصل بروخة للجامعة وخذا ايضا نش عملي لأنه حياخد وقت باش يتجمعو في مكتب القبول بالجامعة . لذلك ننصحك بالWES لأن حتى تقريرها محدوم بإحتراف ,, والأهم من كل اللي ذكرته هوا ان الWESتراعي في طبيعة التعليم العالي لكل دوله ففي ليبيا مثلا معظم الطلبة في الجامعات نادرا ما يتجاوزو ال85 % أما في تايوان مثلا هادي الطالب ايجيب 99.9% مش لأنه أدكى لكن هذا نظام اسئلتهم في الإمتحانات ونظام تعليمهم كل هذا ايحطو فيه في عين الإعتبار لما ايعادلولك شهادتك .

اسف لوجود بعض الأخطاء المطبعية لأن الكيبورد اللي عندي مش مكتوب عليه بالعربي

و لا يهمك يا اخ عماد و بارك الله فيك على ردك و انشاء الله في ميزان اعمالك
انا ناوي ندرس ماستر في كندا زعما الموقع هذا يقدم في خدمات بالنسبة لكندا؟؟