محتارة ساعدوني

السلام عليكم
اخواني واخواتي انا عندي ايفاد دكتورا في تقنية المعلومات ، ونبي نمشي لكندا بس الناس خوفوني هلبة، قالولي غالية هلبة واغلى من بريطانيا ، والدراسة صعبة صعبة هلبة والقبول الاكاديمي صعب، وقالو ليبين هلبة مشو وما قدروش وغيرو الساحة، ارجوكم يا ريت تساعدوني وتشجعوني لاني خاطري بكندا بس خايفة .
ارجو المشاركة برحمة والديكم

لا تحتاري أختي نحن في الخدمة بخبرتنا المتواضعة
كندا غالية بالفعل بس مش أغلى من بريطانيا وما هي غالية هلبة وتسدك المنحة وتزيد وتقدري حتى توفري لو عرفتي كيف تصرفي فلوس المنحة أهم شيء كيف ما علمنا الإسلام الإقتصاد في كل شي وتمشي الأمور
بخصوص القبول الموضوع ف جامعات قبولها صعب بس مش مستحيلعىالعكس القبول في كندا أسهل من امريكا اهم شي تشوفي شن شروط الجامعة والباقي توفيق من الله
والدراسة اكيد في كل مكان صعبة لان احني الليبيين كان منهجنا تلقيني يعني التعب ع المدرس ولكن اهني التعب والبحث عليك انتي ولكل مجتهد نصيب
أخيرا وليس آخرا صلي استخارة ومن استخار الله ما ضل
وربي يوفقك ويهديك للخير ويهدي الجميع

اختي حنان شكرا بس ممكن نتواصل معاك بشكل شخصي يعني ممكن نبعتيلي ايميلك

اكيد ادللي اختي وربي يقدرني نجاوبك على أسئلتك ونساعدك

باهي اوخيتي ممكن تبعتيلي الايميل

أرسلته يا أختي في رسالة خاصة

اختي شكرا بعتلك رسالة خاصة حتى انا

موفقة اختي كلثوم وبارك الله في اختنا حنان كفت و وفت

في اعتقادي المنحة لن تكون مشكلة كبيرة ويمكن تقتصدي وتعيشي حياة بسيطة واهم شي ء التحصيل العلمي ^_^

باهي هل صحيح الدراسة بكندا اصعب بكتير من بريطانيا

dentist2009 كتب:

موفقة اختي كلثوم وبارك الله في اختنا حنان كفت و وفت

^_^

شكرا يا خوي على مرورك وربي يبارك في عمرك وفي الجميع.

أم كلثوم كتب:

باهي هل صحيح الدراسة بكندا اصعب بكتير من بريطانيا

اختي ام كلثوم عليك ان تعلمي انه كلما كانت الدراسة اصعب كلما كان التحصيل العلمي والاجتهاد اكثر .... يعني بعد ما تكملي دراستك وترجعي باذن الله لبلادك تكوني معبية مكانك وفاهمة تخصصك كويس

اما بالنسبة لايهما اصعب في الدراسة فالله اعلم

موفقة باذن الله

انا ممكن نمشي لبلاد تكون الدراسة فيها سهلة جدا ومرات ندير بحث من غير امتحانات و نرجع دماغي فاضي
ولكن لو مشيت لمكان فيه الدراسة صعبة حنكون مجتهد ونحاول ندرس اكثر حتى ننجح

هذا هو الفرق