ثلاثة يتمناهم الليبيين: السكن في طرابلس ... والعلاج في تونس ... والوصول لسن التقاعد.

ثلاثة ما تحلمش بيهم : السفر للسياحة ... وتصيف مع عايلتك ... وكأس العالم في ليبيا.

ثلاثة صعب نتخلى عنها : الماء ... والهواء ... والبازين .

ثلاثة لازم نتخلى عليهم : التفنيص ... والتلقيح ... والبني خارج المخطط .

ثلاثة تسبب الإحباط : الواسطة ... و الديون ... والمنتخب الليبي .

ثلاثة يرفعوا الضغط : الملح ... وزحمة المرور ... والعيل كان عشش .

ثلاثة تسبب الغرور : الفيلا ... والهمر ... وبدلة الحرس البلدي .

ثلاثة مايحبوهمش الليبيين: التعليم ... ****** ... والشبشب المقلوب.

ثلاثة ما يرقدوش الليل : المديون ... والخانب ... وواحد نايضة عليه السوسة .

ثلاثة شبه اختفوا من ليبيا : الدلاع الطويل ... واحترام الشيابين ... والفراشية .

ثلاثة ما تحسش بطعمتهم الا في ليبيا : شاهي العاله... وامبكبة على الحطب ... والبورديم .

ثلاثة تدعو لهم بالهداية : البلعوط ... والمحسدي ... واللي يشجع في نادي

ثلاثة ما تستغربهمش في ليبيا : واحد قاص السريع على رجليه ... وواحد يسوق في الاتجاه المعاكس ... ومتعين وعمره عامين.

ثلاثة تتمنى ما تتصبحش فيهم : سواق افيكو مستعجل ... وطابور طويل في الشيل ... ومدير المدرسة وفي يده عصا.

ثلاثة ما تعرفش أمت تخشلهم : السجن ... والمستشفى ... ومكب القوى العاملة.

ثلاثة ما ليهمش معنى إلا في ليبيا : العسلوز ... والزميطة ... والعصبان .

ثلاثة ربي يفكك منهم : مجاري مفتوحة ... وكلب مطلوق ... ورشادة طايشة .

ثلاثة إيديرو فيهم الليبيين بس : الهروب من الأحمر... والدفال على رأس بمبلي الغاز ... وتنفيض فرشة الماكلة من الروشن.

عدل سابقا من قبل مدير المنتدى في الأربعاء 19 مايو 2010, 11:52 pm عدل 1 مرات (السبب : مخالفة قوانيين المنتدى)