السلام عليكم
السفارة الامريكية تطلب عقد الجواز كأحد المستندات المهمة ادا كان المرافق زوج أو زوجة
ولابد أن يكون مختوم من وزارة الخارجية
ووزارة الخارجية ماتختملكش إلا بعد ما تختم العقد من وزارة العدل
ووزارة العدل ماتختملكش إلا بعد ماتختم العقد من المحكمة العليا
والمحكمة العليا ماتختملكش إلا بعد ما تختملك المحكمة الجزئية
انا إختمته وتعبت فيه لاني امشيت بالعكس ... امشيت للخاريجية قالو لازم وزارة العدل .. امشيت لوزارة العدل قالو لازم من ختم المحاكم
تاني يوم إبديت فيهم من الصبح امشيت للمحكمة الجزئية وبعدين للمحكمة العليا وبعدين وزارة العدل وبعدين للخارجية
إي حد يمشي بالترتيب هدا مش حيتعب ان شاء الله