أسئلة بخصوص مانشستر والدراسة فيها

ahmed attarhoni0381 كتب:

انا سأدرس في معهد بيرلتز مانشستر من عنده معلومة عن المعهد افيدونا افادكم الله

اني نقرا فيه حاليا المعهد متوسط ماجربتش معاهد تانية لكن المعهد هدا متوسط
ومستوى الاستفادة يعتمد ع الاستاد اللي بيجيك وتبي اي معلومة تفضل وان شاء الله انساعدوك

السلام عليكم انا حصلت علي قبول لغة من كبلان في ادنبرة لكن انا مدرتش امتحان اليليس حصلت علي قبول غير مشروط نبي نستفسر امتي المفروض اندير امتحان اليليس لاني الصراحة خايفة بعد 6شهور يقولولي الفيز انتهيت ولازم اتروحي ارجو المساعدة

وعليكم السلام ورحمة الله ...

لو كنتي تقصدي امتحان الآيلتس ، هذا يعتمد عليك أنتي ، بمعنى تقدري تاخذيه في أي وقت ...

بالنسبة للمعهد ،،، حسب ما فهمت من كلامك أنهم عاطيينك قبول تقدري تاخذي بيه تأشيرة طالب زائر ، وفي هذه الحالة لما تنتهي مدة التأشيرة لازم تطلعي من بريطانيا وتقدمي على تاشيرة جديدة من خارجها ، حتى ولو أخذتي امتحان آيلتس وحصلتي درجة كويسة ، لازم تطلعي وتقدمي من جديد ...

أما في حالة خذيتي الآيلتس في ليبيا قبل ما تسافري و حصلتي أقل شئ 4 في كل الفروع ، هنا تقدري تراسلي المعهد باش يعطوك كاس نمبر وتقدري تاخذي بيه تاشيرة تاير 4 ، وهذا النوع من التأشيرة لما تنتهي تقدري تقدمي على تاشيرة جديدة من داخل بريطانيا ومش لازم تطلعي ...

بالتوفيق !!!

علي الليبي كتب:

السلام عليكم الاخت ام عائشه انا الان بمدرسة لغة اخرى بمانشستر و الان 3 الاشهر الاولى مازال فيهم اسبوعين و نبي نغير لمدرسة افضل فعندي خيارين الاول مانشستر اكاديمي اوف انجليش او معهد كابلن فبالله افيدوني اين الافضل ..

اتقدم لك بالاعتذار الشديد عشان مارديتش عليك لاني كنت مسافرة
بخصوص الاول ليس لدي معلومة عليه
ولكن الثاني انا انصح كل شخص عنده الجدية في الدراسة ان يدخل اليه
لانه كل من دخل اليه لاحظ فرق في المستوى الدراسي في المعهد عن المعاهد الاخرى
واكررها كل مرة تعلم اللغة يعتمد على 90 في المية على الطالب
اما 10 في المية فهي تعتمد على المعهد والمدرس

علي الليبي كتب:

السلام عليكم الاخت ام عائشه انا الان بمدرسة لغة اخرى بمانشستر و الان 3 الاشهر الاولى مازال فيهم اسبوعين و نبي نغير لمدرسة افضل فعندي خيارين الاول مانشستر اكاديمي اوف انجليش او معهد كابلن فبالله افيدوني اين الافضل ..

ممكن تقوللنا اسم المعهد اللي تدرس فيه حاليا أو ممكن توة كملت دراستك فيه ورأيك فيه من ناحية الدراسة وليش تبي تغيير عشان يستفيدوا باقي زملائك.

يا اخ احمد انصحك الابتعاد عن معهد بيرلتز انا نقرا فيه حاليا والله معاهدنا فى بنغازى احسن منه مستواه كيف ما قال الاخ متوسط وللاسف يضحكوا على اغلب الطلبه ويضيعولنا فى وقتنا لاننا اول يوم جينا فيه دارولنا امتحان تحديد مستوى وطلع مستوى تقريبا 5 من الطلبه انترميدييت للاسف ان ما عندهمش كلاس لهذا العدد فردونا من الالمنترى وقالولنا اقعدوا هنا اسبوع واحد بعدها حنفتحولكم كلاس جديد الاسبوع الجاى بس لالاسف الاسبوع هذا رابع اسبوع بلا فايده بلاضافه الى كورس ايلتس دخلونا مجموعه فى العشيه وللاسف لقينا المجموعه باديه من اكثر من شهر وبعد ما قلنالهم نبو نبدوا من بدايه الكورس مش فى النهايه فتهزوا علينا وقالولنا ان هى دورة تحضير للايلتس يعنى مش مهم انك تبدا من الاول او الوسط بس اكيد المهم ان الدوله تدفع حقها كلها
وحتى عدد الطلبه كل يوم فى ازدياد يعنى يقولوا ما يقبلوش اكثر من 12 طالب فى الكلاس بس للاسف اضطروا انهم ينقلوا بعض الكلاسات الى مبنى ثانى لكبر عدد الطلبه وفى البدايه قالولنا ان كل كلاس يكمل بعد 6 اسابيع وطلع يكمل بعد 10 الى 12 اسبوع وحتى الكتب عطوها لنا من غير سى دى وجزء السمع مش معتمدين عليه واجد يعنى كل 4 او 5 ايام تسمع فى المحاضره واهم من هذا كله ان المعهد كله ليبيين وسعوديين باستثناء طالب او طالبين اجنبيين فقط فى كل كلاس
واللى واخذ قبول من هذا المعهد يفكر كويس لو يرضى بهذا كله ياخذ منه قبول اما بالنسبه ليا انا والمجموعه اللى معايا كلنا نبو نغيروا المعهد

شكرا ام عائشة على الرد.....المعهد ممتاز هل يعني هذا ان به دورات جيدة للمبتدئين باللغة؟ يعني من الصفر

ما هو افضل معهد لغة في مانشستر

هل هناك مواقع يمكن من خلالها معرفة السكن المتوفر في مانشستر اما مع عائلة او سكن مشترك مع طلبة اخرين؟؟؟؟؟

هل معهد برتليز يدير امتحان تحديد مستوى قبل التحضير لالايلس ارجو الرد باش نعرف شنو ندير

السلام عليكم و رحمة الله و بركاته :
لو سمحتم اريد ان اسأل عن معهد سالفورد لتعليم اللغه الانجليزيه ما مستواه هل هو معتمد , اريد معلومات عن هذا المعهدوو ماهي المعاهد المعنمده في ما نشستر ,اريد اسماء افضل المعاهد الممكن ان اقدم للدراسه فيها

ارجو الرد على رسالتي للضروره و شكراً

المعاهد اللعة في مانشستر هناك نوعين
1- معهد اللغة التابع للجامعة وهذا من شروط التسجيل فيه ان تكون عندك درجة في الايلس لا تقل عن 4 في جميع المحاور
2- معاهد لغة عامة اي لاتتبع اي جامعة و هذه لاتشترط درجة في الايلس
المعاهد النوع الاول في مانشستر متوفر معهد جامعة سالفورد وجامعة مانشستر وجامعة مترو مانشستر
والثلاثة ذات مستوى جيد
النوع الثاني في معاهد كثيرة في مانشستر بس افضلها
معهد مانشستر كولج
معهد مانشستر اكاديمي
معهد كابلن

اما معهد بريتلز ومعهد A2Z فهي ليست بالمستوى المطلوب بسبب عدد الطلبة الليبين الهائل في هذه المعاهد

عدل سابقا من قبل Abu Mohamed في الخميس 06 يونيو 2013, 2:45 am عدل 1 مرات (السبب : تصحيح خطأ مطبعي)

انا ادرس بمعهد a2z وانا حاليا بليبيا علشان تجديد التاشيرة ونفكر نغير المعهد لو لقيت معهد افضل لان العديد من الاخوة مايشكرش في المعهد اللي انا ندرس فيه حاليا بمانشستر . طبعا انا درست فيه وفي اعتقادي ان المعهد كويس واني استفدت منه بس مرات نكون بس لاني ماشفتش افضل منه , ولذلك .....................
انا سمعت من بعض الاعضاء عن معهدين ncm and ef  واتمنى اللي يقدر يقدملي خدمة عن اي معلومة ممكن تفيدني ارجو ذلك المهم يكون بالمهعد فترتين دراسية صباحية ومسائية علشان عندي اطفال وزوجي يقرا معايا ونحنا نتبادلوا عليهم وبارك الله فيكم مسبقاً.

وأخيرا أختنا اعتدال رجعتي للمنتدى بعد غياب ليس بالقصير ،،، افتقدنا مشاركاتك المتميزة ،،، المهم إن شاء الله يكون غيابك خيرا ...

آنستي ونورتي المنتدى من جديد أختنا الكريمة ... وإن شاء الله بالتوفيق لكِ وللجميع ...

اعتدال كتب:

انا ادرس بمعهد a2z وانا حاليا بليبيا علشان تجديد التاشيرة ونفكر نغير المعهد لو لقيت معهد افضل لان العديد من الاخوة مايشكرش في المعهد اللي انا ندرس فيه حاليا بمانشستر . طبعا انا درست فيه وفي اعتقادي ان المعهد كويس واني استفدت منه بس مرات نكون بس لاني ماشفتش افضل منه , ولذلك .....................
انا سمعت من بعض الاعضاء عن معهدين ncm and ef  واتمنى اللي يقدر يقدملي خدمة عن اي معلومة ممكن تفيدني ارجو ذلك المهم يكون بالمهعد فترتين دراسية صباحية ومسائية علشان عندي اطفال وزوجي يقرا معايا ونحنا نتبادلوا عليهم وبارك الله فيكم مسبقاً.

معهد a2z الأقوال متضاربة بشانه وممكن حسب الطالب ولكن الواحد الأفضل يبتعد عن المعهد اللي فيه شك ويوجد معهد كابلان أكثر واحد مشكور في مانشستر حسب كلام الأخت أم عائشة
معهد ef فرع مانشستر غير مشكور من أكثر من طالب.

عدل سابقا من قبل Abu Mohamed في الخميس 14 أغسطس 2014, 1:56 am عدل 1 مرات

السلام عليكم اخواتى الكرام واتمني الله ان يوفق الجميع
انا طالب درست لغة وتحصلت على ايلتس 6.5 وتحصلت على قبول فى جامعة سالفورد بمانشستر تخصص ترجمة ولكن اللى نلقاه ايقولى جامعة ماتصلحش ومدينة منتهية وبايخة
فايريت اللى عنده معلومة اكيدة عن المدينة والجامعة ايقوللنا رايه فيها
وبارك الله فيكم

بارك الله اخي الكريم

السلام عليكم ورحمة الله وكل عام وانتم بخير

ياريت اللي عنده خبرة في السكن في مانشستر يقولي اسامي العمارات الكويسة والنظيفة للسكن فيها والسعر مش مشكلة
اهم شي تكون نظيفة ويفضل انها تكون قريبة ع السنتر يعني في نطاق M1 او M3

موضوع مهم

وعليكم السلام .
اخي الفاضل انا كنت نسكن في منطقة hulme .... m15 في عمارة بها 4 طوابق نظيفة جدا وامنة جدا وفي منطقة راقية وبجوارها كل ماتحتاج اليه ... بها asda مجمع كبير للتسوق مراكز اخرى كبيرة للتسوق وgym  لو انت من هواة الرياضة ومطاعم للاكل الحلال ومحلات الخضار متاع البكستان والاهم الباصات اللي توصل للسنتر باصين على الاقل الباص 85 و 86 بمسافة تستغرق حوالي نصف ساعة بالكثير ايضا المسجد قريب ممكن بالمشي ثلث ساعة والمركز الصحي حتى هو قريب انا كنت نمشيله مشي ... يعني منطقة ماشاء الله عليها ... ممكن نبعثلك رقم تيلفون صاحب تاكسي سوداني صيق لنا في مانشستر هو اللي لقاها لنا المرة اللي فاتت لو تحب نبعثه لكي مكن يساعدك في ايجاد سكن شبيه وبالمواصفات اللي تحبها بس تعطيه وقت كافي قبل وصولك اسبوع على الاقل بيش يساعدك في الحصول عليه ..................بالتوفيق

بارك الله فيك اختي اعتدال حنزيد اندور في موقع rightmove ولو مالقيتش توا نطلب منك رقم صاحب التاكسي، لانه انفضل السكن اقرب للسنتر لانه مافيش فرق كبير في الاسعار وحنوفر مسافة و وقت في حالة سكنت اقرب للسنتر.