ساحة بريطانيا و العار بوخوصة ........لكم التعليق

نقلا عن احد الاصدقاء في الساحة البريطانية

االسلام عليكم نرجوا منكم نشر الخبر ...الشرطة الانجليزية في شيفلد قامت باحتجاز الملحق الثقافي د عبدالباسط قدور لمدة يومين علي اثر مشادة بينة وبين احد الطلبة فقام مستشارنا الثقافي الوجة الحضاري الي ليبيا الجديدة بطعن مقيم ليبي ناصر النايب بسكين

ادا كان الملحق التقافي استخدم سكين يعني لو حصل هدا مع الملحق العسكري سوف يستخدم 5ز14

مع انني اشك في صدقية الخبر مع احترامي للكاتب

يا عيني يا عيني هدوما وجه البلاد وهكي جهل وتخلف .... الصبر وبس

بالله كم عمره وشن مؤهلاته هادا الشخص ؟؟

اخي العزيز

كلامك كبير واجد لو المعلومة صحيحة والعهدة علي الراوي اتمناء ان تذكر المصدر هل شفته في جريدة او الاخبار الانجليزية عندهم عطيناء الرابط امتاعهم نبوا انشوفوا او انتاكدوا

يا والله حالة وخلاص ...هذا الملحق الثقافي في أعظم عواصم العالم

بو خوصة يا ملحقنا الثقافي .... عليك حشمة وخلاص

انا تلاقيت مع الدكتور عبدالباسط قدور,, الحقيقه انسان رائع و قائم بمهامه و يحاول قدر الامكان مساعدة الطلبة.. الحرب الاعلامية التي تشن عليه في الغالب انها من الطلبة الفشله الذي تعثرت مصالحهم بعد تعيينه الدكتور قدور بالقسم الثقافي

ليش شرطة شيفلد هي اللي مسكت المستشار ومش شرطة لندن مع ان مقر عمل المستشار الثقافي في لندن وشيفلد تبعد عن لندن تقريبا اذا قاعد انتفكر كويس مش اقل من 4 ساعات بالقطار .
من جهة اخرى المشادة بينه وبين طالب و بعدين الخبر يقول ان المستشار ضرب مقيم ليبي معاش فهمت شنو المستشار يتعارك مع واحد ويضرب الثاني ولا كيف.

هذا مجرد تحليل مني فقط لا اكثر ولا اقل

الرجاء من الأخوة اللى يحطو فى تعليقات سلبية ينتظرو لين يتم تأكيد الخبر ، خصوصا أن الخبر المنشور فى هذه الصفحة بدون أى مصدر .

يستاهلوا ويتحملوا مايجيهم
باش مرة تانية يعرفوا من يحطوا
ويعرفوا من الطالب الي يستحق الايفاد

بسم الله الرحمن الرحيم (اذا جائكم فاسق بنبأ فتبينو ان تصيبو قوما بجهالة فتصبحو علي مافعلتم نادمون) مع احترامي للاخ اللي نشر الخبر المفروض يتاكد الاول لان اذا الخير موش صحيح والمعلومات ماهيش دقيقة فبصراحة انا تعتبر ان اللي نشر الخبر يدعو للفتنة ونحن في مرحلة حرجة قاعدين انلملم في جراح الليبيين والسيد اللي كتب الخبر انحس انه بدل مايكون زعلان كلامه في شماته الرجاء التاكد والله المستعان

من طرف jamila tobruk ا الرد علي الموضوع انا صاحب الخبر زمتاكد منه 100% والي عنده اي واحد يقراء يسل ولو انا طلعت متاع فتن حا نتحاسب علية امام الله قبل الناس ......وبعدين انا شنو مصلحتي بنكدب ..طالب دكتوراء ...وشكرااا

ربي يهدي الجميع,,,,,,,ويطيب القلوب,,,,,ويزرع المحبه بين الليبين اميييييييييين

الدكتور قدور جد طيب و يحاول ديما يساعد الطلبه و يكون في صفه و لكن عيبه انه عصبي و من ابسط الاسباب يفقد السيطره على روحه.........