افيدونا """ بالله شنو نرفعوا معانا لبريطانيا

أختي nona75 شمال بريطانيا معناها ولاية اسكتلاندا من حيث التعامل هم افضل ناس في معاملة الغريب مثلنا نحن على مستوى العالم حيث ان معاملتهم للأسف تفوق بدرجات عالية معاملة المسلمين من جميع نواحي الحياة فمعاملتهم للأخر اسلامية رغم انهم ملحدين و مسيحيين بالأسم فقط و عيب اسكتلندا أنها بعيدة على لندن أي بعيدة على السفارة الليبية, و من حيث الأشياء التي يجب رفعها فكل شيء موجود في بريطانيا ما عدا الملابس النسائية ذات الطابع الأسلامي مثل الجلابية و غير ذلك هذا اذا كنتي تلبسي ملابس اسلامية ليبية و نوصي برفع براد الشاي و الطنجرة و الكسكاس فقط بمعنى عند السفر المفروض شنطة واحدة تكفي لجميع احتياجات السفر وشكرا

اختي كل شي موجود في بريطانيا ما تجيبيش معاك الا الملابس تجنبي الروائح و معجون الاسنان و اي مواد سائله لانهم ممنوعات في المطار.. بالنسبه للتعامل,, كل واحد في حاله.. جو قرايه يعني, الاجتماعيات خليها وراك في ليبيا.. ما عندك ما اديري بيها هني...

السلام عليكم اختى نونا انتى كاتبة بورموث يعنى مش اسكتلندا
وبالنسبة للكساس فى محلات فيهن على 3 ادوار ماهى مشكلة واللباس الاسلامى فى نوتنغهام محل خاص بلباس الحجاب الباقى متوفر الشى الوحيد كجو هو الحرارات بالذات الكمون حوت وبقية الحرارات متوفرة مافيش مشكلة والمعاملة صدقينى من واقع تجربة شخصية ربى يهديهم لااسلام لانهم ماشين زى ماذكر الله ولكم دينكم ولى دين هم يحترموا الانسان بغض النظر عن دينه فانتى خليك مثال صحيح لعل الله يهدى على يدك يارب والله ولى التوفيق

اول مرة بنمشوا لبريطانيا وما عندنا من بنسلوا سوالي شن نشيلوا معانا من ليبيا اي يكون في ليبيا ارخص بهلبة
على سبيل المثال
جهاز لاب توب
جهاز play station للاطفال
ماكنة حلاقة
ملابس شتوية او صفية وملابس اطفال

وغيرها

الف مبروك حصلتوا الفيزا فيدونا الله يباركلكم وهل من تونس او من هنا الرجاء الرد
عندي صاحبتي في بريطانيا وتقول هاتلقي الرخيص والغالي في المحلات اهم شيء تلاقي حد يدلك عليهن وارفعوا السترات نقصد~ البالطوات والجابوتيات ~لكل واحد منكم بيش حتى لوكان الجو بارد معك ماتلبسه لتدفء
والمهم كل ماخف اسهل لتنقل خاصة كان معكم صغار

والله ما قصرتم يا اخوان بارك الله فيكم للعلم اني معي لاب توب ولكت للفائدة حبيت نذكره
بنتي بنشريلها play station لكن قلتلها ممكن بريطانيا ارخص فحبيت نستفسر

بالنسبة لتاشيرة خديتها من تونس وكلفتني هلبة الحق لاني صاحب عايلة
حاليا اني مقيم في طرابلس
ومشكورين

libi كتب:

والله ما قصرتم يا اخوان بارك الله فيكم للعلم اني معي لاب توب ولكت للفائدة حبيت نذكره
بنتي بنشريلها play station لكن قلتلها ممكن بريطانيا ارخص فحبيت نستفسر

بالنسبة لتاشيرة خديتها من تونس وكلفتني هلبة الحق لاني صاحب عايلة
حاليا اني مقيم في طرابلس
ومشكورين

بارك الله فيك و بالتوفيق الكامل

كنت نبحث على موفد من بنغازي نبعث معاه ظرف يحطه في البريد لما يوصل

اهم حاجة تكثر من الزميطة والتمر هههههههههه
مزحة بس يا خوي
بس انا والله مستاحش اكل ليبيا ههههههههه

libi كتب:

اول مرة بنمشوا لبريطانيا وما عندنا من بنسلوا سوالي شن نشيلوا معانا من ليبيا اي يكون في ليبيا ارخص بهلبة
على سبيل المثال
جهاز لاب توب
جهاز play station للاطفال
ماكنة حلاقة
ملابس شتوية او صفية وملابس اطفال

وغيرها

لو اني مكانك مانجيبش شي من الاخير مع احترامي لاراك الاعضاء و ردودهم الجميله...كل شي متوفر هنا!!!! نورت بريطانيا

كل شئ متوفر وماتعبش روحك تقعد تجيب فى البطاعة تعالى خفيف وتوصل بلسلامة

فيه محلات لناس عرب وباكستان وهنود رخيصة هلبة
بس الفترة الأولى ممكن تأخد شويه وقت عشان تعرف بس بعد ذلك تمشى أمورك 100%
والله عندى زميطة لليوم ماكلت منها حاجة واجعتنى نعمة حرام تتلوح

انا مع الاخوة اللي قالوا ماتجيب شئ
حتى الدبش ماتجيب شئ معاك الا شوية شوية شوية
انا مشيت قبل الاحداث لبريطانيا و رفعت معاي شنطتين ملابس ما استخدمت منهم شئ
وكل شئ متوفر وفي الغالي و الرخيص و تلقى محلات الباكستان والحلال موفرين كل شئ

اللي عنده مكان في الشنطة ويبي يدير ساتالايات يقدر يجيب معاه ريسيفر Receiver (لأنه صغير وخفيف) ومعاه البراربم اللي يركبن في طرفي الخيط (التومة الليت ركب في الصحن والثانية اللي تركب في الجهاز) خير مايقعد يدور بعدين.

عدل سابقا من قبل ِAbu Mohamed في الأربعاء 07 نوفمبر 2012, 12:23 am عدل 1 مرات

بالله با ابو محمد توا شن الجو غادي يعني الواحد يجي لابس شتوي او عادي سبورت افيدنا بالله

ياااااااااااااااانا علي لكن جو الشتاء يهبببببببببببل

وخاصة والواحد يتفرج على مباريات الدوري الانجليزي لايف مع الثلج......حاجة من لخير

عدل سابقا من قبل محمد كراخلي في الأربعاء 07 نوفمبر 2012, 12:43 am عدل 1 مرات

خود معاك قواميس انجليزي عربي عشان تساعدك

محمد الكراخلي وابن رشد جيبو غرابيل كسكسي وتعلمو البرم ...ههههه.....
مبارك التفويض وبالتوفيق يارب

هيا المكرونه والشاهي ليا شهر واني نجرب ونغلط قريب 3اسطوانات غاز كملتهم وقعده تجي ملخبطه هههههههههه لابال كسكسي وكسكاس..... الله غالب علينا نمشيها على السندوتشات وفي رمضان نخلطوا على واحد متزوج نحصلوا منه مانفطروا

اوو شتي معناها الواحد يجيب العبي الشخمه يوتيها ويطلعها

زعمك نحصلوا وين نحطوها في الشنطه

محمد كراخلي كتب:

هيا المكرونه والشاهي ليا شهر واني نجرب ونغلط قريب 3اسطوانات غاز كملتهم وقعده تجي ملخبطه هههههههههه لابال كسكسي وكسكاس..... الله غالب علينا نمشيها على السندوتشات وفي رمضان نخلطوا على واحد متزوج نحصلوا منه مانفطروا

والله بجديات ننصحك يامحمد تتعلم شوية لان بره الاكل الليبي يجي في الخاطر

عندي خوي قعد فترة مسافر وهو حتى الدحية مايعرفش يقليها...... لين طيحه ربي في واحد ليبي

علمه الكسكسي مشي ماصدق داره 3 ايام في جرة بعض..... قال رابع يوم خليته بكسكاسه