الاكلة المعجزة!!!!!!!!!

اختنا لوزااااااا تستحق كل خير وربى يبارك فيها
باهى كم تبى قيمه الزلوف اتكون اكتبيها لنا فى الكرت(ماتعليش القيمه واجد)
اكيد يوم الفرح مانبوش نكد

يالارا انا مانبي انثقل علي حد..(لا يكلف الله نفسا الا وسعها)
يعني عينك ميزانك,,,,,شوفي انت حق القاعه توه وصل لكم
زيدي عليها اجار الفيلو وصل لكم ,,,,,,ومرات نشريه جديد
وحطي عليها هدية ذهب ل(حماتي) ان شالله تكون حيه بس
وكان طلع عندي صبيات وااااااجدات معناها نفلس رسمي,,,,

كيف نكتبها في الكرت,,,,,,نبيه الزلوف قبل الكروت كنك يالارا

بس انت يالارا معامله خاصة,,تخفيضات,,,تو انقولك كم تجيبي علي الخاص

ههههههههههههههههه انت ما يغلى عليك غالى مرتبى كله فداك
خلاص انا المسؤوله عن جمع التبرعات قصدى الزلوف من المعازيم وانحاول نعطيهن لكى قبل الفرح باسبوع عشان اتأجرى به الفيلوووووو واتوتى بيه الخالوط
تحياتى لك يا احلى لوزااااااااااااااا

Inception كتب:

امة الله كتب:

اختي لوزا انت اللي معجزة ^_^... ماشاء الله على خفة الظل....ومن يقترن بك سيكون من المحظوظين..... وفقك الله وحفظك من كل سؤ

صدقتِ أمة الله، من هو اللي يحصل وحدة زي لوزا و ما يكونش سعيد؟

بصراحة أمة الله اي موضوع تشاركي فيه يزيد ينوّر و يزيد عدد الوات (Watts) فيه

بارك الله فيكم اخي Inception
في الحقيقة انتم من لهم بصمة واضحة بمشاركاتك القيمة بالمنتدى

dentist2009 كتب:

تي شن هي الحلوة ربي يهديك هو انا غير قريت مكونات الاكلة بطني و جعتني و جاني مغص
ماك تقولي ديروا عصيدة وخلاص

هههههه ،،، حتى الجـاهز ما عندك فيه ما تقووول ،، اني سنة و 4شهووور ع الجـاهز ،، وماشية الامور ولله الحمد

مالقوش في الورد عيب,,,,,,,قالوا احمر الوردين....

كنت نبي انساعد انا خوتنا الموفدين العزاب,,,,,,بس بعد الاحباط الواضح هذا
خلاص نحتفظ بمواهبي لنفسي,,,,,,,وخليكم علي التن والجاهز, ,,,

كل مانبي انغير نظرتي فيكم,,,,,ما ايسير شئ بكل

لالالالالالالالالالالالالا ارجوك اختى لوزااااااااااا انتى الكل فى الكل خليكى قاعده واعطينا من خبراتك ومهاراتك العظيمه
تحياتى لك اختى لوزااااااااااااااااا

لارا,,,,,,لوزا تبهدلت بكل في المنتدي هذا,,,,وانت بروحك شايفه
كاتبه صفحه كامله علي الاكله,,,,,وبعدها اخي الوحيشي,,,قالك الجاهز خير

يعني كان ما ساعدنش نطلعوا بايرات حايرات,,,,,,وكان ساعدنا,,,يحبطوك

هذا الليبي,,,,,ماتفهمش شن المطلوب منك بالزبط,,,,,,

والله يالارا قاعده في المنتدي عشان خاطرك انت بس,,,,,

عادى انتى تقدمى فى خدمه انسانيه لبعض الموفدين الرقاده ارياح الى يبى يستفيد اهلا وسهلا والى مايبيش يستفيد يقرأالموضوع وبدون تعليق
مااتخليش حد يحبط معنوياتك الى الامام وان شاء الله ربى يوفقك
ان شاء الله ورقه الدعم المالى اتجيك عن قريب
تحياتى لك اختى العزيزه لوزاااااااااا كلك ذوق وما قصرتى

خلاص لارا عشان خاطرك انت بس,,,,,نستمر في المنتدي,,,,

والموضوع القادم,,,,ان شاء الله علي طريقة عمل الزميته,,,,,


عدل سابقا من قبل لوزا في الجمعة 04 مايو 2012, 5:44 pm عدل 1 مرات (السبب : عفسة مش مقصوده,,,)

تمام ميه فى الميه ومنك نستفيد يا لوزتنا العظيمه
موفقه

ههههههههههههههههههههههههههههههههههههه
ضحكتني,,,,,بس حتي حسيت ان تم نسف كثير من اللوز في يوم الجمعه
والله معش عرفنا شن نبيوا انديروا,,,القصف من كل مكان,,,,اربي جي و14.5
وكلاشن كوف.....الفيبله قريب تنقرض,,,,,,الان نحاولوا نزرعوا في سلالات لوزية
جديده عشان نعوضوا الفاقد,,,,,ههههههههههههههههههه

لوزا كتب:

مالقوش في الورد عيب,,,,,,,قالوا احمر الوردين....

كنت نبي انساعد انا خوتنا الموفدين العزاب,,,,,,بس بعد الاحباط الواضح هذا
خلاص نحتفظ بمواهبي لنفسي,,,,,,,وخليكم علي التن والجاهز, ,,,

كل مانبي انغير نظرتي فيكم,,,,,ما ايسير شئ بكل

ما تحرمينـاش منك ومن إبداعـاتك المكتوبة والمقروءة ،،، اني مشاركتي للمزأح فقط ،، لأني من النوعيـة اللي ما يحبش يدخل للمطبخ إلا للأكل أو التمشيـــط فقط

اخ وحيشي,,,,,,,,,سامحتك,,,,,معش تعاودها,,,,هذي اخر مره
وقد اعذر من انذر,,,,,,,,,,ههههههههههههههههههههههههههههه

لوزا معصيه ههههههههههههههههه

لحظه شويه اخي الوحيشي....(ما تحرمينـاش منك ومن إبداعـاتك المكتوبة والمقروءة )

شن الفررررررررررق بين المقروءة والمكتوبه؟؟؟؟؟؟؟ هذا نحو جديد

لوزا كتب:

لحظه شويه اخي الوحيشي....(ما تحرمينـاش منك ومن إبداعـاتك المكتوبة والمقروءة )

شن الفررررررررررق بين المقروءة والمكتوبه؟؟؟؟؟؟؟ هذا نحو جديد

فلسفـــة ،، مش نحوو ،،،، ههه ،، هدا توكيد للتأكــيد ،، هههههه

صح انا تخصصي مش عربي وقريت في الجامعه بلانجليزي

بس في ثاثة ثانوي(اخر سنه في العامه),,,,,خذيت شهادة تقدير في النحو
وخذيت شهادة تكريم,,,,في المدرسه والجامعه,,,,لانني نكتب في الشعر بالفصحي
ولانني حافظه القران,,,,,,لذلك اي حد يغلط في النحو ياوووووووويله مني


ههههههههههههههههههههههههههههههههههه,,,,,لوزا معصية

لوزا كتب:

صح انا تخصصي مش عربي وقريت في الجامعه بلانجليزي

بس في ثاثة ثانوي(اخر سنه في العامه),,,,,خذيت شهادة تقدير في النحو
وخذيت شهادة تكريم,,,,في المدرسه والجامعه,,,,لانني نكتب في الشعر بالفصحي
ولانني حافظه القران,,,,,,لذلك اي حد يغلط في النحو ياوووووووويله مني
ههههههههههههههههههههههههههههههههههه,,,,,لوزا معصية

ههه اني الحمد لله عندي ماستر في النحو ،، هه ردي بـالك ،،، وربي يحفظك وينورك بالقرآآن ،،،
ههه قالون وإلا حفص ؟؟؟

روية حفص عن عاصم

علي فكرة كلمة لوزا,,,,في اللغه العربيه اصلها لوزة,,,,,مش الف ههههههههههههههههههههههههههههههههههههه

لوزا كتب:

ولانني حافظه القران,,,,,,لذلك اي حد يغلط في النحو ياوووووووويله مني

تقريبــا لا يجوز نحويـا ان تقولي لأنني هههه ، بالاحمر

ههههههههههههههههههههههههههههههههههه عندك حق صح بس انا كتبتها باللهجه البنغازيه هههههههههههههههههههههههه
نكتبوها بلغة الضاد: لأنني......أنا أتقبل الأنتقاد بصدر رحب ,,,,وبإبتسامة كرست

لوزا كتب:

ههههههههههههههههههههههههههههههههههه عندك حق صح بس انا كتبتها باللهجه البنغازيه هههههههههههههههههههههههه
نكتبوها بلغة الضاد: لأنني......أنا أتقبل الأنتقاد بصدر رحب ,,,,وبإبتسامة كرست

حتى اني بمزحـــة انتقدت ــ أصلا احني في مطبخ ،،، مش في محاضرة ولا حتى مدرسـة ،،، صح مطبخ وإن كانت العزومـة هي صبر روحـك وتعشـى بالصبر ــــ

كنا كويسين خويا الوحيشي,,,,,,,شكلهم حسدونا

كان الاكله هذي مش تمام,,,,,خلاص قلنا الاكله الجايه زميته,,,وانا بصراحه شاطره فيها

عدل سابقا من قبل لوزا في الجمعة 04 مايو 2012, 11:50 pm عدل 1 مرات (السبب : مانبوش الوحيشي يحرجنا مع اي حرف)

وينك يا لوزا وين اكلاتك امرايفين عليها واجددددددددددد
تحياتى لك ولكل اعضاء المنتدى