تجاوزات من قبل مدير ادارة البعثات الطاهر بن طاهر

رَبْي لآ تَجْعَلنِي ألْقِي بِكَلِمآت !.,,~تؤلم قُلوب مَن حَولي دُون عِلْمي .!

hanan_canada كتب:

محمد لاصيبعي كتب:

hanan_canada كتب:

محمد لاصيبعي كتب:

akabsalem

ما تخافش,, مدة قصيره و تنتهي المركزيه .. ما فيش حد يبي اي مدينه في ليبيا تقعد مهمشة.. ما تنساش ان الثورة ما ليهاش اكثر من 7 شهور تامه,, اصبر شوي و الخير القدام..

أنا نهنيك على تفاؤلك بس الحق تفاؤلك اكثر من اللازم لأن الوضع غير طبيعي في ليبيا والتهميش مازال موجود بقوة بالعكس أصبح التهميش على مستوى القبائل مش المدن بس وفترة 7 شهور مش شوية لو كل واحد دار اللي عليه كانت كافية لفعل الكثير ولتصحيح الكثير
والصبر مايداوي جرح........امغير عذر داروه العرب

كلامك صحيح اختي حنان لو ان ليبيا كانت مستقره امنيا.. بالله عليك البلاد اكلها سلاح و ميليشيات و انت تتكلمي على حل مشاكل المركزيه و التهميش؟ فيه حاجه اسمها اولويات يا عالم... التهميش هذا غير ممنهج و يعتبر من تركات النظام السابق و حل هذه المشكلة الاداريه يستلزم تغييرات جذرية في الكثير من الامور منها تحديث و تطوير مؤسسات الدولة و تدريب الموظفين على الانظمه الحديثه كالمنظومة الالكترونيه و و و ... الصبر جميل

خوي انا وغيري من الطلبة مش طالبين حل مشاكل المركزيه و التهميش في يوم بس 7 شهور كانو كافيات ايديرو رقم ارضي خاص للبعثات وهذا أضعف الايمان
يعني قداش يبو سنة لتطوير مؤسسات الدولة و تدريب الموظفين على الانظمه الحديثه كالمنظومة الالكترونيه و و ...؟؟؟؟؟
والصبر زين وشين .......عليه ياعين لوكان تقدري

اني طرحت السؤال هذا على مدير تنفيذي في الاداره ,, قتله علاش ما يتم الاستعانه بمنظومة الكترونيه لتسهيل الاجراءات على الطالب .. قالي هو اني باش نبعث ايميل مرات نبي 3 ساعات و النت يقعد مرات مفصول ب3 ايام.. و الموظفين مش مهيئن للخدمه عليها .. فعيوب استخدام المظومه الالكترونيه في الوقت الحالي اكثر من ميزاتها..

اخ عقاب بالفعل كلماتك جرحتني,,,,,,,لكن مفش بين الخوت حساسية


ربي يوفقك ويفتحها عليك,,,,,


اختك لوزا

akabsalem كتب:

رَبْي لآ تَجْعَلنِي ألْقِي بِكَلِمآت !.,,~تؤلم قُلوب مَن حَولي دُون عِلْمي .!

اخي انت انسان كبير كبير بارك الله فيك
في الليلة الظلماء يفتقد البدر
كثر الله من امثالك

ياناس شوفوا وزاره الكهرباء ناس تشتغل بصمت وتقوم بعملها على اكمل وجه ومشكله الكهرباء انحلت فى ليبيا خلال اقل من 7 شهور مش قرارات ترجى فى مراجعه وتوقيع

صدقونى فى ناس تشتغل فى اداره البعثات موجود فى المنتدى وتقوم بالدفاع عن السيد بن طاهر الذى جعل اداره البعثات كل يوم من سئ الى اسوء وكذلك اشخاص تقوم بالدفاع عن وزير التعليم

يا السيد بن طاهر ويا السيد الغريانى خذوا عبره من الناس اللى تشتغل

شن جاب وزارة التعليم الى وزارة الكهرباء؟ مشاكل وزارة الكهرباء هي مشاكل تقنيه,, و حل هذه المشاكل لا يحتاج الكثير..بينما مشاكل التعليم تعتبر جد معقده ...

صدق من قال لك اعتقد انك تتحدث عن اداره البعثات فى الامارات وكان كل شئ على مايرام

ونقولك حاجه ياخوى عمل وزاره الكهرباء اصعب بكثير من عمل وزاره التعليم الفرق هو فى الناس اللى تشتغل شوف CV الشخص اللى مسؤول عن الكهرباء وانت توا تقتنع الفرق كبير جدا فى الاداء بين الوزراتين كالفرق بين الثرى والثريا

وعلى فكره وزاره الكهرباء عملت فى اصعب الظروف والان بفضل السياسه الحكيمه اصبحت الان فى بر الامان وياريت نلقوا وزاره التعليم بنفس الاداء شن نبو نحن بس غير ان الامور تمشى تمام

اخوتي الاعزاء..هناك امور بديهية جدا... يعني.... هل من المنطقي ان تهتم ادارة البعثات بارسال رسائل خاصة بالصرف على المرافقين ..اي مرافقي الموفدين ( اخ - اخت -زوج).... وتترك موفد في بلاد غربة بدون راتب لشهور طويلة؟؟؟ هل من المنطقي ان يتم انهاء اجراءات طلبة خلال اسابيع قليلة ( ومنهم من خرج بواسطة اساسا)..وتترك طلبة اخرين لشهور طويلة بدون راتب او تأمين صحي او منحة كتب.؟؟... بل هل من المنطقي ان ينتظر الانسان حقه لأشهر طويلة ولا يراه سوى في الاحلام والأماني؟؟؟..... هل وهل وهل... بصراحة اذا كان العمل يسير بهذا الشكل...فتبا وسحقا لهذا العمل... وليذهب التعليم العالي والابداع الي الجحيم... وكفانا تعليق اخطاؤنا على شماعة النظام السابق والفلول ....

malbegetea كتب:

صدق من قال لك اعتقد انك تتحدث عن اداره البعثات فى الامارات وكان كل شئ على مايرام

ونقولك حاجه ياخوى عمل وزاره الكهرباء اصعب بكثير من عمل وزاره التعليم الفرق هو فى الناس اللى تشتغل شوف CV الشخص اللى مسؤول عن الكهرباء وانت توا تقتنع الفرق كبير جدا فى الاداء بين الوزراتين كالفرق بين الثرى والثريا

وعلى فكره وزاره الكهرباء عملت فى اصعب الظروف والان بفضل السياسه الحكيمه اصبحت الان فى بر الامان وياريت نلقوا وزاره التعليم بنفس الاداء شن نبو نحن بس غير ان الامور تمشى تمام

كانها ب CV الي ماسك وزارة التعليم العالي توا قايل على روحه انه عالم نووي ... الوزاره جت لقت قدامها قرارات بحوالي 7 الاف موفد و اشياء غامضه فمن الطبيعي تاخذ الوزراه بعض الوقت في تمحيص و فرز هذه القرارات.. على المستوى الشخصي ارى ان الوزاره قائمه بواجبها بشكل جيد اذا ما اخذنا الظروف الحاليه في ليبيا و كذلك التركه العظيمه التي وجدتها الوزاره امامها... المشكله في العقليه الليبيه الي تبي كل شي في يوم.. حاجه اسمها "صبر" مش موجوده في قاموسنا

ان تتعامل مع منظومة تقنية اسهل بكثير من ان تتعامل مع منظومة بشرية وخصوصا من تركة اناركية القذافي ونكران لماهو مالوف وخصوصا اخرى انها مزالت في حالة ثورية ستاخذ وقتا ليس بالقصير لتعود لحالتها الطبيعية عندها سيكون الفكر البشري متقبل لكل ماهو مفيد

اي منظومه و انت عندك موظفين غير مدربين .. حتى الانكليزيه ما عندهم...

محمد لاصيبعي كتب:

اي منظومه و انت عندك موظفين غير مدربين .. حتى الانكليزيه ما عندهم...

يبدو انك لم تفهم قصدي تعقيبي عن المقارنة بين الوازرتين ليس اكثر

germay2 كتب:

ان تتعامل مع منظومة تقنية اسهل بكثير من ان تتعامل مع منظومة بشرية وخصوصا من تركة اناركية القذافي ونكران لماهو مالوف وخصوصا اخرى انها مزالت في حالة ثورية ستاخذ وقتا ليس بالقصير لتعود لحالتها الطبيعية عندها سيكون الفكر البشري متقبل لكل ماهو مفيد

سامحني يا رااس راهو الدماغ رايح

لا تسلم

germay2 كتب:

لا تسلم

على فكرة برنامج السميولينك لشنو اللى في اللوقو

predictive control

I am using it for a medical application
it can be however used for a wide range of other applications,
e.g robotics,newable energy, aerospace....etc

of course you can, it is just like any other controllers like PID and fuzzy
controllers

تسلمي يالوزا و ان شاءالله موفقة واتمنى للجميع التوفيق في حياتهم العلمية والعملية وان شاءالله كل الشباب الليبي يدرسوا في الخارج عشان خاطر نبنوا البلاد وفي اسرع وقت ممكن وننسوا اللي فات ونبدو صفحة جديدة

ياريت ياخوى نبدوا صفحه جديده لان الواحد مل والطموح نزل.
فى نهايه الشهر هذا نخش على 6 سنوات وانا متخرج ونرجى فى الايفاد
ربى يفرج على وعلى باقى الموفدين