بخصوص القرار 54

السلام عليكم ورحمة الله وبركاته
بالامس كنت موجود في ادارة البعثات مع الاستاذ محمد بن غلبون مدير مكتب د,طاهر نظرا لعدم مجئ الدكتور طاهر وتم الاستفسار عن القرار 54 وقال لي ان هذا القرار هو قرار الواسطة لان تم تقديم الملفات اثناء الثورة والشباب الليبي يموتون من صاوريخ الطاغية المقبور ولكن ماهو مهم ان هذا القرار سيتم ان شاءالله العمل عليه وكما قال لي مدير مكتب د . طاهر بأن الناس الموجودين في هذا القرار هم ليبيين وسيتم النظر فيهم بكل تأكيد بدون اي اسثناء وعاشت ليبيا حرة ابية

؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟
؟؟؟؟؟؟؟؟؟؟
وشكرا

الوسطة الوسطة الوسطة هدا كلمة الوحيده التي تقدر تقوله بس عن قرار 54 هل هديم هم بس عندهم الوسطة ان شاء الله انكون نحن 221 طالب بعد ميجمد قرار ينصلح حال البعاث

السلام عليكم،
أنا أحد الأشخاص اللي أسمي وارد في القرار والله وحده عالم أني أمقدم قبل الثورة وأنا من المتفوقين في الدراسة وللعلم القرار أصدر مع باقي القرارات فهل هذا القرار الوحيد اللي فيه واسطات ، وربي عالم أنه لايمكن أنجو وأنقدموا علي منحة ونحن أخوتنا يقتلوا بالعكس ...

كلامك جميل بس يبي من يفهم الله الله هدا حال الدنيا وان شاء الله يفرج علينا

كيف ايقول كلام زى هدا واسطة من؟؟؟...انا مرشحة قداش ليا من قبل التورة...ومع العلم أنا زوجى وخوتى وخوت زوجى من التوار ... ...وهادى هى الواسطة ...مش قلتلكم الراجل هدا(غلبون)مايعرفش يتكلم....حسبى الله ونعم الوكيل ..قاعد يتلاعب بالكلام ويحفر ناقص غير ايقول من أزلام النظام

ياشباب اللي لاحظته من خلال هالصفحة هو الرغبة الكبيرة لدى الاغلبية في الدراسة وانا واحد منهم لذلك وكما قال الزملاء قبلي لاينفع الانتضار وضياع الوقت ولكن المشكلة انا مانعرفو بعضنا لازم نلقو وسيلة نتفاعلو مع بعض ويدينا مع بعض خصوصا ان القرار وضعه مختلف شوي وعلى الاقل يتم اختيار مجموعة لمتابعة الموضوع نيابة عن الاخرين ولا ارى داعي نتعبو اخوانا اللي خارج طرابلس يمكن ان نتابع الموضوع بدلا عنهم لان فيه من يشق عليهم الحظور وفيه عدة عوامل لصالحنا مثل ان القرار الاداري يكتسب حصانة ادارية بمرور 60 يوم كما ذكر في بعض المساهمات واغلبكم يعلم ذلك....اقترح عليكم اختيار مجموعة ممن لديهم الرغبة والوقت لتولى متابعة الموضوع بكل جدية وفي اسرع وقت ..والله الموفق

هدا الكلام كذب كذب محمد غليون والدكتور الطاهر بن الطاهر وجميع الموظفين في إدارة البعثات اكدوا ان جميع القرارات سوف يتم تنفيدها من بينها 54 لان معظم المتقدمين هم غلابة وليسوا واسطات انا سبع سنوات وانا ماشي جاي على البعثات ويطلعلي قرار منح وبعدين تقولي تم الغاء القرار والله السبب الوحيد لاصدار هدا القرارات بتلك الاسماء فى تلك الفترة انه خايفين من ثوران الشباب المظلوم فقامت ادارة البعثات بالتفتيش عن الملفات الموجود طوال السنوات الماضة والمتقدمة بطلبات عديدة والناس المظلومة التى فقدت الامل فى حكومة الوسطات المقبورة، التى قامت بعث جميع اغبياء ليبيا على مر السنوات الماضية، الطلبه الذين لم يشرفوا ليبيا قط الطلبه البزناسة التى تتاجر فى السيارات وغيرها ويقولوا قرار 54 واسطات. علاش الكذب والمزايدات انا قرار 54 وحنطلع غصب عن اي حد وانا حنطلع بفلوسي فلوس ليبيا. والله معانا والله اكبر

اوك اخوتنا انا واحد من الناس نسكن في طرابلس قولونا عل يوم نتلاقو وكيف انديرو شنو الحل اعتصام انخشو لمدير البعتات نفهمو منه انديرو محامي قصدي خشونا في الخطوة الفعلية لعلى ولعسى يجدي نفعنا معاهم ياريت حد ينسق بينا لكنا متحمسين انا نفعلو بس كيف؟

شني الكلام هدا واسطة واسطة هدا اسلوب شخص امتاع ادرة البعدات وتوه معقولة القرار القرار 54 الي فية 221 كلهم بالواسطة وباقي القرارات بدون واسطة

ياشبا ب ارجومنكم وخا صة سكان طرابلس ان تعطونا هواتفكم او تلقو وسيلة كيف نتلاقو ونعرفو بعض ونديرو اي خطوة للامام ..هذا اذا كان الموضوع مازال كيف نتداركوه....

هدا هو الكلام الجميل ياخي مشاكش وحول ان تتعرف علي جماعة في طربلس انتم اقراب الي البعتاث ضروري واعتقد ان فيها الاخ 777 والاخت المتوكلة هم من سكان طربلس وتبنو الموضوع والله لو بعد المسافه والضروف كانت انا الاول واحد

شكرا اخي خالد ولكن قولي كيف طرابلس كلها فيها شخصين بس في القرار ؟؟ انا قلت اقل حاجة نبو 10 اشخاص كويس

انا هديم هلي نعرفهم من طربلس حسب كلامهم

السلام عليكم انى من سكان مدينة طرابلس بس يا اخوانى نخاف نمشي نسال يصير فيا زى ماصرلى المرة اللى فاتت...الموظف يكلم فيا من طرف خشمه الله الستعان وخلاص نسأل فيه انى واختى وهو يقول مازال مازال مازال مازال مازال مازال الله أكبر وخلاص
ووين ماقتله اعطيني عالاقل مدة نجى نسل بعدها لانى نسكن بعيدة عن المقر قالى منقدرش منقدرش منقدرش ربي يفرج وخلاص بس بأدن الله حنمشي ونسال لكن نبي وقفة جادة معاى نبو برنامج يا خوتى نلقطو اكبر عدد من اللى اسمائهم نازل ف لقرار ونمشو نديرو اعتصام غادى بالك يتقو الله فينا حسبي الله ونعم الوكيل

الاعتصامات في الوقت الحالي حتزيد تعرقل اجراءاتكم اكثر.. اضغطوا عليهم بكثرة الاسئله و الاستفسارات و بعون الله ما يصير الا الخير

من وجهة نظر كلام الاخ محمد جميل وعقلاني والمثل يقول كثر الدق يفك اللحام ولهذا نخاطب صوت العقل وزارتنا الموقره ليس كل من في القرار 54 لاتنطبق عليه شروط الدراسه فاأقصد من المثل كثر الدق يفك اللحام ان كثر السؤال ياتي بفائده

انا مرشحة من الهيئة الوظنية للبحت العلمى سنة 2010 واسمى نزل من ضمن أسماء القرار54 ومعاى 2بس اخرين مرشحتهم الهيئة ضمن هدا القرار...وبعتلهم حاليا قرار الترشيح الصادر بحقى...هل حيستتنونى حتى انا و2 اللى معاى أو زعمة حيضيفونا للقرار 64 التابع للهيئة ...بالله من اللى عنده إجابة ايرد عليا...لأنى حاسة انى فى دوامة

راجعي الهيئه و على وجه السرعه و تأكدي انهم بعثوا اسمك للبعثات ..

معناها كل واحد يشقا بروحه.....واللي عنده واسطة يشوفها..والعضم الرقيق الله لاترده...توكلو على الله
قالك بنتعاونوا

اخي محمد هل كل من في قرار 54 يستطيع ان يرجعو البعثات وهل هم يبحتون عن جهة الترشيح والله كيف ادا كان عندك اجابه

واسطه؟ علاش واسطه؟ كلامي كان مقصود منه ان لو الاخت تم ترشيحها من قبل الهيئه الوطنيه للبحث العلمي معناها فرصتها قاعده قائمه في الايفاد لان البعثات قامت بمراسلة الهيئه للتأكد من الاسماء التي تمر ترشيحها.. انا ما نعرفش شن فيها من واسطه الاجراء هدا؟؟

khalid

طبعا لا.. فيه ممن تضمنهم القرار تقديرهم مقبول و هذا يتعارض مع لوائح الايفاد و فيه ايضا من تم تحميل اسمه في هذا القرار.. الناس هدي حسب المسموع سيتم ازالة اسماءها

شكرا ليك أخى محمد وبارك الله فيك ...الهيئة الوطنية للبحت العلمى بعتت إسمى لإدارة البعنان وأكدوا إن ترشيحى جاى منها بس انا تقديرى مقبول؟؟؟؟؟؟؟؟؟؟؟؟؟