استفسار عن الاجازة من جهة العمل لغرض التفويض المالي

اولا السلام عليكم

انا احد الموفدين بالقرار الاوائل لسنة 2008 2009 القرار رقم 502 بالله انا نبي نستفسر علي موضوع الاجازة من جهة العمل وهي احد المستندات المطلوب في التفويض المالي. انا عندي فيه مشكلة لان انا نشتغل حاليا في شركة نفطية يعني ما نتبعش التعليم العالي و بالمختصر الشركة وعلى حسب علمي لاتمنح اجازة لغرض الايفاد لموظف يتبعها لانه عنده ايفاد من جهة خارج الشركة او قطاع النفط . فالدالك شن الحل لمن مر بنفس المشكلة او لديه دراية عن الموضوع وهل يمكن انقدم على التفويض المالي من غير هدا المستند؟؟؟؟؟؟؟؟؟؟؟؟؟؟؟؟؟

مشكورين مقدما

هذاك زمان في عصر بوشفشوفة توه غصبا عنهم يعطوك رسالة اخلاء طرف وليس اجازة وتاخذ ربع المرتب حتى اني عندي قرار الاوائل ونخدم في جهة عمل تانية كلمت المدير قالي اكتبي طلب ووقع هو عليه وبيعطوني ربع المرتب انشاء الله

واني اسالت في البعثات اني نقدر انقدم ملف التفويض من غير رسالة اخلاء الطرف لانها تاخد وقت وبعدين نعطيهالهم قالي مشرف قسم التفويضات لا من بيتحمل مسؤليتك بعدين .

باركة الله فيك يا اخت حوحو مشكورة على الرد

والله انا سألت الشخص المسؤول عن ادارة شؤون العاملين فى الشركة قالي مسألة 25 % من المرتب لا تنطبق على شركات النفط لانها تتبع المؤسسة الوطنية للنفط وقالي القانون ليقول يتم صرف ربع المرتب لا ينطبق علينا وسألته على الاجازة بدون راتب قالي صعب هلبا وشبه مستحيلة لان طالع ايفاد على حساب قطاع تاني وانت هكى راح تصبح شخص اكاديمي والشركة مرات لا ترغب في الناس الاكاديمين فالدالك انا حاليا انفكرك فى الاستقالة بس ما نبي نستقيل توة قبل ما يطلع التفويض المالي لانك عارف كل شىء في دقيقة يتغير وما نبش نخسر العمل

بس ممكن يا حو حو لو سمحتي الشركة لتخدمى فيها تتبع اي وزارة ؟؟؟

مؤسسة الطاقة تتبع الوزارة طول

تمام صحيتي يا اختي والله الايام الجاية بنقدم طلب للشركة بشكل رسمي وانشاء ربي اجيب لفيه الخير

والله يا جماعه اغلب الاماكن ما يعطوش فيها الاجازه بدون مرتب .. راهي صعبه هلبااا

السلام عليكم خوي أسامه:
بالنسبة ليا كان موضوعي زي موضوعك وكنت نشتغل في شركة نفطية وكنت سامع كلام أنه من الصعب تاخذ إخلاء طرف منهم. فلذلك حصات حد في الجوازات غيرلي الوظيفة عمل حر وبالشكل هذا ماطلبوش مني ورقة إخلاء الطرف. ولما ضمنت التأشيرة والتفويض المالي قدمت إستقالتي.

بس توا أنقولوا ليبيا أفضل بعون الله وراح أتحصل ورقة إخلاء الطرف بسهولة.

ربي يوفقك لما فيه صلاحك ورضاه

السلام عليكم

لالالالا هذا الكلام مش صح اي جهة عامة تعطيك تفرغ لغرض الدراسة بربع المرتب مش اجازة بذون مرتب , (صح مش في قانون العمل ) ولكن بالمنطق يعني شن مش هم الجهة الموفدة يعني لما تروح بتخدم في اسرائيل!!!!!!! , جهاز النهر يعطي فيها و يعطي بذون مرتب للمرافق واكثر من سنتين,