استفسار مهم

هل يمكن للطالب الذي يدرس على حسابه في دول مغلقه من البعثات وبها سفارات في ليبيا وبالعكس والتقديم على الضم والدراسة على حساب الدولة وهذه الدول مثل بلاروسيا واوكرانيا؟؟افيدوني ولكم الاجر ان شاء الله

اعتقد تستطيع الدراسة على حسابك ولكن موضوع الضم والساحه مقفله موضوع صعب

بس فيه سفارة وكل شئ تمام ؟؟شنو المشكله؟

خويا اذا كانت الساحه مقفله امام الطلبة الموفدين فكيف يتم ضمك؟؟؟؟؟؟؟؟؟؟؟؟؟؟؟؟؟؟؟

اعتقد يمكن الضم لانه لمساعدة الطالب
ولكن يجب ان تكون الجامعة معتمدة وباقي الشروط مثله مثل الطلبة الدارسين بالساحة قبل الاغلاق
طبعا يمكن ولكن الاغلاق للطلبة الموفدين من الدولة

الضم حسب معلوماتي مش بالضرورة ان تكون الساحة مفتوحة لان الدولة تكفل بدراستك لانك ليبي ومقيم في دولة اجنبيه فيها سفارة ليبية زي العلاج بالضبط على نفقة الدولة في حالة عدم قدرتك ومش بالضرورة ان تكون الدولة مفتوحة ولا لا يعني ملهاش علاقة بس نبي نأكد على الموضوع

بس متاكد يا مشرف قسم المانيا من الكلام هذا نبي الاكيد لو سمحت؟؟

البيطري كتب:

الضم حسب معلوماتي مش بالضرورة ان تكون الساحة مفتوحة لان الدولة تكفل بدراستك لانك ليبي ومقيم في دولة اجنبيه فيها سفارة ليبية زي العلاج بالضبط على نفقة الدولة في حالة عدم قدرتك ومش بالضرورة ان تكون الدولة مفتوحة ولا لا يعني ملهاش علاقة بس نبي نأكد على الموضوع

ان شاء الله متأكد توكل على الله

لان موضوع الضم مهم للدولة لان الطالب وفر على الدولة انه يدرس وموفق في دارسته لان ليس كل من يوفد على الدولة يوفق في دراسته وبالتالي وفر على الدولة تغيير الساحة والعودة للمربع صفر في حالة عدم تحصله على قبول كذلك قطع نص الطريق

اهم شي يكون في بلد الدراسة ملحق تقافي

اوكرانيا..فيها؟؟

اكيد فيها
ونزيدك من الشعر بيت حتى قرار الضم اللي صدر موخرا رقم 34 كان فيه حوالي 31 طالب تم ضمهم
مؤكد 100%

يعني نتوكل اخي انا خايف نمشي ونقرا وما يضموني ...ما تقدر تتأكد اكثر ولك الاجر ان شاء الله

تعامل مع موضوع الضم على انه ما يصيرش منه لانه ياخذ وقت وانت عارف الادارة في ليبيا كل يوم برأي لانه لازم تقضي نص المدة على حسابك
يعني مش مضمون لو تحصل قرار ايفاد يكون احسن

لو قرار الايفاد ساهل مش هذ حالنا نا رغبتي ندرس وتقديري كويس جدا بس طحت في دفعة بنات يحفضن وخلاص اقطعنا جا ترتيبي مش في الاوائل ومستواي متأكد خير حتى من بنات من الاوائل بس حفظ ما نعرفش المهم نص المدة عادي على حسابي بس ضروري تضمني الدولة

هل انت متزوج؟
شن جو الوضع المالي ؟ كم؟

لا مش متزوج والوضع المادي مش واجد لهذا فضلت اوكرانيا الا حلمي مش اوكرانيا لكن الظلم مشكله

انك مش متزوج هذا في صالح الموضوع
اعتقد من اقل من 20 الف ليبي تكفي لدراسة الماجستير

وين؟؟

في المانيا!!

اذا في اوكرانيا فأقل بكثير ممكن 15 الف بالزايد بس المشكله الضم يعطيك دخل اول ما تروح لليبيا اتحرك بس تحط تحويشة عمرك في الدراسة وترجع ايد لقدام وايد لورا وااااااااااااجد افهمت الفكرة

20 الف مصاريف جامعة بس اكيد..وبعدين التأشيرة صعبة جدا كان مش مستحيلة

مشكلة المانيا اللغة تاخذ وقت بس لان الماجستير لازم لغة لو دكتوراه مش لازم
لو لغتك الانقليزية جيدة جدا قدم على منحة فول برايت الامريكية
اذن الرهان على الدراسة مجازفة

ممكن 60% لغتي

هم يطلبوا في توفل
اعتقد مصر الدراسة فيها اسهل