اخر كلام عالمرافق

السلام عليكم
بالنسبة لأخواتي الموفدات اللي زي حالتي يعني single

مرافق غير الزوج هذه انسوها و السفارة الالمانية فيها شبه من ادارة البعثات لأنها كل مرة براي و تماطل و زد على ذلك وعوودها كاذبة حتى بعدما حصلت قبول للمرافق ف المانيا رفضاته رغم انها قالت المطلوب هو تخصيص منحة ليه فقط لكن الله غالب لا الاب ولا الاخ ممكن يقبلوهم رغم انهم اولى من الزوج ف نظري و مشكلتي اني هي صغر سني ههههه

يعني لو في انسة مثلي تقولي كيف ح تتصرف و من حيمشي معها ف الاول و شن حتدير بعدين لو ممكن تتواصلوا معاي لأن بعد رفض المرافق نحتاج حد يكون ماشي الى المانيا او اكثر كمجموعة

اني ماشية لجوتنجن ان شاء الله و اي وحدة تبي ايميلي تتفضل عالخاص

تحياتي

و الله كلامك صحيح الخيرة فيما اختاره الله و الحمد لله ع كل حال تعلمنا الصبر خير من بلاش ^_^

و الصورة حبيت نغير لفترة ^_^

ياختي بالنسبة للمرافق غير الزوج يعني الاخ مثلا يوجد حل واحد فقط وصعب وسبب الصعوبة هو ان الخبراء اللي في ادارت البعثات واللي هم المفروض ايديروا حل لمثل ها المشاكل مش متعاونين المهم الحل هو انك تدخلي علي الدكتور طاهر شخصيا بدون وسيط تكتبي طلب وتقوليلي ان ايدير للمرافق اللي امعاك رسالة دعم مالي خاصة بالفيزا بشرط ان يكون امعاه قبول اي قبول لغة او دورة في اي شي لان السفارة بعد اتجيبي رسالة الدعم المالي لاخيك حيقولولك وين قبول دراستة بس ما اتجيبيش القبول للمرافق الا بعد ما اتشوفي الدكتور طاهر مدير ادارة البعثات اذا وافق علي ان ايديرولك رسالة دعم خاصة بالفيزة ابدي في اجراءات القبول بيش تعطيه للسفارة والله ولي التوفيق

يا اخ العمدة الخطوة هذه درتها و حصلتله ورقة دعم مالي من البعثات و من السفارة الليبية و كذالك حصلتله ورقة دعم مالي للتأشيرة خاص بيه و دخلنا للدكتور و قدمنا الطلب و هذا ل صار و حتى قبول اللغة من معهد غوتة للغة للمرافق حصلته بس المشكلة ف المنحة يعني ضافوه معاي اضافة مشترك معاي ف المنحة ف نفس الحساب و طلب السفارة مستحيل يبوله حساب خاص بيه يعني زيه زيني و هذا ما يتحققش بدون قرار ايفاد و الطلب التاني قبول من الجامعة و هذا من سابع المستحيلات ماحصلته اني بيحصله المرافق

يعني من الاخر ما يبوش مرافق

والله قضية مكلكعة هلبا ..والله ربي يكون في عون البنات الليبيات ..والله نعم البنات مكافحات في سبيل اثبات نفسهم وفي سبيل مستقبل هالبلاد ..علاش ما يحترموش فيهم الروح هادي ..وبعدين مين هو الزوج يعني ..ربما يكون للوحدة زوج وهو ما يستاهلش ربع المنحة ويكون اخ البنت او والدها احوج واولى بالمنحة ..والله اختي الحاجة الوحيدة الي بنقولهالك تبي تستني تلاتة اربعة خمسة او الله اعلم كم شهر باش نكمل وراقي ونمشو مع بعض لان وضعي زي وضعك وربي معانا..

يا اختي بما ان عندك دعم مالي ليك ودعم مالي تاني لاخيك معناها المشكلة مش من البعثات من السفارة الالمانية لانهم تموا يطلبوا في قبول من الجامعة مع قبول اللغة وهذى مشكلة عويصة ما شفتيش اي مكتب ايجيبلك قيول من اي جامعة في المانيا بس اذا شفتي مكتب ما تعطيهش افلوس كاملات الا لين تطلع التاشيرة لان مرات يطلع القبول مش مزبوط وايريحن افلوسك واذا لا قدر الله ما حصلتيش ما عندك الا انك اتغيري الساحة شوفي مثلا كندا او السويد او النمسا او هولندا او حتي الهند المهم ما تستسلميش وربي امعاك ان شاءالله سلام

شكراً اخت سعاد على حسن تعاونك بس اني موعد الدراسة قرب و معاد نقدر نستنى اكثر

اخ العمدة تغيير الساحة صعب جداً استراليا و كندا القبول لدراسة الطب صعب و ممكن مانحصلش و ممكن تطلعلي مشكلة المرافق حتى هي

الحل الوحيد بنمشي بروحي معاش فيها ...قدر الله و ماشاء فعل

حسب علمي ان السفارة الليبية في المانيا مرنين هلبا ومتعاونين حسب شهادة الي يقرو غادي ..وبالنسبة لموعد كورس اللغةفيمكن انك تاجليه ووقت ما توصلي غادي اول كورس يبدا تقدري تسجلي فيه ..اني توا نحكيلك شن قالتلي اختي بناء عن تجربتها غادي..وبعدين انتي صغيرة وما ننصحكش تمشي بروحك بكل ..ربي يحفظك اختي العزيزة

اختي امي سمايل ياريت ما تمشي بروحك لاسباب عدة اولها ان حرام سفر المرأة بدون محرم,,,,وهذا امر رباني وحتي الحج يحتاج الي محرم,,,ثانيا حبيبتي المرأة محتاجه الي xy يكون معاها عشان محد يستضعفها ويضطهدها وياكل حقها والمرأة بطبعها ضعيفه,,,,
ثالثا حبيبتي بغض النظر عن وجود xy وقدرتك علي السفر بروحك فكري في نظرة مجتمعنا السلبيه,,,,,اي نعم الاب واخ اهم من xy في نظرك لكن الموت ما منه مهروب,,,,,

انا والله كيفك غيرت من امريكا لكندا لعدم توفرxy...وكلنا في الهوا سوا

اختك لوزا

اختى الكريمة ان الفتاة بسمعتها وليس بشهادها.
ولا اعنى هذا عنك تحديدا بل اظنك الطاهرة العفيفة ولكن اختى ان الحياة فى الغرب ليست سهلة وان الناس لا ترحم .فلا تقلولى وما لى ومال الناس ؟فاقول لك ان الناس هم مجتمعك ,وهم انسابك ,وهم اهلك وجيرانك.فلا تجعلى نفسك علكة فى افواه الاخرين وذالك فقط للهفتك على الدراسة وانظرى بعين ابعد من ذالك .
باختصار توكلى على الله وادعيه وباذن الله سوف يهب لك زوجا يساندك فى دراستك ويكون لك نعم العون. ولكن لا تتوكلى على الله بمعصيته وتسافرى لوحدك.
مع تحياتى لك ولاهلك

bwithme كتب:

اختى الكريمة ان الفتاة بسمعتها وليس بشهادها.
ولا اعنى هذا عنك تحديدا بل اظنك الطاهرة العفيفة ولكن اختى ان الحياة فى الغرب ليست سهلة وان الناس لا ترحم .فلا تقلولى وما لى ومال الناس ؟فاقول لك ان الناس هم مجتمعك ,وهم انسابك ,وهم اهلك وجيرانك.فلا تجعلى نفسك علكة فى افواه الاخرين وذالك فقط للهفتك على الدراسة وانظرى بعين ابعد من ذالك .
باختصار توكلى على الله وادعيه وباذن الله سوف يهب لك زوجا يساندك فى دراستك ويكون لك نعم العون. ولكن لا تتوكلى على الله بمعصيته وتسافرى لوحدك.
مع تحياتى لك ولاهلك

البنت اتقولك موعد دراستي بدا ومعش فيها معش نقدر نستني,,,اتقوللها يمشي معاك زوجك؟؟؟؟؟
كيف يعني ....تبي تلقاه زوجها جاهز قدام الطيارة مثلا!!!! ولا حتزوج في اسبوع هي!! كيف موضوع الزواج ساهل وسريع!!!

البنت تقدر تأجل دراستها .
وبعدين انت ليش ما ترسى على بر ؟؟؟
مش قلتيلها ما تمشى بروحك؟؟
طيب لو ما عطوا لخوها او بوها التاشيرة كيف ادير؟؟
المفروض تغيرى تخصصك محامية افضل

bwithme كتب:

البنت تقدر تأجل دراستها .
وبعدين انت ليش ما ترسى على بر ؟؟؟
مش قلتيلها ما تمشى بروحك؟؟
طيب لو ما عطوا لخوها او بوها التاشيرة كيف ادير؟؟
المفروض تغيرى تخصصك محامية افضل

انغير تخصصي بعد اتغير اسلوبك واخلاقك وتعرف ترد بمنطقيه
احسن حل انها تغييير الساحه....مش تنتظر 10 سنوات تنتظر في XY علي حصان الابيض

شوفى انا مش راح انرد عليك بنفس اسلوبك بس ياريت تتباعدى عن الكلام عن الاخلاق ,لان اهانتك للغير في اخلاقها ليست من سماتك .
واما بالنسبة للتغير الساحة فللاسف انه لا يوجد ساحة يرجى منها القبول فى التخصصات الطبية والدراسة مع العمل فى المستشفيات غير المانيا .ولهذا فغالب الاطباء يذهبون اليها.
واما بالنسبة لل xy والله اعلم انا متأكد انه قد تقدم لخطبتها الكثير ولكنها ترفض بحجة الدراسة وهذا شئ معروف عند غالب خريجى الثانوية .

ترفض!!!! ام سمايلي ما عندك حق بالله عليك عليش ترفضي في XY من كثرتهم يعني!!!!

يا اخوتي و الله كلامكم صح عارفة ان السفر لوحدي حرام بس ف الاول حيمشي معي الوالد و بإذن الله فيه طالبات قاعدين ف المانيا يدرسوا حنتواصل معاهم

بس بجد قصة xy هذه مرفوضة اني مش حنقبل و ماعنديش استعداد يا اختي لوزا اني عمري 19 يعني بنتحمل مسئولية زواج + قراية و الله مانقدرهم مع بعض و تغيير الساحة هذا زي ماقالك الاخ مافيش ساحة متوفر فيها مجال لدراسة الطيب كيف المانيا

و دراستي مانقدرش نسيبها خلاص قررت و حنسأل اهل الذكر و الخبرة بخاطر السفر لوحدي

ربي يقدم اللي فيه الخير و خلاص .

وعسى فى ذلك خـــــــــــــــــــــــــــــــــــــــــــــــير..

انا نحسابك كبيرة بس طلعتي بنوته صغيرونه واكيد حليوه,,,,خلاص الاخ be with me موافق يسافر معاك,,,,,شن رايك فكري كويس ورد بالك ترفضي,,,عصفور في اليد خير من طحلب علي الشجرة,,,,هههههههههههههههههههههه,,,,خلينا انشوفوه شن ايقول
وهو من الصبح يحرم ويحلل,,,,تاهت ولقيناها

انا نحسابك كبيرة بس طلعتي بنوته صغيرونه واكيد حليوه,,,,خلاص الاخ be with me موافق يسافر معاك,,,,,شن رايك فكري كويس ورد بالك ترفضي,,,عصفور في اليد خير من طحلب علي الشجرة,,,,هههههههههههههههههههههه,,,,خلينا انشوفوه شن ايقول
وهو من الصبح يحرم ويحلل,,,,تاهت ولقيناها

باهي هكي يالوزا أهو الراجل تحشم ومعاش يبي يرد ههههههههههههههههههه

ربي إن شاء الله يرزقكم أولاد الحلال وتكملوا دراستكم وتحققوا طموحاتكم .........


يارب...... بالتوفيق....

alhussein كتب:

انا نحسابك كبيرة بس طلعتي بنوته صغيرونه واكيد حليوه,,,,خلاص الاخ be with me موافق يسافر معاك,,,,,شن رايك فكري كويس ورد بالك ترفضي,,,عصفور في اليد خير من طحلب علي الشجرة,,,,هههههههههههههههههههههه,,,,خلينا انشوفوه شن ايقول
وهو من الصبح يحرم ويحلل,,,,تاهت ولقيناها

باهي هكي يالوزا أهو الراجل تحشم ومعاش يبي يرد ههههههههههههههههههه

ربي إن شاء الله يرزقكم أولاد الحلال وتكملوا دراستكم وتحققوا طموحاتكم .........


يارب...... بالتوفيق....

اخي حسين مش تحشم مازال بس ماشاف التعليق مازال اصلا مادخل علي المنتدي,,,,قال تحشم قال,,,,انت شكلك طيب
وبعدين وين يلقي وحده حليوه وبنووووته كيف سمايلي,,هو مسافر وهي مسافره,,,خلاص ياخذها معاه ويفكنا من هرجته بالك يكن يركز شويه

والله فكرة .... المفروض المنتدى يدير قسم خاص بزواج المبتعثين باش يساهم في حل المشكلة .....

هههههههههههههه اختي لوزا زيدي زيدي دبريلي خيرا مش انتي اشمعنا اني

ههههههههههههههههههههههه
ام سمايلي ديري فيا خير وخوديه فكينا منه لان تعليقاته تسببلي في انهيار عصبي,,,
الله والنبي ياام سمايلي ما تكثروا عليه في الطلبات والمهر,,,,,عشان المنتدي يرتاح شويه
منه,,,,,امس عندي مشكله في الموقع الكندي,,,ومضايقه بكل,,,,وانا نسأل وهو يعلق بسخريه مزطتني بكل,,,,,بس انا خذيت الامور بروح رياضيه,,,,,

يالوزا الموقع الكندي مصكر من LTT ... ومتقدريش تفتحيه إلا بواسطة برنامج hotspot child إللي يفتح المواقع المقفلة .... زي مادرت أنا.......