يبدو انه نهاية حلم 54

شكرا اختي لوزا على مواساتك لي وانا في هذه الحالة و هذا موقف لا ينسى منك كلك ذوق و اخلاق ........بارك الله فيك جعلها الله في ميزان حسناتك

حسبنا الله و نعم الوكيل ..., تم ترشيحنا في شهر 12 / 2010 و سقطو اسمائنا سهوا في القرارات اللي توقعو في شهر 3 و توا نفس الشي يسقطو من جديد مش عارف هالبلاد الــ$@#$$@#%@#% كيف ماشية بالعكس ..,, الواحد قريب يخش علي الحشيش و السكير و يقولولك علاش اتدير هكي
الله لا تربحكم لا دنيا و لا اخرة

اي اخبار لم افهم قصدك

والله ختى انا متعاطفة معاك يا بيضاوى وحر ووجعتنى لما طحت بين ايدين أم عائشة ربى يجعل كلامنا خفيف عليها ههههههههههه ...أنا فى القرار 54 ولما اليوم مشيت سألت خيركم استتنتوه قالوا مازال مارجعناش القرار؟؟؟؟؟؟

بالله شنو مازال ما راجعوا القرار كله كذب في كذب ياخوي معقولة راجوا آلاف الطلبة وماقدروش ايراجعو قرار فيه 221طالب خليك كلها اتبيع في الحكي حسبنا الله ونعم الوكيل

يا بيضاوي حر تبي تفهم او ماتبيش تفهم هذه حاجة تخصك .. وتبي تصدق او ما تبيش حتى هذه حاجة تخصك .. انا قتلك لا عندي قرار و لا غيره ..
انت دخلت الى المنتدى و اصبحت تهدد وتتوعد وانا بحكم اني من البيضاء المفروض انقوفك عند حدك و اعرف كيف تكلم الناس المتعلمة و تكلم معاهم بنفس الاسلوب حتى وان كنت متعصب ..
وبعدين كان تبي تدعي ادعي .. لاني عارفة روحي لا ظلمتك و لا اني غالطة فيك .. شوف روحك شنو قلت من اول ما دخلت و بعدين قول مظلوم ..
.
,
,
شوفي يا اخت لوزا انا موضوع بيضاوي مش حنرد عليه ولكن لو شفتي موضوعه من الاول و اسلوبه التهديدي و التوعدي بالسلاح لاعذرتني بخصوص انني من البيضاء و هو بهذا الاسلوب حشمنا .. مهما كان الانسان مظلوم لو كان متعلم ومثقف عمره مايدخل الى منتدى تعليمي ويقعد يهدد ويتوعد بانه لو اسمه ما نزلش في القرار حيرفع الكتائب و السلاح لطرابلس ؟؟؟ وين هذا شنو يحساب الدنيا سيابه .. و عموما انا رديت عليه لاني من البيضاء ومن واجبي الرد عليه بنفس اسلوبه الذي دخل به المنتدى ..

ويخصوص القرارات مافيش حاجة اسمها واسطة او ظلم .. بما انه تم الغاء اسماء فأكيد هناك الية مشت عليها الجهة المرشحة و عليه التوجه اليها و الفهم منهم مش ايجي هنا ويقعد يهدد فينا بالكتائب و السلاح و يتجمل علينا بمحاربته في الجبهات ..

شوفي اخت ام عايشة اكيد يوجد ظلم معقوله قرار 54 كامل لايوجد فيه طالبه تتوفر فيهم الشروط اكيد هدا غير معقول وادا كان يوجد طالبه لا تتوفر فيهم الشروط يحدف الاسم لايحدف قرار كامل ام بخصوص كلامك اول عن بيضاوى فهو صحيح وكلام اخت لوزا هو ايضن صحيح

السلام عليكم اخوتي
غداا او بعد غداا نجيبلكم الكلام الاكيد عن القرار 54 من مستشار الوزير بس الصبر شوي لانه في اخر اتصال قال لي انه لم يتم الغاه بس تم ايقافه لانه لم يتم مراجعته نطرااا لكثرة الجهات المرشحة لهدا القرار فقط وانه تم اصدار التعليمات لتغييره لقرار ايفاد عاي متل باقي القرارات الاخري ..
والله ولي التوفيق

منوووووووووووووووور منورررررررررررررررررررررر شنو جو

ام عائشة العرب لوله ايقولوا : كل شاه معلقة مع عرقوبها يعني عرب البيضاء ما عينوكش محامية عليهم كل واحد مسؤول عن نفسه وكل من في المنتدى تعاطف معاي خاصة اللي مر بنفس الموقف انت بس (شن حرق بصلتك ) و من طلب منك تحكي بلسان عرب البيضاء حتى كتابتك كلها اخطاء املائية وبعدين عرب البيضاء دائما قلوبهم على بعضهم و اي حد سمع الخبر تعاطف معاي و وجعاته لانهم عارفين كم عانيت في هالموضوع ........واخيرا حنقولك جملة وحدة و بعدها كأنك مش موجودة في المنتدى بالنسبة لي :
لا تجادل الأحمق ، فقد يخطئ الناس في التفريق بينكما
السلام عليكم

يا بيضاوي ربي يفتحها في وجهك ومن اللي ماتاثرش من قصتك الا عديم الاحساس ولعلمك الواسطه مازالت وتغيير اسماء مكان اسماء اخرى مازال بس انت عدي للبعثات وربي يطيحك في ولد الحلال يساعدك ..وحاول تدخل عالدكتور الطاهر وتحكيله القصه ..

والاخت اللي هجمت عليك يبدو ان اعصابها تعبانه .. للاسف في ناس ماتعرفش شنو تقول عليهم ...

مصابنا واحد يابيضاوي انا تم ابعادي من القرار 393 ومش عار ف السبب نكلم فيك من اجدابيا ويبد ان اهل برقة غير مرغوب فيهم في مراكز صنع القرار الليبي قبل وتوا

اختي يسرا بارك الله فيك ومقدر وقفتك معاي وكلامك الطيب وان شاء الله ربي يفتحها علي وعليك وعلى كل واحد ماشي بنية نظيفة و يحس بمعاناة الناس و ينصر اي حد انظلم يارب ......كثر الله من امثالك

اخي محمد بن ابراهيم ربي يصبرك و ينصر كل مظلوم انا طرحت فكرة اللجوء الى القضاء الاداري جماعيا بدل ما كل واحد يرفع قضية بروحه يتم تجميع جميع الاسماء اللي تم حذفها من القرارات لانه لا يحق لهم الغاء قرار رسمي بعد صدوره ب 60 يوم يعني القضية ان شاء اله مضمونة و يد الله مع الجماعة .....قولي شن رايك و نتواصل و ياريت باسرع وقت ممكن

انى معاكم
نمشو للقضاء نمشو لحقوق الانسان نمشو اشبح وين غير نديروو حل حرام والله حرام
هما دايرين هكى لانهم مالقو حد يخنقهم معقولة قرار فيه 221 طالب منلقوش حتى 70 شخص منهم همه علي القرار كل واحد عابي عالتانى والله الا هزلة نبو نوقفو مع بعض ونديروووووووووووووووووووووووووووووووووووووووووووووووووووووووووووووووووووووووو حل اعتصاماى حاجة شن رايكم

بيضاوي حر بيضاوي حر كتب:

اخي waise el7asy انا الترتيب الثاني على دفعتي و معدلاتي و جميع الشروط موافيهن و لو ما كنتش واثق من نفسي ماكنتش انصدمت ......

انها بداية الحلم وليس نهايته,,,,لا تحزن انا( الله )معنا....

kalid2010 كتب:

بالله شنو مازال ما راجعوا القرار كله كذب في كذب ياخوي معقولة راجوا آلاف الطلبة وماقدروش ايراجعو قرار فيه 221طالب خليك كلها اتبيع في الحكي حسبنا الله ونعم الوكيل

أخى خالد ..قالوا إن هدا القرار المرشحين فيه من جميع أنحاء ليبيا يعنى مش جهة وحدة مرشحاته ..من الأخير اللى اسمه فى القرار يمشى يرفع للبعتات هو ترشيحه جاى من وين(اخدم نفسك بنفسك) والأمل مازال قدامنا وبدل ماتكون نهاية الحلم اتولى السعى وراء تحقيقه (مسلسل مكسيكى)

عدد المرشحين فى القرار من الباحثين التابعين للهيئة الوطنية للبحث العلمى 20 باحث وتم ترشيحهم على حسب الاقدميه ونشر البحوث فى المجلات العالمية والمؤتمرات الخارجية المتخصصة فى المجال البحثى لكل مركز وهذا ماتم فى مركز بحوث التقنيات الحيوية حيث تم تقديم 85 باحث بالسيرة الذاتية للجنة العلمية مصحوبة بمايتبث قوة السيرة الذاتية من الناحية العلمية وبعد الفرز تحصل 8 باحثين على فرصة فى هذا القرار. ويوجد فى هذا القرار من له 12 السنة فى المركز ولم يتحصل على فرصة لإستكمال دراسته العليا إو الرفع من مستواه العلمى على حساب الدولة الليبية .وكانت الدورات والايفاد فى النظام السابق مقصورة على فئه معينة ذات النفود والواسطه. وبعد ماتحصلنا على فرصة فى هذا القرار بكفائتنا العلمية وليس بالواسطة وهذا موجود فى الانترنت يتم أدخال اسم الباحث ويتأكدو من الأسماء الباحثين والبحوث التى قدموها بأسم ليبيا نتفاجأبأيقاف القرار رقم 54 . لماذا تم ايقافه بعد ماتم ترشيحنا بصورة علمية صحيحة من المركز ولاول مرة تتم بهذه الطريقة نتفاجأ بظلم كبير ينزل علينا بعد ثورة 17 فبراير هل تريدوا بهذا الايقاف قتل الوطنية فينا وكرهنا للدوله الوليدة كما كانت الوطنية فى النظام السابق. الاحباط موجود الان بين الباحثين وشعورهم بالظلم وعدم مسؤلية الشخص مهما كان اسمه تشعرهم ليس لهم فرصة لاستكمال دراستهم زى فى النظام السابق زى فى النظام الذى سيقام والواسطة والمحسوبية مازالت موجوده فى هذا اليلاد إلى أخر الدهر.