استفسار عن معهد لغة

اخواني الاعزاء الدارسين بكندا ,ياريت لو تساعدوني بمعلومات عن معهد او كلية ESL ,وهل هدا المعهد معتمد او لا وهل المعهد خاص او حكومي, وهل برامجه جيدة او لا ادا كان في حد دارس فيه قبل ,ولاي جامعة ممكن اني ندخل بشهادته من دون الحاجة للايلتس او التوفل بعد ما نكمل مستوياتهم
وشكرا لكل من يهتم ويرد والله لا يضيع اجر المحسنين

السلام عليكم أخي العزيز:

توضيح بسيط لكلمة ESL وهي إختصار لـــ English as a Second Language. يعني اللغة الأنجليزية كلغة ثانية. وجميع المعاهد اللي تدرس في الأنجليزي تعتبر معاهد ESL وفيه منها الخاص وفيه منها اللي يتبع الجامعات. ومعظم أو ممكن تقدر تقول كل جامعات كندا فيها معاهد ESL لتعليم اللغة. وبالنسبة للمعاهد بالتأكيد تختلف في قوة التدريس.

الشي الثاني بالنسبة لإجتياز مرحلة التوفل أو الإيلتس. هذا يعتمد عالجامعة. بس أغلب الجامعات اللي تقرا عندهم اللغة وتجتاز جميع المستويات عندهم أو تجتاز فقط مرحلة معينه اللي هما يسموها (bridging level) ويكون عندك قبول أكاديمي من عندهم، بعون الله يوافقولك تدخل للأكاديمي من غير الإمتحانات اللي ذكرناهم.

إي خدمات تفضل يا خوي وبعون الله مانقصروش معاك..

ربي يوفقك الجميع إلى مايحب ويرضى

في أمان الله.. والسلام عليكم

الله يبارك فيك ياخوي ابن ليبيا على الافادة
الباين اني كان عندي خلط بين اسم معهد اللغة والتسمية العامة
خوي ابن ليبيا نبي نقوللك ولكل من يبي يفيدني ويفيدكل متصفحي المنتدى انني نسال علي معهد او كلية (COLUMBIA INTERNATIONAL COLLEGE) وهي واقعة حسب موقعها الالكتروني بمدينة هاملتون بي اونتاريو ,واسفساري على المعلومات المدكورة فالمراسلة الرئيسية
وشكرا لكل من يهتم ويساعدنا