ترشيح المعيدين؟؟؟؟

السلام عليكم ورحمة الله وبركاته....
نبي نستفسر ياإخواني الكرام عن ترشيح المعيدين لو تكرمتو اتفهموني .... هل اسماء المرشحين في قرار 393 لسنة 2012 هما فقط وله بيلحقو معيدين تانيين ... احني خدو ملفاتنا ودارو مشروع قرار فيه اسمائنا وقالونا شهر ويطلع القرار وتوه بعد قريب الشهرين طلع هذا القرار ومفيشي اسمائنا شنو مزال فيه قرار تاني وله شنو فهموني كانكم فاهمين؟؟؟؟؟؟

حسب مافهمت من البعثات انه في قرار قريب لكن امتى قريب الله اعلم
والملفات اصلا تم نقلهم الى وزارة التعليم من حوالى الاسبوعين فقط
وان شاء الله خير لان حسبنا الله ونعم الوكيل

وعليكم السلام ...........
حتى أنا والمعيدين معانا خذوا ملفاتنا.
وآخر شي سمعته من قبل 10 أيام أنهم يدخلوا في الأسماء ع المنظومة.
إن شاء الله مش كل يوم اسم بس بعدين ماعاد تحز

والله أعلم...........
والمهم كلمت قريب خوذ ماجاك منها

السلام عليكم انا معيد فى الجامعه صدر فى رساله ترشيح من الجامعه لكن مازال مخذوش مني ملف كيف اندير ارجو الافاده وشكر

بالنسبة للمعيدين اللي ماطلعوش أساميهم زي حلاتي ليهم رب كريم يشكون إليه ضعفهم وبالنسبة لإدارة البعثات ووزارة التعليم كمشا كذابة كذابة كذابة
لأنهم لما نمشولهم وراجعوا فيهم قالولنا حراسلوا جهاتكم وبناء عليه حنستبعدوا الأشخاص اللي حطينهم بدلكم وحندرجوكم أنتم بدلهم ولكن بالنسبة للجهة اللي أني فيها إستبعدوا الأشخاص اللي موجودين بدلنا في القرار 65 ولكن ما درجوناش والسبب الله أعلم
وحسبي الله ونعم الوكيل فيكم ياكذابة

كيف هذا ترشيح من غير ملفات ...أو تم أرسال أسماء معيدين فقط من غير ملفات،،،

السلام عليكم يا أخ top ruk
المفروض تراجع جامعتك بالخصوص لأن ملفاتنا رفعتهم الجامعة في منتصف شهر إبريل (4)

للعلم إدارة البعتات لا تعترف بأسماء المعيدين أو أعضاء هيئة التدريس بدون ملفات يعني اسم فقط لا أي بدون ملف ,,,,,, بالنسبة للأوائل أسماء فقط

فياريت يا أخ top ruk وكل من يعنيه الأمر الرجوع إلى جامعته للمتابعة لأنك كان ما تبعتهم ماهم امدورينك

وفق الله الجميع

ومادا عن معيدين سنة 2012 الجدد

أنا أتكلم عن معيدين 2012

شكراااااااااااااااااااااا ليكم كلكم على الردود حتى انا قالولي من اسبوعين فاتو اهو بنرفعو ملفاتكم اللي وصلتنا من كلياتكم للوزارة واشبح مشت ولا لا وتوا قالولي بالك غدوه ولا بعد غدوه بيطلعو قرارات جديده فيهم المعيدين الجدد والقرارات اللي طلعو خاصه بالمعيدين القدم وان شاء الله خير المهم تفائلو انا كلهم ايقولولي اتفائلو راهو الوزارة تبي اطلعكم قبل الحكومة الجديده اتجي يعني فيه امل وانا غدوه ماشيه لادارة البعتات ان شاء الله نبي نفهم وتو انقوللكم لو فيه حاجه جديده

إن شاء الله متفائلين خيرا ولكن الإنسان عليه أن يسعى ويجب أن تواصلوا مع بعض كان في شي نقولوا لبعضنا.

أتمنى من الجميع مراجعة مندوبي جامعتهم للتأكد من رفع ملفاتهم

القرارات كلها متع امس ... متع شهر 3 2011
مضافولهاش الجدد توا الاسبوع الجاي "قالو" بيطلعو قرارات تانيه
انا اصلا اتعينت في 7 2011 معناها مزال ان شاء الله خير

om.jeje.akram كتب:

شكراااااااااااااااااااااا ليكم كلكم على الردود حتى انا قالولي من اسبوعين فاتو اهو بنرفعو ملفاتكم اللي وصلتنا من كلياتكم للوزارة واشبح مشت ولا لا وتوا قالولي بالك غدوه ولا بعد غدوه بيطلعو قرارات جديده فيهم المعيدين الجدد والقرارات اللي طلعو خاصه بالمعيدين القدم وان شاء الله خير المهم تفائلو انا كلهم ايقولولي اتفائلو راهو الوزارة تبي اطلعكم قبل الحكومة الجديده اتجي يعني فيه امل وانا غدوه ماشيه لادارة البعتات ان شاء الله نبي نفهم وتو انقوللكم لو فيه حاجه جديده

بالله ممكن تسالي على مرشحي الهيئة اللي سقطوا سهوا هل في ليهم قرار جديد ولا لا لو سمحتي ومشكوووورة مسبقا

انا اسال عن المعيدين ياللي السنه هدي بس تم تعيينهم يعني من 3 شهور,ادا ممكن,اوهل القرارات تخص معيدين قدام بس

يااستاذ فرج فرحات بعتت كليتك ملفك الي ادارة البعتات ولا لا؟؟؟ لانه المده اللي فاتت طلع مشروع قرار فيه اسامي مرشحين هل انت من ضمنهم؟؟؟ لانه اظني هادو اللي بيطلعلهم قرار
ويا استاد سامي ان شاء الله تو نسال وانقولك؟

للاسف مازال محولوش ملفاتنا وقال السيد الدروقي في ادارة البعتات انه اليوم بيحوله والعلم عند الله

شي مازال يراجي المندوب هذا حيسبب في تأخير إصداره

الله أعلم كم جامعة مازالت ما بعتتهمش

يراجي في كل الجامعات تبعت ؟؟؟؟ واحني شن انديرو هذا مش عذر اللي تاخر يتحمل نتيجة تاخيره مدخلناش احني