سؤال لمن سبق له اجراء مقابلة معا السفارة الكندية

سؤال لمن سبق له اجراء مقابلة معا السفارة الكندية
هل في مقابلات الان ولا لا ... لو ماشي علي حسابي الخاص هل في مقابله ولا لا اصلا
انا تقريبا فهمت انه معش في مقابلات الان ؟

يا خوي هي في الاصل مش مقابلة بس تمشي تقدم اوراقك ويسئلوك شوية اسئلة من النماذج اللي عبيتهم بس زيادة تأكيد ومش لازم يكونو معاك المرافقين بس لو انت على حسابك الخاص بيدققو شوية على من بيدفع تكاليف الدراسة ولازم تكون اجابتك مقنعة في النماذج
ربي يوفقك

شكرا يا اخت حنان بارك الله فيك .. وقالولي في تقرير طبي ,, وبعد التقرير الطبي في مقابله ولا لا .. وشكرا يا اخت حنان كثرت عليك

بعد التقرير الطبي يعطوك ألتأشيرة إن شاء الله

السلام عليكم : هل التقرير الطبي قبل أو بعد المقابلة؟

السلام عليكم...

بالنسبة لي أنا أخذت التأشيرة الكندية يوم 6-8-2010 أي قبل الثورة..
قدمت أوراقي في السفارة الكندية قبل 6-8-2010 بـ 3 أسابيع.
أهم شي تعبي Application form بشكل صحيح وكذلك طلبوا مني تصوير جميع التأشيرات اللي في متحصل عليهن قبل سنة وكذلك ورقة دعم مالي ،،، طبعا انا ماشي نحضر في مؤتمر فجبت ورقة من الجامعة أنها تتحمل مسؤولية الصرف عليا.

أما المقابلة فهيا عبارة عن تأكيد للمعلومات اللي كتبتهن في application form وتشوف جوازك في أحد الصفحات الجواز كتبت موعد اللي أجريت فيه المقابلة.

بالنسبة للتقرير الطبي لم يطلبوا مني تقرير ربما لأني ذاهب بحضور مؤتمر لفترة قصيرة.

والله أعلم

<b><strong>السلام عليكم <br><br><br>اخواني انا تحصلت علي دعوة لحضور مؤتمر بكندا <br><br>سوالي كم ثمن التاشيرة ؟ وهل يدفع بمجرد التقديم ؟ اما بعد الحصول؟ <br><br>وكيف
يتم اخطار المعني بالموافقة ؟ لاني لما اطلعت علي نماذج التقديم بخصوص
تاشيرة زيارة عمل لايوجد ما يفيد بانه سوف يتم الاتصال بيك في حالة
القبول او الرفض ؟ بمعني ادق لاتوجد خانة في النموذج لترك رقم هاتفك او
بريدك الالكتروني ؟<br><br>هل هذا يعني انك لازم اتراجعهم شخصيا بعدة فترة معينة ؟؟ وكم من المتوقع انهم ايردو عليك ؟ لان الوقت محدود جدا <br><br>افيدونا يا اخوان</strong></b>

يا خوى عبد المهيمن لما انت تمشى تقدم عالتاشيرة يعطوك واصل للاستفسار عن تأشيرتك ويقولولك لو مارديناش عليك قبل تاريخ معين ابعتلنا ايميل وهما طبعا فى الواصل يعطوك ايميلهم اتمنى اكون جاوبت على سؤالك

[b]سوالي كم ثمن التاشيرة ؟

[/b]على ماأتذكر للموفد 155دينار ولكل مرافق تدفع90دينار
[b]وهل يدفع بمجرد التقديم ؟ اما بعد الحصول؟[/b]نعم تدفع المبلغ مع التقديم للتأشيرة وعلى ماأظن تقدر تدفع بعدها لانا سؤلتنى الموضفة تبى تدفعى توا

وكيف



[b]تاشيرة زيارة عمل لايوجد ما يفيد بانه سوف يتم الاتصال بيك في حالة
القبول او الرفض ؟ بمعني ادق لاتوجد خانة في النموذج لترك رقم هاتفك او
بريدك الالكتروني ؟
جاوبتك قبل على هالنقطة وهدا ماصار معايا تفضل لو فى شىء تانى

هل هذا يعني انك لازم اتراجعهم شخصيا بعدة فترة معينة ؟؟ وكم من المتوقع انهم ايردو عليك ؟ لان الوقت محدود جدا [/b]

الاخت الكريمة مصراتية

ولو اني ما انحبش التخاطب باسماء القبائل


اشكرك شكرااا جزيلا وبارلك الله فيك وجعله في ميزان حساناتك

بالفعل اني تقريبا اكملت الاجراءات ونستنا علرغم انهم ابلغوني انا الوقت غير كافي