نبوا سفارات دول سهلة الاجراءات

يعني بدون مقابلة للمرافقين .... وياريت حتى انا مليت من السفر والعودة؟
وياريت كان فيه سفارة تبعتلها الاوراق بالدي اتش ال؟
ومش مشكلة القبول ان شاء الله مقدور عليه، عندي مشكلة في الاجراءات والموضوع طول والله انا من القرارات القديمة
والحمد لله على كل حال

ياريت كل واحد منكم يقولي اسهل اجراءات
قالولي على تركيا لكن القيت النظام الدراسي مواد مثل امريكا وامتحان شامل ويبوا حتي جي ار اي ....الخ دخنا والله وحتى فنلندا سبحان الله فرحة ماتمت... الحمد لله على كل حال

انت ماشي لاي دوله وشن اصلا تخخصك لان التخصص هو عادة يحددلك الدوله

يااختي لوزا... انا تخصصي مكتوب فوق فايننس وهو والحمد لله متوفر في معظم الدول لكن مشكلتي في الاجراءات ومعايا عايلة كل مرة ساحة وندير اجراءات الفيزا ومايصير شيء نبي دولة نقدر نسافرهلها بلا فيزا او اجراءاتها ساهلة يعني بدون مقابلة للمرافقين والقصص هدى ... قريب نسكن في طرابلس من كثر المشي بلا فايدة.. قراري قديم ونبي نخلص ولا نقعمز وننسى الموضوع الله لاتسامحهم

السلام عليكم . أخي العزيز . على ماأعتقد ولست متأكداً , أن نيوزيلاندا التأشيرة متعها يمكن إديرها بدون ماتمشي إلى سفارتها . شوف مكتب طالب الغد في طرالبسhttp://www.student.ly
أني مرة سمعت من صديق أن مكتب طالب الغد تم كل إجرءات التأشيرة متع نيوزيلاندا بدون هو مايمشي للسفارة وتحصل عليها في زمن قياسي .

وعليكم السلام خوي الكريم ... وبارك الله فيكم على الرد

والله ياخوي ياريت بس هل ممكن تتأكدلي من صاحبك... انخاف انراجي المكتب ومايسير شيء... انا نحساب نيوزيلاند نفس اجراءات استراليا

وعد مني يأخوي المنتصر . أني غدوة نمشي لمكتب طالب الغد ونكلمه على موضوعك . وغداً إن شاء الله تسمع مني ألإجابة ألاكيدة إدا إنت ترغب في نيوزيلاندا

اني اسمعت في البعثات الاستاذ عبدالمنعم قال ماليزيا يمشولها من غير فيزا والله اعلم

خوي Rsil بالله عليك ماتخليهاش وصاة ربي يوفقك ويوقفلك اولاد الحلال تأكدلي بخصوص المكتب اللي قلت عليه، وشنو مطلوب بالضبط

اختي حوحو كلامك مزبوط يمشوا لماليزيا بتفويض بدون فيزا من البعثات ... لكن الليبي مايخش ماليزيا الا بفيزا وهذي ماتخذيها الا من الاردن _وين وذنك ياجحي _وعندهم مشاكل بخصوص المرافقين

والله حالة ليبيا مش دولة ولا شنو

تبي استراليا ...... عدي لمصر

تبي ماليزيا ...... عدي للأردن

تبي امريكا...... عدي لتونس

تبي فنلندا...... عدي لحوشكم (مافيش سفارة)

السلام عليكم ورحمة الله وبركاته
بالنسبة للدول التي تستطيع الحصول على التأشيرة بدون سفر وبدون مقابلة وهي على فكرة دول جميلة عليك بدولة ايرلندا الجنوبية او نيوزيلاندا الاتنين وانت في ليبيا تقدر تكمل التاشيرة والزمن حوالي 6 اسابيع من ارسال الاوراق الى استلاهم وممكن اقل وطبعا الدولتين لغتهم الانجليزية وجيدات في مختلف التخصصات ولكن الطبيات ما عنديش فكرة لو حد تخصصه طبيات
وأي معلومه عن الدولتين ما عندكش مشكله

عدل سابقا من قبل hamza25512 في الخميس 31 مايو 2012, 11:42 pm عدل 1 مرات

المنتصربالله كتب:

والله حالة ليبيا مش دولة ولا شنو

تبي استراليا ...... عدي لمصر

تبي ماليزيا ...... عدي للأردن

تبي امريكا...... عدي لتونس

تبي فنلندا...... عدي لحوشكم (مافيش سفارة)

تبي ترجا..... اقعد فى الموفد

أخي hamza25512 ياريت لو عندك معلومة عن الإجراءات المتبعة للحصول على الـتأشيرة النيوزيلندية وكم تستغرف ومدى القدرة في الحصول على قبول أكاديمي دكتوراه في تخصص الأحياء ولو في أمكانية توضيح أهم الجامعات وكذلك المستوى المعيشي

ان شاءالله موفق اخويا المنتصر ,, انصحك بأن لاتسعجل في اختيار البلد او اختيار اي بلد , لان هذه فرصة العمر ويجب ان تستغلها جيدا ,, واذا كانت لغتك الانجليزية جيدة شوف بريطانيا ,,

خوي حمزة بارك الله فيك.... لو عندك معلومات علي ايرلندا ونيوزلندا ياريت تحطهن ولك الجميل...

الاوراق المطلوبة
عنوانين السفارات او مكاتب الهجرة
اي مفاضلة بينهم لو كانت الفرص متساوية

خوي عقاب سالم ... صحبت وموفقين جميعا ان شاء الله... اسمحلي خوي نختلف معاك في الراي ... الطلبة قعدوا يداعكوا على بريطانيا حتى وان تدنى مستوي المؤسسة التعليمية ... وغلاء المعيشة ... والجو ... اللي ممكن يتعب العيلة مع الموفد اللي مالهمش ذنب... في حين -وهذا من رايي- ان البحث عن النظام التعليمي افضل من البحث عن الدولة ، مثلا انا شفت التعليم في فنلندا اول مرة من الاخ د. احمد بالمنتدى وعجبني مستوى التعليم والطريقة... وايضا تركيا ومالطا انظمتها اشبه بالنظام الامريكي... وليها مزايا اكثر من ناحية القرب ليبيا والجو المعتدل والمعيشة...الخ وكلها تعتمد اللغة الانجليزية في التعليم وشروطها مش هوينة كيف يعتقد البعض يعني يبو طالب علم صح.

وان شاء ربي يوفق الجميع ، الموفدين الليبيين خصوصا جايين من هول

السلام عليكم اخي المنتصر , موفقك بأذن الله , ولله الشباب الليبي ايوفرولهم سبل الراحة انا متأكد بأنهم حيكونوا متفوقين في جميع التخصصات , وان شاءالله كل من في غايته الدراسة يدرس في ارقى وافضل دول العالم .

السلام عليكم رحمة الله وبركاته
في البداية نبدو بنيوزيلاندا
طبعا نيوزيلاندا اخر دولة في الكرة الارضية فهي تقع شرق استراليا ( واكيد انت عارف مكانها بس للتذكير )
وطبعا نظام الدراسة في نيوزيلاندا مشابه لنظام الدراسة في استراليا وبريطانيا البلد جميل جدا وفوق الوصف ومستوى الامان عالي جدا بس الحلو ما يكمل المشكلة الاساسية بعد البعد ( البعض لا يشكل البعد له مشكلة ) هي ارتفاع الاسعار فالاسعار في نيوزيلاندا مرتفعه زي استراليا تقريبا وطبعا اذا اردت السفر الى نيوزيلاندا تجنب اوكلاند وهي اكبر مدن البلاد وتقع في الجزيرة الشمالية لان الاسعار فيها مرتفعة



نجو للتأشيرة التأشيرة تكون عن طريق احد المكاتب مثل التحدي اللي مقابل البعتاث او طالب الغد في حي الاندلس طبعا هناك نموذج تعبيه خاص بالتاشيرة وايضا ترفق معه صور ويجب ان يكون صالح على الاقل ستة اشهر بعد الحصول على التاشيرة ، رسالة دعم تاشيرة من البعتات ، قبول من احد معاهد اللغة ( يفضل ان يكون قبول لغة من جامعة حكومية ) شهادة برائه ( قبل يطلبو فيها توا منيش عارف ) فحص طبي في المركز الليبي السويسري في طرابلس شارع الجرابه ، 100 باوند للسفارة + رسوم البريد السريع في الارسال واعادة الارسال حتى تصلك اوراقك باسرع وقت الوقت المقدر للحصول على التاشيرة هو من 20 يوم الى 6 اسابيع .
بالنسبة للجامعات النيوزيلاندية ومواقها عليك بالرابط التالي
http://www.almofad.com/t462-topi
وهذا الرابط لدليل الدراسة في نيوزيلاندا
http://www.almofad.com/t201-topic
وهذا رابط لمعاهد اللغة والبحث عن تخصصك واشياء اخرى تحتاجها
http://www.almofad.com/t3349-topic
نقطة مهمة في نيوزيلاندا عندما ترغب في السفر يجب ان تتأكد ان الخطوط التي تحجز عليها لا تمر على استراليا لان ذلك يتطلب الحصول على التأشيرة الاسترالية واللي اصعب من التأشيرة النيوزيلاندية



عدل سابقا من قبل hamza25512 في الأربعاء 06 يونيو 2012, 7:09 pm عدل 1 مرات

وعليكم السلام ورحمة الله وبركاته

ياخوي حمزة والله كفيت وفيت لكن انا من بنغازي هالمكاتب ممكن عندهم فروع ؟

وشهاد ة البراءة ياودي يعني خلو من السوابق؟
الفحص ضروري في طرابلس؟والرسوم تدفع للمكتب والا للنيوزلنديين

والدولة فعلا حلووووووووووووووووة وبعيييييييييييييييييييييييييييييييييييييييدة والله غالب

وان شاء الله في ميزان حسناتك

خوي حمزة سامحنى مرة ... عارف الليبيين لما يعسلوا

وبرنامج ايرلندا الجنوبية ، شنو جوا، قريت شوياعليهم معندهم قصة الكشف الطبي

يعني المكاتب هذي تتعامل معهم واجراءاتهم اسهل من النيوزلنديين وشن رايك افضلهم

سلمت ياخوي وبارك الله فيك

السلام عليكم ورحمة الله وبركاته
بالنسبة للمكاتب اللي ذكرتها في طرابلس هذا لايعني انها المكاتب الوحيدة اللي تكمل في البرنامج اكيد فيه مكاتب غيرها ولكن هذه المكاتب اللي متأكد منها شخصيا ونعرف انها ادير في التأشيرة . بالنسبة لي بنغازي أهل مكه ادرى بشعابها وأكيد فيه مكاتب في بنغازي تكمل في البرنامج . وبالنسبة للكشف الطبي النموذج اللي عطوهولي فيه عنوزان عيادتين في طرابس فقط . اما شهادة البرائة عندنا حني في غريان ما فيش في الوقت الحالي واعتقد ان الوضع زي هني عندكم . وتوا خليك ما ايرلندا الجنوبية بالك برنامجها يمشي معاك وخاصة انك من بنغازي لان السفارة في تونس بس مش من الضروري انك تمشيلهم وما يبوش كشف طبي .


هذا موقع السفارة بالقاهرة
http://www.embassyofireland.org.eg/home/index.aspx?id=80954

وهذا عنوان السفارة بمصر
للاستفسار عن التاشيرة من المكتب
Embassy of Ireland
22 Hassan Assem Street
Zamalek
Main Tel:
+ 202 27358264
+ 202 27358547
Visa Office:
+ 202 27356417
Fax:
+202 27362863
Opening Hours: Sunday to Thursday from 9.00 – 12.00


للحصول على التأشيرة المطلوب
--------
-تعبئة النموذج الخاص من الموقع
- -قبول اكاديمي او لغة
-رسالة الدعم المالي
-2 صور شخصية
60يورو
اذا كان هناك شهادة لغة-
------------------------------------

الإرشادات العامة للحصول على التأشيرة من القاهرة
http://www.inis.gov.ie/en/INIS/Information%20on%20completing%20Online%20Application%20Arabic.pdf/Files/Information%20on%20completing%20Online%20Application%20Arabic.pdf


-* استيفاء كافة البيانات المطلوب تدوينها في الاستمارة الخاصة بطلب الحصول على التأشيرة، والتي يفضل تقديمها قبل ثمانية أسابيع من التاريخ المتوقع للسفر إلى أيرلندا.

• ضرورة توقيع الشخص المعني (المتقدم للحصول على التأشيرة) على الاستمارة بنفسه، ويستثنى من هم تحت سن 18 سنة، حيث يمكن لآبائهم التوقيع على الاستمارة نيابةً عنهم.


• أن يكون جواز السفر صالحًا لمدة ستة أشهر - على الأقل - بعد التاريخ المتوقع لمغادرة أيرلندا.


• في حالة الإقامة الطويلة (للعمل أو الدراسة أو مرافقة الزوج)، يفضل أن يكون جواز السفر صالحًا لمدة سنة على الأقل.


• تقوم السفارات الأيرلندية في الخارج باستخدام رمزين لتأشيرة الدخول إلى أيرلندا، حيث تمنح التأشيرة "C" في حالة الزيارات القصيرة، وهو ما يعني أن الحد الأقصي المسموح به للإقامة في الدولة هو تسعون (90) يومًا، ولا يمكن تمديد الإقامة بعد ذلك، في حين أن التأشيرة "D" تسمح لحاملها بالإقامة في أيرلندا لما يزيد عن ثلاثة أشهر بشرط أن يكون مسجلاً في مكتب الهجرة الوطني التابع للشرطة الأيرلندية "Garda National Immigration Bureau".


• إذا كان جواز السفر جديد نسبيًا، يفضل إرفاق جواز السفر القديم للإطلاع على ما قد يتضمنه من تأشيرات سابقة سواءً لأيرلندا أو لأي دولة أخرى.


• في حالة التقدم بأي طلب سابق للحصول على التأشيرة، فإنه لابد من الإشارة لذلك بالاستمارة.


• في حالة رفض السلطات المعنية بأي دولة أخرى منح المتقدم تأشيرة دخول لأراضيها، فإنه لابد من الإشارة لذلك بالاستمارة، كما يفضل تقديم أصل الخطاب الذي أصدرته سلطات الدولة المعنية في هذا الشأن.


• في حالة إقامة أي من أفراد الأسرة أو الأقارب في أيرلندا أو أي دولة أخرى بالاتحاد الأوروبي، فإنه لابد من الإشارة لذلك في الاستمارة، مع تضمين البيانات الأساسية الخاصة بهم (مثل العنوان ورقم التليفون).


• تقدم طالب التأشيرة بما يثبت قدرته على تحمل التكاليف المالية المرتبطة بإقامته في أيرلندا وخاصةً في حالة الإقامة الطويلة.

• في حالة تقدم الشخص بطلب للحصول على تأشيرة بغرض الدراسة وأداء امتحانات مدرسية أو جامعية في أيرلندا "Student or Exam Visa"، ينبغي عليه تقديم خطاب من المدرسة أو الجامعة الأيرلندية يفيد بقبول تسجيله، طبيعة الدراسة، ومواعيد الامتحانات. كما يجب على المتقدم موافاة السفارة الأيرلندية بما يثبت سداد المصروفات الدراسية (تقديم خطاب رسمي من المدرسة أو الكلية يفيد باستلام تلك المصروفات).
فيما يلي بيان بأسعار تأشيرات الدخول لأيرلندا:


• 60 يورو - تأشيرة الدخول لسفرة واحدة.


• 100 يورو – تأشيرة دخول متعددة السفرات.

طبعا هذه البيانات من الموقع تبع السفارة واذا ما تبيش تقدم لوحدك زي ما هو واضح تقدر تقدم من خلال المكاتب طبعا بتدفع الرسوم المدونة 100 يورو على الشخص + تكاليف ارسال الاوراق واعادة ارسالهم بالبريد السريع والمكتب اللي تكمل عنده الاوراق يتكفل بتعبئة النماذج .
نأتي لمعلومات عن ايرلندا وطبعا نحن نتكلم عن ايرلندا الجنوبية وليس الشمالية لان الشمالية تبع بريطانيا ( بلفست ) اما الجنوبية فدولة مستقلة عاصمتها دبلن وعملتها اليورو
http://www.aljazeera.net/mritems/images/2001/10/22/1_62298_1_6.jpg
نظام الدراسة في ايرلندا مشابه لنظام الدراسة في بريطانيا وطبعا اللهجة الايرلندية في اللغة الانجليزية احد افضل اللهجات
وهذه بعض معاهد اللغة في ايرلندا
Ireland: Cork: Cork Language Centre
Ireland: Dublin: Alpha College of English
Ireland: Dublin: Annalivia School of Languages
Ireland: Dublin: Centre of English Studies (CES)
Ireland: Dublin: Kenilworth Language Institute
Ireland: Limerick: Limerick Language Centre

اهم الجامعات في ايرلندا
1
Trinity College Dublin (TCD) / The University of
DublinDublin , CO. Dublin
www.tcd.ie

2
Dublin City University (DCU) / National Institute
for Higher Education, Dublin
Dublin , CO. Dublin
www.dcu.ie

3
National University of Ireland , Cork / University
College Cork (UCC)
Cork / Co. Cork
National University of Ireland - Home Page
www.ucc.ie/en

4
National University of Ireland, Dublin / University
College Dublin (UCD)
Dublin /Co. Dublin
www.ucd.ie/about
ucd.htm

5
National University of Ireland, Galway /
(NUI Galway) /University College Galwa
Galway / Co. Galway
www.nuigalway.ie

6
National University of Ireland , Maynooth /
( NUI Maynooth ) / St Patrick's College
Maynooth / Co. Kildare
www.nuim.ie


7
University of Limerick (U L) /
National Institute for Higher Education
Limerick / Co. Limerick
www.ul.ie

8
Dublin Institute of TechnologyDublin , Dublin www.dit.ie
9
Athlone Institute of Technology
Athlone / Leinster www.ait.ie

10
Galway-Mayo Institute of Technology(GMIT)
Galway-Mayo / Connacht www.gmit.ie

11
Waterford Institute of Technology (WIT)
Waterford/ Munster www.wit.ie


12
the Royal College of Surgeons in Ireland Royal College of Surgeons in Ireland

وكلها جامعات حكومية ما عدا الاخيرة خاصة
الطبيعة في ايرلندا



وطبعا ايرلندا يعبها انها فيها نوع من الغلاء ( ما تنساش ان ما فيش دولة في اوروبا الغربية رخيصة ) بس المنحة انشاء الله كافية .
وفي الاخير اذا كانت اسرتك كبيرة فمكن تكون ايرلندا خيار افضل من نيوزيلاندا وكل دولة ليها مميزاتها وعيوبها واهم شي الاستخارة وانشاء الله ربي يوفقك خوي المنتصر ويوفق جميع اعضاء المنتدي لما فيه الخير

عدل سابقا من قبل hamza25512 في الأربعاء 06 يونيو 2012, 7:14 pm عدل 1 مرات

وعليك السلام ورحمة الله وبركاته

صحيت ياخوي حمزة وبارك الله فيك ع المعلومات القيمة والرائعة الحق

والحمد لله شباب ليبيا منورين

ربي يوفقكم وين ماتمشوا

ياخي حمزة شكرا شكرا............شكرا علي هذه المعلمات ....لقداصبح الاختيار اكثر من ساحة للدراسة بعد ماكنت انفكر ان الساحات محدودة وعرفت معلومات اكثر

والله الا عند حق ياخالد ايرلندا تجمع كل المزايا في رايي... بس ليش نداعكوا بس ع بريطانيا وهما يشرطوا ويبوا طرطشونا من صغارنا...

موفقين