التاشيرة الكندية

السلام عليكم
اخيرا وبعد طول انتظار تم الحصول على التاشيرة الكندية وقد تم تسليمى رسالة مع الجواز وقالولى سلمها لما توصل للبلاد
السؤال هل استطيع فتح الرسالة وكيف اعرف اخر موعد للدخول الى كندا ..... مع خالص الشكر

السلام عليكم . نعم, يمكن أن تفتحها . لأني سألتهم في السفارة وقالوا لي يمكن ان تفتحها ولكن لاتضيعها . هده رسالة تسلم في المطار, وهى تفيد بأنه مسموح لك بالدراسة في كندا . ثمنياتي لك بالتوفيق, وعقبال أخوتنا الاخرين .

السلام عليكم يا عضو wafiganah انا اريد ان أسألك كم سؤال وارجو المساعده
هل بعد التقرير الطبي الذي بعثته الي فرنسا ذهبت واعطوك التأشيره فقط؟ اذكر ليا ماذا فعلت ؟ هل سلمت الجواز في الصبح وعدت في الظيهره واستلتمه او كان هناك مقابله ؟

ثانيا هل اعطوك التأشيره اسبوع قبل الدراسه في كندا او ماذا بالتحديد؟؟

مبارك خوي ...ولعقبه للي يستنوا

وزي ماقالك الاخ بوعمود ... نبوا تفاصيل

موفق

عدل سابقا من قبل المنتصربالله في السبت 02 يونيو 2012, 10:01 pm عدل 1 مرات (السبب : عندك حق خوي اسمحلي)

بوعمود ومبروك عليك والعقبه للي يستنوو

مفش احد اخر يقدر ايفهمنااا .. اي حاجه .. انا قاعد علي نار

سؤال اخر :
هل انت ذاهب علي حسابك الشخصي او علي حساب الدوله
هل اتصلو بيك بالتلفون او عبر الايميل

وشكرا

السلام عليكم
بعد مادرت الكشف الطبى وتاكدت من ان الشحنة وصلت الى فرنسا قعدت استنى قرابة الشهر وبعدين دزولى عن طريق الايميل اعطينا سى فى لمدة عشرة سنوات سابقة اكتبتلهم فى الورد ودزيتهالهم عبر الايميل وقعدت استنى تلاتة اسابيع اخري وبعدين دزولى بالايميل جيب الجواز اعطيتهولهم وبعدين قالولى وللى الساعة 1وليت لكن كان فى خلل فى المنظومة جيت اليوم اللى بعدة الساعة 3 واخدت الجواز وفيه التاشيرة ولا مقابلة ولا اى شىء اخر

شكرا بارك الله فيك .. معلشي انت علي حسابك الخاص ماشي ولا علي حساب الدوله

وانت عطوك التأشيره كم قبل موعد الدراسه .. كم المده قبل اسبوع او كم ....معليشي يا خوي ثقلت عليك

انا على حساب الدولة والدراسة تبدا 7

بالتوفيق يا خوي

مبارك عليك يا اخي الكريم و العقبة لينا يا رب:-)
انا اليوم كيف مشيت للسفارة الساعة 8 على اساس بندير موعد مدايرة روحي مديرة و ماشية بكري لقيتها و الله حق الجماعة نايضين من الفجروات و حاجزين و مروحين. و انا قعدت نتفرج قاللي الموظف تعالي بكري يوم الثلاتاﺀ من 7 سؤالي يا ناس الساعة قداش الواحد يقدر يمشي غادي مش يضمن يسجل موعد في الاكيد يصلي الفجر و يطلع و الا كيف? ? عل الاقل نبلغوا قواتنا مش يقوموا بالواجب

كلا انا عديت الساعه 5ونص .. نوضي وصلي الفجر وافطري واطلع .. لو تبي تضمني روحك ان شاءالله كوني غادي الساعه خمنسه ونص

مبارك خوي ع التاشيرة وبالتوفيق للي ما زالوا
بخصوص الرسالة الأحسن ما تفتحها لان قسم الهجرة في المطارات الكندية ايدقق شوية ومرات ايديرولك مشكلة لانها مفتوحة والشيء الثاني بخصوص اخر موعد لدخولك كندا غالبا يكون بعد اسبوع من موعد الدراسة ويكون مكتوب على ظرف الرسالة اللي خذيته من السفارة وبعد هالموعد الرسالة اطيح صلاحيتها ولازم تمشي تاني للسفارة باش تاخذ وحدة جديدة

السلام عليكم . أختي hanan . بالنسبة للتاريخ المكتوب في الظرف الدي يحوي الرسالة , مكتوب عليه أخر يوم تنتهي فيه صلاحية التأشيرة . وليس له علاقة ببداية الدراسة . وكل ماموجود في الرسالة يشير بانه يجب عليك الدخول الى كندا قبل انتهاء صلاحية ألتأشيرة .

ممكن سوال وارجو الاجابة ماهى الخطوات الواجب اتبعها بعد الحصول على قبول لغة علما بانى اريد دراسة ماجستير على حساب الدولة مع مرافقين كم المدة الكليةللحصول على التاشيرة الكندية وهل يوجد مدارس ليبية

mayar salem كتب:

ممكن سوال وارجو الاجابة ماهى الخطوات الواجب اتبعها بعد الحصول على قبول لغة علما بانى اريد دراسة ماجستير على حساب الدولة مع مرافقين كم المدة الكليةللحصول على التاشيرة الكندية وهل يوجد مدارس ليبية

شكر لوزا والله شوفتو لين دوخت ما فهمت حاجة

mayar salem كتب:

شكر لوزا والله شوفتو لين دوخت ما فهمت حاجة

واين واين يا لوزا نصيب متاعي 40 في مئه ركب فيه بزنس في مكتب متاعنا من غير ما تقولي

yousef_bochum كتب:

واين واين يا لوزا نصيب متاعي 40 في مئه ركب فيه بزنس في مكتب متاعنا من غير ما تقولي

السلام عليكم
لو سمحتم أود أن أستفسر عن التأشيرة الكندية كم مدتها يعني إذا ما سافرت في الموعد المحدد, شن يصير وهل صحيح إن مسموح لي باسبوع واحد فقط بعد بداية الكورس زي ما قالت الأخت حنان, يا ريت تردو علي ضروري, لأني الان أنتظر التأشيرة, وأيضا هل السي في ضروري قصدي هل يطلبو فيه من كل المتقدمين للتأشيرة أم لا, يا ريت للي عنده العلم يرد علي ضروري, وايضا نبي نسأل علي تفويض النقل كم يأخد من الوقت, وشكرا

المده شهرين و مش صحيح يعطوك اسبوع قبل الكورس قصدي مش شرط ممكن علي يوم الكورس وممكن يومين ولو محظوظ يعطوك اسبوع, واجل يطلبو في سي في .. ومرات يدزولك علي الايميل كم سؤال علي السي في اللي كتبته .. وين كنت سنه كذا وشن كنت ادير ... وربي ايوفقك