أسئلة بخصوص اللغة والأيلتس

من لديه المعلومات أرجوا أن يفيدني ..... ماهي الخطوات التي تمكنني من الحصول علي قبول لغه في بريطانيا أرجوكم وضحولي خطوه خطوه لأني موش عارف شى.. بداية وين نمشي للمكاتب التي توفر قبول ولا نراسل على النت وشنوا الاوراق المطلوبه . أرجوكم أفيدوني

قبول اللغة في بريطانيا يحتاج اهم شي نسخة من جواز السفر اللي قيها اسمك وورقة الدعم المالي اذا انت موفد ويوصلك القبول في خلال اسبوع ممكن عن طريق المكاتب عشان تنهي معاك بالمرة الي ان تحجزلك موعد في السفارة وهذا افضل اذا انت ماعندكش خبرة في تعبئة الابليكيشن ومراسلة الجامعات والمكاتب حسب انت وين موجود طرابلس مثلا في عدة مكاتب نعرف منها طالب الغد والموفد اما اذا تبي تنهي اجراءات حجز موعد في السفارة البريطانية بروحك انا نقوللك في دكتور في مقيم في بريطانيا وهو من عرب البيضاء انا جابلي قبول في خلال اسبوع بس لازم تكون موفد لو تبي انا نبعثلك عنوانه

بارك الله فيك أخي نعم انا طالب موفد

هل كل الجامعات البريطانيه تشترط أجتياز أمتحان الإيلتس للقبول

التعديلات الاخيرة اصبح شرط
الايلتس اصبح شرط اساسي حتى الجامعات الطايحة شرطت عليهم الهوم اوفيس ان لازم الطالب يكون عنده 6 لدراسة الماجستير

السلام عليكم
من عنده منكم معلومه كافيه عن الفرق بين الكورسات الاكاديميه والجنرال؟
وشن مفروض ان الواحد يقراء بعد يبي يقدم علي قبول لغه ؟
وشكرا

السلام عليكم

اود الاستفسار عن تكلفة كورس اللغة في الاسبوع الواحد ادا كانت اكتر من 200 باوند بقليل يعني مثلا 225 باوند

هل تتحمل السفارة الليبية مصاريف اللغة وادا رفضت هل في امكانية لدفع الفارق بنفسي علما بأني تحصلت على قبول من معهد امباسي

في اكسفورد

ارجو الرد جزاكم الله خير

عبدالواحد كتب:

السلام عليكم

اود الاستفسار عن تكلفة كورس اللغة في الاسبوع الواحد ادا كانت اكتر من 200 باوند بقليل يعني مثلا 225 باوند

هل تتحمل السفارة الليبية مصاريف اللغة وادا رفضت هل في امكانية لدفع الفارق بنفسي علما بأني تحصلت على قبول من معهد امباسي

في اكسفورد

ارجو الرد جزاكم الله خير

القسم الثقافي حيطالبك بدفع الفارق لان اكثر مبلغ يمكن للقسم الثقافي دفعه هو 200 باوند في الاسبوع ..

السؤ الاول : هل أستطيع أن أتحصل علي قبول لغه فقط من معهد لغه تابع للجامعه مع العلم أن مستوى اللغه مبتدئ . أقصد في بريطانيا السؤال الثاني : ايهما أفضل وأقوى في تعلم اللغه معهد خاص او معهد تابع للجامعه .

السلطني كتب:

السؤ الاول : هل أستطيع أن أتحصل علي قبول لغه فقط من معهد لغه تابع للجامعه مع العلم أن مستوى اللغه مبتدئ . أقصد في بريطانيا السؤال الثاني : ايهما أفضل وأقوى في تعلم اللغه معهد خاص او معهد تابع للجامعه .

السؤال الأول إجابته بالنفي لأن الجامعات لاتقبل مستوى أقل من متوسط لدراسة اللغة فيها

السؤال الثاني إجابته في هذا الموضوع
الصفحة الثانية
http://www.almofad.com/t9322p15-topic

ملاحظة: سيتم نقل هذا الموضوع إلى الموضوع المثبت
(أسئلة بخصوص اللغة والأيلتس)
http://www.almofad.com/t9322p105-topic

اكيد فى شروط لانه عليها زحمة

missfreelibya17 كتب:

السلام عليكم
انا عندى ايلس 5.5 وبنقرا ماجستير تخصصي حاسب الي
والجامعات تطلب ف 6 و 6.6
فلهذا لازم نقرا لغة
وانا نبي الاكاديمي يبدأ في شهر 1 مش في شهر 9 لان مستحيل نستنى لشهر 9 2013

نبي حد يفيدني بجامعه تبدا في شهر 1 و قداش نبي شهر لغه عشان يقبلوني
وشكرا وبارك الله فيكم

بالنسبه لحالتك انا ننصحك تاخدي راحتك و تبدي قرايتك في اللغه في اقرب فرصه الي شهر 9 الي بعد الجاي و علي اي حال انت تبي جو 3-6 اشهر باش توصلي الي الدرجه المطلوبه الي هي 6 و نص .
فيه جامعات عندهم الكورس المطلوب و يبدوا في شهر 1 لكن حسب البحث الي درته توا اكثرهم جامعات متدنيه المستوى زي جامعة كوفنتري و برمنقهام ستي

محمد لاصيبعي كتب:

missfreelibya17 كتب:

ا

بالنسبه لحالتك انا ننصحك تاخدي راحتك و تبدي قرايتك في اللغه في اقرب فرصه الي شهر 9 الي بعد الجاي و علي اي حال انت تبي جو 3-6 اشهر باش توصلي الي الدرجه المطلوبه الي هي 6 و نص .
فيه جامعات عندهم الكورس المطلوب و يبدوا في شهر 1 لكن حسب البحث الي درته توا اكثرهم جامعات متدنيه المستوى زي جامعة كوفنتري و برمنقهام ستي

شكرا وبارك الله فيك

المشكله انى كنت منفذه قرار اللابفاد وماشي منها المده لانى كنت ف استراليا ولظروف روحت ليبيا
لهذا لازم نقرا في اقرب فرصه

تصبري 5 او 6 اشهر و او تقري علي حسابك مده معينه افضل من ان تقري في جامعه زي كوفنتري و الا برمنقهام ستي

محمد لاصيبعي كتب:

تصبري 5 او 6 اشهر و او تقري علي حسابك مده معينه افضل من ان تقري في جامعه زي كوفنتري و الا برمنقهام ستي

بارك الله فيك ع النصيحه وجعله في ميزان حسناتك

ارجو من الاخوة واخص بالذكر الاخ محمد الاصيبعي يقولولي شن سمعة معهد HADFIELD INSTITUTE
بالله الي عنده معلومة يقولي هل هو كويس والا لا؟
واما احسن هو والا شيفيلد كولج؟؟

السلام عليكم اريد ان اعرف هل درجه امتحان الايلتس المطلوبه للقبول الاكاديمى درجه واحده بجيع التخصصات او تختلف باختلاف التخصص بمعنى اخر هل درجه قبول فى ايلتس موحده فى جميع التخصصات وانا تخصصى قانون "الحقوق" ونبى ندرس القانون التجارى الدولى هل تكفينى مثلا 6.5 اوا حتاج الى اكثر لحتى احصل على قبول الاكاديمى

السلام عليكم
تختلف من جامعة الى جامعة اخرى وتختلف من تخصص لتخصص اخر فى نفس الجامعة
مثلا الحاسوب محتاج من 6 الى 7.5 كل جامعة تطلب عليك درجة فى الايلس احيانا مختلفة عن جامعة اخرى
كذلك فى التخصصات الاخرى ربما جامعة طلب عليك 6 واخرى تطلب عليك 6.5 لكن الان الجامعات تطلب فى 6 على اقل تقدير
بس 6 ان شاء الله تأدى الغرض
والله ولى التوفيق

مشكور خوى محمد على معلومه بارك الله فيك

اخواني السلام عليكم
ما رائكم في معهد اللغة في جامعة مانشستر هل مستواه جيد
هل هو افضل ام معهد اللغة في جامعة ليدز افضل؟
ارجو الرد
لان محتارة فعلا
اريد ان ادرس في معهد ممتاز واتحصل على درجة 6.5 ايلتس
واريد افضل المعاهد في بريطانيا

في معهد اسمه leeds english laguage school او بوب معهد ممتاز في مدينة ليدز وحصلت فيه قبول وبسهولة ومشكور هلبة في اغلب المواقع العربية والخليجية
بالنسبة لمانشستر يعاب عليها حسب المتداول في المواقع عليها كثرة العرب والليبيين في معاهد اللغة
وانشاء الله بالتوفيق

شكرا اخي لردك
عندي سؤال ايضا هل هذا المعهد في ليدز يعطي قبول دون ان يطلب درجة ايلتس 4
يعني يعطي قبول لمستوى مبتدئ؟