(خواتي موفدات بطرابلس)

السلام عليكم ورحمة الله وبركاته

طبعا انا موفدة من بنغازي,,,,,وعندي مشكله غريبه من نوعها واتمني من خواتي في طرابلس يوقفن معاي!!!

رسالة الدعم المالي صدرت من طرابلس من اسبوعين ولما راسلت بيها المكتب الكندي
هنأني المكتب وفرح بيا وقالي ابعثي جواز سفرك وعبي الابليكيشن اون لاين وانتظري قليلا لعند
نراسلوا وزارة التعليم في ليبيا ونتأكدوا انك مدعومه من دولتك,,,,,

لعند هنا تمام,,,,,,كل يوم نلقي رساله من المكتب الكندي علي ايميلي بأن وزارة التعليم الي الان لم تزودهم بالتأكيد بأني موفده من ليبيا؟؟؟؟ يعني المكتب الكندي يراسل فيهم والجماعه في طرابلس مش مدورين!!!

ياريت لو وحده من خواتي في طرابلس تشوفلي قصة تأخير رد البعثات علي المكتب الكندي لاني فديت,,,,

وشكرا هلبه هلبه هلبه مقدما,,,,,,,

لوزا

شكله الموضوع محرج؟؟؟؟ولا انا غلطت بطلب المساعده؟؟؟؟؟والله العظيم انحرجت بكل!!!

وسعي بالك ياأختي ... ممارنش عشر دقائق

اكيدة الاخوات مايقصروش... والا كلميهم بالهاتف بالك ينقدوا ويردوا..... والا المراسل في الحميضة.... هذا حسين كل ذي عاهة جبار يحساب الايفاد من جيب بوه

الله المستعان


ان شاء خير يااختي توكلي على الله

وسعت بالي لدرجة راح مني,,,,
انا ماعندي رقم البعثات في طرابلس ولا ايميلهم من الاساس
والمكتب الكندي راسلهم لكن مفش استجابه منهم؟؟؟؟
يعني شن اندير توه انا!!! بلادي اتفوت فيا وانا مازلت فيها!!!! امالا كان نطلع
برة يقولوا عني مجرم حرب ومطلوب للعداله؟؟؟؟ مش معامله هذي!!!

يعني انسافر لطرابلس عشان انقول كلمتيين لادارة البعثات بان يردوا علي المكتب الكندي!!!
يعني طرابلس ورا حوشنا!!!!!

لوزا كتب:

وسعت بالي لدرجة راح مني,,,,
انا ماعندي رقم البعثات في طرابلس ولا ايميلهم من الاساس
والمكتب الكندي راسلهم لكن مفش استجابه منهم؟؟؟؟
يعني شن اندير توه انا!!! بلادي اتفوت فيا وانا مازلت فيها!!!! امالا كان نطلع
برة يقولوا عني مجرم حرب ومطلوب للعداله؟؟؟؟ مش معامله هذي!!!

يعني انسافر لطرابلس عشان انقول كلمتيين لادارة البعثات بان يردوا علي المكتب الكندي!!!
يعني طرابلس ورا حوشنا!!!!!

تطلق طير وتجري تحته ...

لا مش ضروري تجي طرابلس بس نقولك انا كانت مشكلتي نفس مشكلتك
بس التقيت وتاني شي مش حاينفعوك البعتات بحاجة لانهم راح يقولوك كلمتين بعتناها ف البراق شوفي اسامه انا بعد مش وجي نصيب التقبت مع مندوب مكتب الكندي ف العتات يومها كان جاي زيارة وحكيتله ع قصه شاف لاب توب لقاني عنده تحت الاجراء و بعد يومين توصلك من الموظفه فاقولتلا علاش تعطيل قالي انهم مرات يعطلوا ف ترجمه الرسايل الابراق لتجيهم من البعتات لانها تمر ع الترجمه قبل ماتوصل للموظفين المكتب ولو تحبي مساعدة كلمني ع الخاص حانقولك ع حل نشالله يمشي معااااك

اختي الله يكون في عونك الحمد الله قرار متاعك نزل و دعم المالي هذه مهم يعني في يديك قرار تمام و باقي الاجرارت ضروري تعرفي انتي في ليبيا يعني مستحيل تلق الاجرارت سريعه او بسيط لا بي الوسطه الله يكون في عونك صبر يا اختي ما تخدي لا نصيبك في دنيا

yousef_bochum كتب:

اختي الله يكون في عونك الحمد الله قرار متاعك نزل و دعم المالي هذه مهم يعني في يديك قرار تمام و باقي الاجرارت ضروري تعرفي انتي في ليبيا يعني مستحيل تلق الاجرارت سريعه او بسيط لا بي الوسطه الله يكون في عونك صبر يا اختي ما تخدي لا نصيبك في دنيا

يايوسف انت ايدك في الميه مش كيفي انا ايفادي من 2009 وهذي ثالث رسالة دعم انحصلها ومشجوريني بكل

كيف اندير ,,,,معش فيه صبر,,,,كل ورقه تاخذ شهر!!!! امتي ان شالله نبي انسافر؟؟؟؟
يعني ايفادي يطلع وانا عمري 24 وانسافر في 30,,,,,شنوا القصه الحزينه هذي!!!!

يا وخيتي انا رهو مش طالب من الاخير و طلع ايفاد من دوله و عمره صرفت علي قرش و حمد الله طلعت علي حسابي خاص و كملت درسه لكن يا وخيتي تبي ايفاد من دوله ليبيه معقول مفش تشحيور 4 او 5 سنين متجيش يا وخيتي كان قرار الايفاد تم في 6 شهورا معانها عرف روحك في المانيا مش في ليبيا
بتوفيق يا اختي

تشحوير ضروري منه بس بالمعقول

والله يا خوي شي غريب نحن ليبين من الاخير في الصبر تلقه 5 سنوات يصبر علي شي و مشكل انا موضوع وقف علي توقيع شخص فقط لكن هذه كله مكتوب و نصيب من عند الله

حسبي الله ونعم الوكيل,,,,,والله المستعان علي ما تصفون

السلام عليكم
شن تبي يا لوزا بالضبط اني بنمشي الاسبوع هذا للبعثات تبي نسالك مشرف الساحة الكندية والا شني

وهل طلعت رسالة الدعم من الوزارة بانك عندك ايفاد وهذه يعطوا فيها جماعات البعثات تمشي تستلميها وتبعتيها للمكتب الكندي وبعدين المكتب الكندي يبعتلك رسالة الدعم الخاصة بالمكتب الكندي

حوحو كتب:

وهل طلعت رسالة الدعم من الوزارة بانك عندك ايفاد وهذه يعطوا فيها جماعات البعثات تمشي تستلميها وتبعتيها للمكتب الكندي وبعدين المكتب الكندي يبعتلك رسالة الدعم الخاصة بالمكتب الكندي

نجك ليا حوحو انت الانثي الوحيده الي جبرت خاطري .....ربي يحفظك
انا حصلت رسالة الدعم لغرض القبول لكندا وأرسلتها للمكتب الكندي
رد عليا الخبير التعليمي بانهم حيراسلوا وزارة التعليم في ليبيا عشان
يحصلوا تاكيد بأني طالبه موفده من الدوله,,,,
ولما المكتب الكندي راسل الجهة المسؤوله عن رسالة الدعم,,,,,,لم يتم الرد من قبل وزارة التعليم
وانا ننتظر والمكتب الكندي ايضا ينتظر في الرد والدوله لم ترد الي الان علي ايميل المكتب الكندي؟؟؟؟

وخيتي الله يكون عونك و ان شاء الله قريبا توصل كل الاورق و تم الاجرارت و تمش لي كندا بس رك تنسي زميته و قديد رهو مفش غادي مش شهرين و تقولي نبي ماما و بابا و صحابتي مفش غادي قصقصه رهو

yousef_bochum كتب:

وخيتي الله يكون عونك و ان شاء الله قريبا توصل كل الاورق و تم الاجرارت و تمش لي كندا بس رك تنسي زميته و قديد رهو مفش غادي مش شهرين و تقولي نبي ماما و بابا و صحابتي مفش غادي قصقصه رهو

الله يرحمه يا وخيتي و اسف انا فتحت عليك المواجع

yousef_bochum كتب:

الله يرحمه يا وخيتي و اسف انا فتحت عليك المواجع

هههههههههه زعمه ملح الصابري او النخيل ههههههههه