اعلان الى جميع الطلبة الاوائل المعاهد العليا من سنة 2001 الى 2007

السلام عليكم ورحمة الله وبركاته
اخوتى الطلبة الاعزاء
بعد التحية

انا احد الطلبة الاوائل من المعاهد العليا لسنة 2001 اخوتى الاعزاء يجب ان يحدد مصيرنا كاباقى الطلبة لان قوائمنا موجودة فى ادارة المعاهد العليا من قبل الناس اللى طلعوا توا فى القرارات نحن لانحسد احد ربى يوفقهم انشاء الله ولكن من المفترض ان تكون هناك اولوية لطلبة تالاوائل فى السنوات التى قبلهم لهدا علينا نحن الخريجين والمتحصلين على التراتيب الثلات الاوائل من السنوات المحددة 2001 الى 2007 علينا نسعى مع بعض ونكتف جهودنا ويد الله مع الجماعة وان ننسق على اعتصام لى نحدد فيه مصيرنا وادعوا جميع الاوائل بالمبادرة بالتنسيق والله ياشباب مع العزيمة والاصرار يتحقق المراد لكن انخلوا حقنا يضيع فهدا لايرضى الجميع


اخوكم عبد الحميد الدباجى

نحن معك اخى الكريم ولازم انديروا راى فى الموضوع فى اقرب وقت ممكن ويجب التكاتف من الجميع

الأوائل لم يصدر بحقهم شيئ واحب أن أوضح ان المستهدفين على حد قول الإدارة هم الترتيب الأول فقط وليس الثلاتة كما كان في السابق انا احد اوائل 2007

القوائم قاعدات في ادراة المعاهد العليا و تتضمن الثلاث الاوائل من كل دفعه ومن كل تخصص, و ياريت يديرو فيهن راي, حتي احني عندنا حق فالدراسه. و اني احد الطلبه الاوائل.
و بالنسبه للاستهداف خيرهم يغيرو فاها, تي المفروض يقرو العشره الاوائل من كل دفعه مش غر الثلاث الاوائل. ليبيا تبي زيادة الكفائات و تطوير القدرات بيش نواكبو الحضاره مش يعجزو فينا بشروطهم الي كل يوم طالع شرط جديد. تي خلي الشعب ياخذ حقه بعد ما عاش الطمس و التهميش الي خلفنا و اخرنا عالعالم.
الي كل الادارات المسؤوله بالله عليكم ماتحرمو حد من حقه و خلو الطلبه يقرو مش بس علي شانهم علي شان ليبيا و مستقبلها.
تحياتي
معاكم و باذن الله انديرو راي

السلام عليكم ورحمه الله وبركاته
اخوتي الطلبة الاوائل خريجي المعاهد العليا من سنة(2001 ----2007) نامل منكم اخد الموضوع بموضع الجدية و السعي في هالموضوع لانه في مصلحة الجميع ياجماعة حطو شي في بالكم يد الله معه الجماعه فعليكم بالجماعة نبو منكم البداية و البداية هي الانطالاقة و الانطلاقة اتكون فيكم انتم اصحاب الموضوع لان مافيش حد بيجيك وايقولك راهو عندك قرار ايفاد وربي قال اسعى ياعبدي فالسعي واجب ونبو من كل واحد يعرف الاوائل في اطار المنطقة اللي هو واقع فيها يعلم هالناس بالموضوع و هكذا الى ان نتحصل على اسماء الاوائل بالكامل و هي نقطة الانطلاقة الحقيقية اللي نبدو منها ويكون هالموضوع في اسرع وقت ممكن معلية نطلب المعلومات الاتية من كل خريج وهي كالاتي :-
1.الاسم 2.التخصص 3.مكان الحصول علية 4.تاريخ التخرخ 5.افادة من المعهد تقر بانك الاول في تلك السنة
مانبوش حق اي حد ايضع راهو اسعو راهو اسعو راهو اسعو
و الله ولي التوفيق
والسلام عليكم ورحمه الله وبركاتة
اخوكم محمد بركه

واللهِ ياريت ،،بس لو حد عنده القوائم ياريت اينزلها لنا عالموقع

السلام عليكم
أنا استغرب الصراحة لأن طرحت هذا الموضوع عالمنتدى ومعاه الرسالة الموجهة من البعثات للمعاهد والكليات التقنية بخصوص الأوائل من سنة 2007 فقط من شهرين ولم يستجب أحد وظننت أنى الوحيد لم أوفد علماً بأن الأول على الدفعة سنة 2002 من معهد غوط الشعال

حيث يمكنكم مشاهدة الروابط القديمة بهذا الخصوص وهناك رابط أخر للرسالة ولكنى لم أتذكره

http://www.almofad.com/t8131-topic
http://www.almofad.com/t8156-topic


سابقاً ولكن تمت إثارة الموضوع لما أوشك صدور القرار وقرب الإنتخابات وممكن تغيير الوزراء

على كل حال نتمنى وقفة جادة من الجميع وانى شخصياً مستعد لأى شى بشرط تكون المطالبة بحقوقنا بأسلوب حضارى ولايؤثر على المصلحة العامة للبلد

والتوفيق للجميع

وعاشت ليبيا حرة أبية

السلام عليكم

وأرفق إليكم الرابط الأخر القديم على موضوع الأوائل المعاهد والكليات التقنية ما قبل 2007


http://www.almofad.com/t8224-topic
ن
تمن التنسيق بين الشباب

نسأل الله أن يوفقا لما نحبه ونرضاه

خطأ مطبعى لأنى كنت مستعج

نسأل الله أن يوفقنا لما يحبه ويرضاه

الأخ shreef dabaji
ماذا تقصد بى "لان قوائمنا موجودة فى ادارة المعاهد العليا من قبل الناس اللى طلعوا توا فى القرارات"
هل تمت مراسلة المعاهد العليا والكليات التقنية بخصوص أسماء أوائل ما قبل 2007
وهل هذا تم قبل أو بعد المراسلة للأوائل من 2007
لأننا لمن نسمع بهذا لشىء فلو الأسماء موجودة لأوائل ما قبل 2007 فهذا لوحده خبر جيد ويعنى هناك أمل لإصدار قرار
نأمل التوضيح

وبارك الله فيك

السلام عليكم
انا لالا اريد ان أحبطكم!!!
ولكن المستهدفون هم فقط الاول في دفعة 2009-2010 2010-1011
للاسف وكل القوائم التي طلبيت من المعاهد كانت للاحتياط بينما وزارة التعليم العالي لم تطلب الا ما سلف ذكره..
فوااااأسفاه

باهى يعنى هذا الشىء سيزيد من قوة التظلم الذى سيتم تقديمى للوزارة من الطلبة للأوائل من سنة 2000 حتى 2009

والنصيب على الله

السلام عليكم

واضح إن معظم الأوائل غير مسجلين بالمنتدى

لأن الإستجابة محدودة جداً
والموضوع يحتاج وقفة جماعية وجادة لأن زى ما قلتلكم قبل أكثر من موظف نسأله مثل فى إدارة المعاهد قبل شهرين تناقشت معاهم كيف يصير فى أوائل المعاهد العليا المحرومين من الإيفاد أيام المقبور وعلاش يطلبوا أوائل من 2007 فقط و اهو زى ما قالوا ممكن ياخذوا من 2009 فقط قالى الموظف لو تتكلموا يدرولكم راى الوزارة

لكن ما فيش وقفة جادة

والله الموفق

شن رايكم ننشروا الموضوع عالفيس بوك؟

كونوا معنا يوم 18 -6 10 صباحا
هدفنا العدالة وعدم تهميش الكفاءات لحساب الواسطات
افضل حل لادارة البعثات هو الاعتصام




يمكن المتابعة هنا
https://www.facebook.com/Libyanstudent

او هنا

https://www.facebook.com/angry.ly.students

ياشباب موضوع الأوائل الذين لم يصدر فيهم قرار من سنة 2000 عند وزارة التعليم العالى
خلينا نعملوا فى الإتجاه الصحيح
أنى نقترح نقدموا تظلم بالأسماء لوزارة التعليم بشأن أوائل الدفعات المعاهد العليا مثلا من سنة 2000
ولا شن رأى الشباب

السلام عليكم ورحمه الله وبركاته
بعد التحية
الاخ اللي يسئال شن يكم نشرو الموضوع عالفيس بوك انا من راي باش توصل المعلومه للجميع ما فيش اي مشكلة اهم شي احنا نبو المعلومة توصل بطريقة حضارية و اسلوب جيد وانا انيدك على هالفكرة الجملية يا اخي و الله فرحنا بعد لقينا عدة ردوود هدا هو الصح ياشباب
زي ماعلق احد الشباب ما نبيش انفشلكم حسيت منكم البداية كانت ممتازة ولاكن الان في نوع من الكسل وين ياشباب راهو اصحو او خاونا اناصلو المشوار
و بالتوفيق للجميع
و السلام عليكم ورحمه الله وبركاته
محمد بركه

و الله ما فيش اي مشكله انقدمو تضلم لوزارة التعليم العالي وهدي فكرة ممتازة

خلينا ننسق مع بعض ياشباب باش يمشى الامور ميه فى ميه

السلام عليكم
باهى حنى توا تقريباً خمسة أشخاص فقط علقت عالموضوع
هل ينفع نقدموا تظلم بهذا العدد فقط أو يمكن إيصال المعلومة للأخرين
أنى شخصياً ما نعرفش حد فى منطقتى من أوائل المعاهد العليا
أنى نقترح كل واحد من الأوائل يبلغ أوائل دفعته فى مختلف التخصصات والذى يعرفه من الأوائل فى المعهد الذى درس به ويبحث مثلا على صفحة المعهد عالفيس أو عالنت ويبلغهم بأننا سنقوم بإرسال تظلم وبعدين كتابة التظلم سهلة وممكن نشاركوا فيها ونعدلوا عالمنتدى ونتلاقوا فى مكان ولو بجانب الوزارة ونوقعوا على التظلم ويقدموه 3 أو 4 اشخاص

أفيدونا برايكم
ونسأل الله التوفيق فى ذلك
نتمنى الإستعجال لأن الموضوع لا يستحمل التأخير لأننا داخلين على إنتخابات

السلام عليكم ورحمة الله وبركاته

اخى العزيز kh والمهتم بالموضوع انى معنديش مشكلة اخى نهائيا وخلينا ننسق مع بعض وهدا رقمى 0925549403 وخلينا نسق مع بعض

بالله سؤال ، وين القرار للخريجين بعد 2007 هوا نزل اصلاً ؟ و الا دوة بس ؟

سجلت بالمنتدى الكساد لطرح المعلومة
طرحت الموضوع فى منتدى الكساد كلية تقنيات الحاسوب (معهد غوط الشعال سابقا)

نتمنى إيصال المعلومة