تجهيز وعمل دؤوب من ادارة المعاهد العليا ....لتنفيذ القرارات الجديدة .....كل الشكر لهم..

بسم الله الرحمن الرحيم .....

من خلال حديث مع أحد الاصدقاء التابعين بادارة المعاهد العليا .....حيث افاد بأنه يجري حاليا العمل على تجهيز رسائل الدعم المالي الخاص بالقبول بفريق وروح وعمل جماعي منظم ....و من خلال ساعات دوام تصل الى 12 ساعة في اليوم ....هذا الفريق المتكون من الدكتور احمد حبلوص ( مدير الشئون الادارية والمالية بالادارة ) ....والاستاذ علي دخيل مدير مكتب الشئون العلمية ...والمكلف بوظيفة مندوب الموفدين للمعاهد العليا ...وعدد من العاملين بالادارة .....
المعلومات الاخرى التي سمعناها مفادها ان الادارة ( ادارة المعاهد العليا عن طريق المندوب ) هي المسئولة عن تجهيز اوراق الدعم المالي للقبول ..

فلهم كل الشكر على مجهوداتهم ....ونود ان نشير اليهم بان سرعة بداية الاجراءات ستساهم في البداية بالتاريخ المحدد للدراسة في كافة جامعات العالم ..... ولا تضيع على الموفدين فرصة الدراسة هذه السنة ...سواء كدراسة لغة او اكاديمية .....

نكرر شكرنا لهم ....وننتظر البداية بفارغ الصبر .....

السلام عليكم ....
ليبيا المستقبل

بصراحه يا خزي( ليبيا المستقبل) اني من شهر 3 اللي فات واني نقول الجماعة اللي في البعتاث يخدمو بقلب ورب

لكن نظرا الى ان بعض خوتنا اللي مشت في دمهم عدم الثقه ,,,,واني شخصيا عاذرهم لان زمان ايامات الجماهيرية معظم الليبيين كانا مش كلهم معاش عندهم ثقه في المؤسسات والمسؤوليين

لكن انشاء الله اللي جاي خير

والثقه في الله

(ومن يتوكل على الله فهو حسبه)

و بكل صراحة أثمن جهود العاملين في ادارة البعتاث

لان بجديات دق في الخدمه وبس (فتره صباحيه+فتره مسائية)

هذا اللي شفته وتأكدت منه

وربي يوفق الجميع

akram huossian كتب:

بصراحه يا خزي( ليبيا المستقبل) اني من شهر 3 اللي فات واني نقول الجماعة اللي في البعتاث يخدمو بقلب ورب

لكن نظرا الى ان بعض خوتنا اللي مشت في دمهم عدم الثقه ,,,,واني شخصيا عاذرهم لان زمان ايامات الجماهيرية معظم الليبيين كانا مش كلهم معاش عندهم ثقه في المؤسسات والمسؤوليين

لكن انشاء الله اللي جاي خير

والثقه في الله

(ومن يتوكل على الله فهو حسبه)

و بكل صراحة أثمن جهود العاملين في ادارة البعتاث

لان بجديات دق في الخدمه وبس (فتره صباحيه+فتره مسائية)

هذا اللي شفته وتأكدت منه

وربي يوفق الجميع

>>>>>>>>>>>>>>>>>>>>>>>>>

بارك الله فيك ..اخي اكرم ....والله نحن في حاجة لشكر كل من يعمل ...وهذا اقل شئ نفعله ....لزيادة الثقة في هؤلاء الناس


بارك الله فيك

اني يا خوي قلت الحق اللي صاير

لا اكثر ولا اقل

والحق احق ان يتبع

اخ ليبيا المستقبل

بخصوص رسالة الدعم المالي مزبوطة من ادارة المعاهد الان والاستاذ علي دخيل يوم السبت القادم او الاحد راح يمشي لدكتور طاهر بن طاهر عشان ايحددله الساحة او يبداء في الاجراءات

او المعلومة الي عندي الساحة المفتوحة اورباء او امريكا او ماليزيا احتمال يفتحوه لانهم سكروه

ربي يوفقكم

عدل سابقا من قبل salem elzway في الجمعة 15 يونيو 2012, 3:13 am عدل 1 مرات

هل القرار الذي سيصدر بخصوص أوائل خريجي المعاهد العليا والكليات التقنية من سنة 2007 ال 2011.

أنا خريج هندسة حاسب الي شعبة شبكات 2008 من كلية الهندسة التقنية // جنزور. كان في السابق معهد عالي يعرف بي المركز العالي للمهن الميكانيكة //جنزور( نصر الدين القمي ).

والحمد لله كنت أنا الترتيب الاول في تلك الدفعة.


لذلك هل القرار الذي سيصدر هو بخصوص الخريجين الأوائل للمعاهد العليا والكليات التقنية.



وشكرا لكم



عاشت ليبيا حره ابيه

بإذن الله

وحسب كلامك حينزل اسمك بالقوائم المرفقة بالقرارات الجديدة الخاصة بالاوائل

تفائل خير خوي محمد

بالتوفيق للجميع

الاخ: ليبيا المستقبل ... هل هذا الكلام ينطبق على الكليات التقنية والا المعاهد العليا فقط. اي هل الكليات مندوبهم بروحه
لأن الكليات ما عندها شئ

اخي مفتاح السلام عليكم ....

سيكون هناك مندوب للكليات التقنية ....وهذا افضل لكم ....لان العدد اقل ...ويسهل التعامل مع المندوب .....فقط حاولوا ان تتواصللواما ادارة الكليات التقنية ....ووفقك الله

بارك الله فيك يا ليبيا المستقبل على هذه المعلومات القيمه