عــلاش ؟؟ عـــلاش ؟؟ يا ليبيانا ؟؟

عــلاش لما تمشي لأي دولة في العالم .. وخصوصا جيرانا .. تقدر تاخد شفرة اتصالات بي 5 دينار .. سواء في مصـر أو تونس ؟؟؟

عــلاش في ليبيا الشفرة بي 120 دينار .. 20 دينار شفرة (وهلبة فيها) و 100 دينار رصيد ؟؟
... بـاهي أنا عندي 25 دينار .. 20 دينار بناخد بها شفرة .. و 5 دينار بنعبي بيها رصيد .. أنا نوعي شادها رنات بس ..
عــلاش تفرض عليا 100 دينار رصيد ؟؟ علاش تستعمل في سياسة خود ولا خلي ؟؟ علاش تلويلي في ذراعي ؟؟ ولدي وبنتي كبرت بناخدلها شفرة علاش تحشيهولي ؟؟؟ علاش الأحتكار والأستغلال و الربح السريع في المواطن ؟؟ علاش ماديرليش بـدائل وخيارات .. نختار نوع الأتصالات اللي نبيها .. فودافون .. تيلكوم ..الخ

وانت الصادق في مصر اتصالات ب 4 جنيه مصري وموبينيل ب 2 جنيه مصري وفيها رصيد
يعني واحد بجنيه والثانية بربع جنيه ليبي
خلينا من اسعارالمكالمات اي رقم داخل مصر 15 قرش مصري يعني مفروض 3 قروش ليبي

والله انا موجود فى مصر عندى شفرة فودافون وموبينيل واتصالات وحده شريتها 2 جنيه فيها رصيد جنيه والاثنين الاخرات مجانا هديه من شركة اتصالات يعنى الشفرة بدون قيمه ومعا ذالك ثمن الدقيقة رخيص ويوجد الكثير من العروض يعنى تستطيع ان تشترك فى عرض
تتصل بى اربع ارقام فقط طول اليوم مجانى ويخصمو منك 60 قرش مصرى فى اليوم
هذا عرض من عررررررررررررررررررروض تى والله مهزلة الاتصاللات فى ليبيا

الان شفرت ليبيانا اصبحت تباع بعشره دينار ومدار بعشره دينار ,,لكن المشكله ليس على طول كل كم يوم يحددو وقت للبيع والناس زاحمه على الشفرات ,,تقول بيأخذو قروض,,


ممكن مع الوقت تصلح ,,لان الشعب الليبي وبالاخص منطقه الشرقيه ما يقدروش يتكلمو مع شركه لبيبانا لان فى ايام الثوره من شهر 3 الي 12 وليبياانا مجانا رصيد على طول
يكلفك غير الشحن الموبايل فقط,,لان الكهرباء كانت شبه مقطوعه,,

ان شاءالله خير

صدقت يافاهم لو فى شركات خاصه كثيره ممكن يتنافسو والكل يرخص من عنده ,,

الاتصالات في ليبيا سيئة جدا للاسف وليبيانا هذه خردة صينية لاتغطية كويسة ولا سعر زي الناس لاحضوا دولة مثل تونس الدولي ب30 قرش الدقيقة مع تخفيضات وديما رصيد مجاني وتخفيض في الليل شبه مجاني ..الخ كما اوضحتم الصورة عن مصر..في طرابلس مثلا ضروري يكون عندك ليبيانا ومدار واحيانا ماتستفيد منهم شارع فيه مدار ومافيه ليبيانا والعكس وفيه اللي يعرف رقم واحد يدورك مايلقاك ...انت والحظ يعني ..سعر المكالمة غالي خصوصا الدولى ومستوى الخدمات سيئ

الايام حتثبت يا فاهم ان السبب الثاني هو السبب الحقيقي اكثر
السبب الاول ممكن له تاثير بسيط

الووووووووو نسمع فيك ياموند

السبب يعود إلى الاحتكــــار الاحتكـار ،، هما على الارض شركتين مدار وليبيـانـا ،، ولكن في الواقع ـ مـافيـا واحدة برئيس واحد (ابن المقبور ) يعني الاختلاف في الأرقـام 091 ـ 092

ولكن في الجديــد نـــاملــوا خير بعون الله ،،،،