متلخبطه ومش عارفه كيف نبدا

انا معيده فى الصيدله (قسم علم السموم)
ونبى نقرا الماستر فى امريكا
ليا اسبوع نبحث فى النت تشتت اكتر وقريت مواااااضيع واجد بس مش عارفه من وين نبدا
اول شى درته شفت موقع الهوت كورسس عشان التخصص متاعى ولقيت جامعات
بس مش عارفه هل طريقه البحث صح ولا فى مواقع افضل وكيف نعرف ان الجامعه هذى افضل من غيرها
ونختار المدينه اللى نبي نعيش فيها على اى اساس
والمعهد والعائله اللى نبى نسكن عندها
وكل شى معاااااااش عرفت نبدا وكيف اساسا نبدا
خايفه يجيني احباااااااااااااااااااط

انتى شنو ماشية تقرى لغة قبل و الا لغتك كويسة؟ لو تبى تبدى دراسة اللغة ركزى توا على افضل المعاهد والجامعات اللى تعطى كرسات كويسة و بعدين عندك الوقت الكافى تدورى على قبول. اذا كان لغتك كويسة دبرى كيف تديرى امتحان التوفل قبل كل شى

الرابط هذا فيه افضل الجامعات فى تخصص الصيدلة

http://grad-schools.usnews.rankingsandreviews.com/best-graduate-schools/top-health-schools/pharmacy-rankings

خشى على مواقع الجامعات هذى و شوفى شنو المطلوب فى القبول و شن الاوراق المطلوبة

تقدرى تستخدمى موقع ويكيبيديا (بالنجليزى) لاخذ فكرة عامة عن كل جامعة ووين موجود الحرم الجامعى فى اى مدينة و بعدها تقدرى تدورى معلومات على المدينة من ناحية المناخ و معدل الجريمة و الاعراق الموجودة و تكلفة المعيشة....الخ

و طبعا افضل شى تتواصلى مع الطلبة الموجودين غادى فى نفس التخصص تفهمى منهم بالزبط

انشالله نكون افدتك

نفس الشعور