التأشيرة الأيرلندية

هل للحصول على الـتأشيرة الأيرلندية بالنسبة لإيفاد الدكتوراه تشترط السفارة أن يكون لديك لغة للحصول على التأشيرة بمعني هل لابد وأن تحضر لهم ما يفيد إجتبازك لإختبار التوفل أو الأيلتس ، ياريت اللي متأكد يعطي الإجابة

Z K M R كتب:

هل للحصول على الـتأشيرة الأيرلندية بالنسبة لإيفاد الدكتوراه تشترط السفارة أن يكون لديك لغة للحصول على التأشيرة بمعني هل لابد وأن تحضر لهم ما يفيد إجتبازك لإختبار التوفل أو الأيلتس ، ياريت اللي متأكد يعطي الإجابة

والله موضوع ايرلندا غامض شوية... اني ايضاً ايفادي دكتوراه ومفكر في ايرلندا لمشاكل السفارة الانجليزية وحاولت انحصل قبول ولكن المشكلة ماتلقاش حد تسأله عن الحياة والمعيشة والمدارس الليبية وهل المنحة تكفي او لا
فياريت لو في احد له دراية بالدارسة في ايرلندا يفيدنا وهل التأ شيرة اقل مشاكل من بريطانيا اما نفس الشئ

السلام عليكم.

أنا عندي صديقي عندهخ إيفاد والآن فعله واختار الساحة الإيرلندية.
المهم بالنسبة للقبول فيه هوا اللي جابله القبول . اسم المكتب حاليا نسيته انحاول انجيب اسمه. وعلى ما اعتقد نفس المكتب يجيبلك التأشيرة مقابل مبلغ مالي لأن التأشيرة ياخذوا فيها من أبوظبي,,, لكن عن طريق المكتب يجبلك التأشيرة لعندك.

بالنسبة للمعيشة ليس لدي معلومات كافية.

حبيت انشاركم بما لدي من معلومات وإذا تحصلت على ملعومات أكثر سأفيدكم بها

موفقين

شكرا للاخ elgassier على الرد ولكن بصراحة المعلومات قليلة على ايرلندا تخلي الواحد يخاف ان يتوجه اليها.... فأغلب الطلبة
يختارو بريطانيا
فنرجو من الاخوة الدراسين فيها تزويدنا بمعلومات خصوصا المعيشة وتكاليفها وهل المنحة تكفي او لا

وجدت هذا الموضوع في هذا المنتدى.
أحد الأعضاء يتكلم عن الدراسة في إيرلندا،، ورابط الموضوع:
http://www.almofad.com/t6719-topic

كما تجد في أحد الردود رابط آخر تعرف عن إيرلندا أكثر.

السلام عليكم خوتي , اني طالب عندي منحة من الثانوي و حتى اني انفكر في ايرلندا و المعلومات شوية هلبة يعني كيف انعبي الابلكاشن و كيف نعرف شيني السستم امتع القراية امتعهم و اما افضل الجامعات و للاسف ادارة البعثات اتقولك كل هدا دبره بروحك ياريت احد الاخوة الطلبة في ايرلندا يفيدنا و لو بمعلومة بسيطة اني نبي نقرأ بشري شني لازم انديل؟؟؟؟؟؟؟؟و موفقين

ياريت كل واحد كم خذت منه التاشيرة من وقت

وسمعت ان السفارة تطلب في تحويل من حساب الي حساب ومترضاش بتحويل مالي فكيف الرااااااااي

في مكتب اسمه المركز الليبي الايرلندي اتصلت بيه و قالولي انهم يوفروا في القبول اللغة و الاكاديمي و التأشيرة و حتى لما توصل غاديكا تلقى الفرع في ايرلندا لكن بما اني طالب بكالوريوس اموري معقدة أكثر من طلبة الماجستر لهدا ننصح الاخوة ايشوفوه بالك يلقوا عنده فائدة و بالله لو في اي حد عنده معلومة و حتى صغيرة عن سستم الدراسة في ايرلندا ايفيدنا و صحيتوا .... ,

السلام عليكم لو سمحتوا من يفيدني بخصوص التاشيرة الايرلندية للمرافق هل هي معقدة مثل الانجليزية تشترط ان يكون لديك 4 في الايليس علما باني ابحث عن قبول لغة

ياخوي بابل صحيت ع الرد والمكاتب زي السفارات كلها في طرابلس يعني مركزية حتى هما يعني لو بنبعتلهم الاوراق بالدي اتش ال والا بنفرغ روحي ونسافر .... عليك نقناق

لكن باهي خير من بلاش

اختي ام رفيدة فرق السماء ع الارض بريطانيا وايرلندا من حيث الاجراءات والشروط، يعني ان شاء الله اسهل

ياخوي مفتاح شكلك بو صغار وعيلة مثلي ... ان شاء الله المنحة تكفي والمدن الرخيصة نوعا ما هي كورك - جالاوي - ليمرك

وجامعاتها قوية جدا ومحصلة تراتيب، وجوها جو دبس وقراية يعني هادية وايجاراتها ارخص تقريبا النص من دبلن وفيها مراكز ثقافية اسلامية ومحلات حلال وعندهمش عنصرية ، اما الاطفال يمشوا لدبلن مرتين في العام الدراسي باش يعملوا الامتحانات والباقي يدرسوا مع الايرلنديين وتطلب منهم اعفاءهم من الدروس الدينية وياخذوا بدالها نشاط

اما دبلن العاصمة هي اغلى لكن ميزتها جامعاتها اكثر وخياراتك فيها اكثر وهي مدينة اكبر ومن ناحية من يحب الترفيه وسائله اكثر في دبلن ... والاهم من هذا كله الاطفال ليهم مدرسة ليبية



لا والله مامشيتش لأيرلندا هذي معلومات من البحث المتواصل خايف نسأل خوي حمزة يذبحني

معلوماتك صحيحة... وما تخاف

المنتصربالله كتب:

ياخوي بابل صحيت ع الرد والمكاتب زي السفارات كلها في طرابلس يعني مركزية حتى هما يعني لو بنبعتلهم الاوراق بالدي اتش ال والا بنفرغ روحي ونسافر .... عليك نقناق

لكن باهي خير من بلاش

اختي ام رفيدة فرق السماء ع الارض بريطانيا وايرلندا من حيث الاجراءات والشروط، يعني ان شاء الله اسهل

ياخوي مفتاح شكلك بو صغار وعيلة مثلي ... ان شاء الله المنحة تكفي والمدن الرخيصة نوعا ما هي كورك - جالاوي - ليمرك

وجامعاتها قوية جدا ومحصلة تراتيب، وجوها جو دبس وقراية يعني هادية وايجاراتها ارخص تقريبا النص من دبلن وفيها مراكز ثقافية اسلامية ومحلات حلال وعندهمش عنصرية ، اما الاطفال يمشوا لدبلن مرتين في العام الدراسي باش يعملوا الامتحانات والباقي يدرسوا مع الايرلنديين وتطلب منهم اعفاءهم من الدروس الدينية وياخذوا بدالها نشاط

اما دبلن العاصمة هي اغلى لكن ميزتها جامعاتها اكثر وخياراتك فيها اكثر وهي مدينة اكبر ومن ناحية من يحب الترفيه وسائله اكثر في دبلن ... والاهم من هذا كله الاطفال ليهم مدرسة ليبية



لا والله مامشيتش لأيرلندا هذي معلومات من البحث المتواصل خايف نسأل خوي حمزة يذبحني

بارك الله فيك اخ المنتصر بالله ولو سمحت هل عندك اي معلومة اتفيدني بها على تاشيرة المرافق شن شروطها بالضبط وهل تطلب قبول اكاديمي مع اللغة او لا وهل يعطوها لمدة سنة او 6 اشهر وجزاك الله خير

السلام عليكم

بالله نبي نسأل على الجامعات الإيرلندية اللي فيها تخصص علم دم أو مصارف دم

وكيفية برنامج القبول والتأشيرة فيها

وبارك الله فيكم