شن رأي إخوتي الموفدين..والموفدات..؟؟

السلام عليكم ورحمة الله وبركاته

شنحالكم يا متحندبين

الجو نو بالغرباوي ..وحمو بالشرقاوي..وشوب بالشامي..وحر بالخليجي..دي الدنيا ولعت ياقدعان بالمصري..

وبالانجليزي تو هوت

هادوا اللي يقولوا عليه واعظ الصيف اللهم اجرنا من النار..

عندي نية في دلاع بالليبي..وحبحب باليمني..وبطيخ بالمصري...والجخ بالعراقي..والرق بالخليجي

خطرت عليا فكرة مش عارف اذا تلاقي الاستحسان من الاخوة او لا..

ليش مايكون المنتدي مرحلة انتقال من العالم الافتراضي الي العالم الواقعي..بحيث ننشؤوا رابطة باسم.

رابطة الموفدين الليبيين الدراسين بالخارج..

او

رابطة الطلبة الليبيين الدارسين بالخارج..

بحيث يكون فيها موقع الكتروني بغض النظر عن المنتدي وتقوم بتذليل الصعوبات لدي الطالب..

يكون عندنا مجموعة مندوبين في كل دولة

بحيث يتحصلونا علي قبول للطلاب..والرد علي استفسارات الطلاب القادمين..وتوفير المعلومات من حيث السكن والاسعار والوضع المعيشي..

ويقدم الطلبة بخصم 10 دولار في الشهر او كل تلاته شهور في الدول المعنية..

واصدار مطويات عن هذه الدولة والجامعات والاسعار وغيرها..

ويتم تبني هادي الرابطة من قبل البعثات...

وتقوم بنشاطات ترفيهية ومحاضرات توعوية يتم استقدام كتاب بارزين ومشايخ وشعراء ومبدعين..

وعمل دورات مخفضة وغيرها في تلك الدول...


واخر شئ عمل نادي للطلبة الليبيية الدارسين في الخارج في المدن الرئيسة في ليبيا متل طرابلس وبنغازي ومصراته..


بصراحة اتحاد الطلبة ماليشي اي فاعلية..

فحبيت يكون المنتدي هو النواة لهذه الفكرة ولا شن رايكم



ليبي متحندب..مندوبكم من الاردن

من طرف ليبي متنحدب ,, واخر شئ عمل نادي للطلبة الليبيية الدارسين في الخارج في المدن الرئيسة في ليبيا متل طرابلس وبنغازي ومصراته.. ,, !!!!!!!
وخيره الجنوب امعيطين عليه والا كيف ؟؟ بعدين مصراته كلهن 200 كيلو عن طرابلس يعني مش هذاك البعد , وحدة تغني عن الثانية ,,,,, تعال للنو الجديات والنار المنتشة في الجنوب ولا بحر ولا مطر ولا يحزنون مع بعد المسافة عن الساحل,, فقط نو و حمو وشوب و حر
عموما افكارك حلوة وانا ادعوا الاخوة الاعضاء للنظر لهن باهتمام ومحاولة تحويلهن لارض الواقع مع التفاتة ولو صغيرة على الجنوب